請問你地讀緊n1既小朋友駛唔駛做功課?

V.G

唔知係咪好多學校既n1都要做功課呢?
我果間番左4個禮拜要佢地開始做D填顏色既功課,
我個仔一係就大力亂劃幾下, 一係就細力劃幾點就唔肯做落去, 結果要迫佢先肯俾我捉住佢隻手做多少少, 咁咪即係我做多過佢做? 而且仲好勞氣!! 我怕迫得多會令佢討厭做功課, 我有D疑惑係咪咁細個可以坐定定拿筆做功課呢? 請問你地學校係點? 如果要做功課你地點教呢?

yankaka

我囝囝學校每逢星期五都會派功課, 學你話都係油吓顏色圈吓圖咁, 嗰d係佢做, 咁當然仲係要你陪佢做啦!
另外有一堆係家長做架囉, 好似閱讀計劃咁, 你要幫佢去借書啦, 晚晚講故事佢聽, 然後幫佢填好睇咗咩書, 跟住叫佢圈番閱讀計劃本書仔, 覺得呢本書好唔好睇等等! 另外仲有品德培養, 隔個星期要跟番個題目寫番小朋友做咗d咩同呢個品德培養有關, 例如幫助別人咁囉!
你遇咗N1係你做多過佢做架啦, 佢唔肯合作油ge真係唔好迫, 反而買d填色畫冊返嚟, 平時比佢當玩咁填吓, 教佢ge最好方法係你自己填吓先, 佢地而家都係模仿多, 佢見你玩得開心就自然會跟架啦! 試吓得唔得啦!

chanwendy

我女 n1 係唔會做功課的, 更加唔會拎筆寫字油顏色.  反而有啲教材比佢練肌肉囉.

missoktak

係呀!而家做ma ma真忙架!好多事都要幫佢做!不過睇到佢開心就得la!

EggEgg08

我個b在LH pre-nursery class, 每個weekend有一份簡單親子功課, 係跟番該個星期學校學的topic,又會派那個week學了的中文字卡&Letterland Phonics 卡俾家長同佢溫習, 每個月學校會派份訓練小肌肉的教具回家練習, 今個月就派了set 穿珠仔的教具. 學校教完的歌仔(有廣東話,英文及普通話)會拍成video 供家長網上自行download, 在家中同小朋友一齊唱

[ 本帖最後由 EggEgg08 於 10-10-16 21:11 編輯 ]

MaMa2008

好好呀, 可以睇住video同bb玩, 我淨係可以聽佢唱, 之後估估吓

原帖由 EggEgg08 於 10-10-16 21:09 發表
我個b在LH pre-nursery class, 每個weekend有一份簡單親子功課, 係跟番該個星期學校學的topic,又會派那個week學了的中文字卡&Letterland Phonics 卡俾家長同佢溫習, 每個月學校會派份訓練小肌肉的教具回家練習, 今個 ...

EggEgg08

係呀，d video 係學校小朋友唱的，所以自己睇番特別有親切感。