我見有bb 10個月便去學生字, 入名校係咪一定要這樣?

3pigmama

我見有bb 10個月便去學生字, 入名校係咪一定要這樣?

kerkermui

原帖由 thomasthomas456 於 10-12-14 10:05 發表
個人意見!!!
唔係一定要入名校先咁做(睇你自己追求的嘜嘢),早教嘅效果及對小朋友日後影響好深遠....

我自已唔做過都唔信.. 見到成效嘅時候, 就覺得自己做咗樣對孩子一生都受用嘅嘢: 教識佢愛閱讀!

whywhywhywhy

十個月的bb應該係用手、口、腳、眼睛，耳朵去探索世界，即係俾佢多d接觸我們生活上不同的東西！就係帶佢去玩！
讀書....未來幾十年有排佢讀啦！看看芬蘭的教育，人地係六七歲先讀書，之前最主要係幼稚園係玩遊戲，因為遊戲可以令小朋友更加聰明而且同樣可以學習。
真係唔好再迫一個連說話都未識的小朋友學睇字啦！這樣真係浪費小朋友同大人的精神！
不喜歡當沒看過，我只是替現在的小朋友辛苦啫！！！

sulleybe

原帖由 whywhywhywhy 於 10-12-14 23:41 發表
十個月的bb應該係用手、口、腳、眼睛，耳朵去探索世界，即係俾佢多d接觸我們生活上不同的東西！就係帶佢去玩！
讀書....未來幾十年有排佢讀啦！看看芬蘭的教育，人地係六七歲先讀書，之前最主要係幼稚園係玩遊戲，因為遊戲可以令小朋 ...

環境唔同, 學D嘢都唔同, 外國有一大片草地比小朋友玩, 可以赤脚跑, 可以躺在草地看藍天白雲, 同自然界好接近, 一切智慧都系源於自然定律, 所以會好 creative, 有自信.
城市的小朋友一出世就要着鞋, 手每日都要洗完再洗,唔可以放嘢入口試,因為好多嘢都有毒. 對比下城市的小朋友 是比較差嗎? 又未必! 小朋友會很快去溶入一個物質社會, 佢會很快去學入面D嘢, 例如1歲BB 好多識用 remote 開 TV睇, 玩 Wii, 用 ipod, ipad. 好多生活都要文字,出入坐車要睇站名, 去超市買野又要睇字, 字的接觸比外國小朋友多好多, 所以早D 識字會比較有利,

還有一点, BB學字唔會辛苦的, 返而父母會比較辛苦, 不過只有試過早教的家長,先會明白過中道理!

whywhywhywhy

除左外國，其實香港都好多大自然環境，只要有空帶小朋友行下山，去下沙灘、甚至屋企樓下的公園都可以接觸大自然！睇下你想唔想去啫？！
早教我自己都有試過，真係有用，小朋友用閃卡方法認識了很多字。不過，小朋友再大一點便已經忘記了。我知道有些家長真的很成功令小朋友可以學習到自己看書。這好像是一件好事。但想深一層，我們真的雖要小朋友這麼年幼便書不離手嗎？你說得對，現在社會四處都是文字，每個人都應該要懂得文字，但我不相信在香港會出現文盲吧！我小朋友細個我會用不同地鐵站的顏色教他顏色分類，再大一點教他那些站名，這個方法不錯，一來可以學顏色同字，二來可以考記性，記下一站是甚麼顏色和名，三來唔使撘地鐵咁悶！所以佢撘車一定識讀同識睇站名，識的意思並不是念口黃，是真正懂得的意思！
己有心理學家發覺現在的小朋友因為早教，他們出街時並 不是留意四周的事，他們第一時間看見的便是文字，我們的小朋友難度除了要識字外，其他便不重要嗎？研究發現小朋友最早期只會留意人的臉，因為他們雖要學習看人的表情，好明顥並唔係文字。
幼稚園老師更發覺現在的小朋友在課堂上並不專心，因為老師所教的小朋友都己經學懂了，小朋友跟本沒有心機再聽自己已經懂得的事！所以為何現在有那麼多問題兒童(當然有些是天生的)！
小朋友當然不會覺得辛苦，因為他們只懂接受，如果他們跟本沒有遊戲的權利！他們只會知看閃卡是遊戲吧了，跟本不知道真正的遊戲是甚麼？
你說得對"小朋友會很快去溶入一個物質社會，佢會很快去學入面D嘢, 例如1歲BB 好多識用 remote 開 TV睇, 玩 Wii, 用 ipod, ipad"。如果大家想自己的小朋友是這樣的話....！但我想知道就算你可以訓練到個小朋友六個月就學懂以上這些東西又如何？我想不出為何一個一歲bb要學到這些(因為這些他們大了自然會自己"自願"去學懂)，但是小朋友的童年過了便是過了！父母們只要回想自己小孩時最開心是何時，你便應該想到你的小朋友現在最需要的是甚麼！
我並不完全反對早教，但我見有些父母真的是走火入魔！其實要小朋友愛看書並不一定要閃卡，可以多和小朋友看故事書。小朋友再大一點，可以跟他們玩英文串字遊戲。中文可以玩部首遊戲。這些都能又親子又學到字。只要小朋友有了與趣，不用大人叫，他們也會自己看書！
不同年齡真的有不同學習需要，硬要把所有學習推前，並不一定有理想的回報！

原帖由 sulleybe 於 10-12-17 00:29 發表


環境唔同, 學D嘢都唔同, 外國有一大片草地比小朋友玩, 可以赤脚跑, 可以躺在草地看藍天白雲, 同自然界好接近, 一切智慧都系源於自然定律, 所以會好 creative, 有自信.
城市的小朋友一出世就要着鞋, 手每日都要洗 ...

小曳人

等我又講幾句呀..
我當初試早教係因為一個好傻嘅理由:到底有乜可以同bb做呢?
初初接觸到七田真, 佢話多d俾幼兒接觸大自然! 咁佢當然有講閃咭, 但係隨手都做到嘅, 就係由生活環境出發
之後我地每朝行晨運, 睇四季轉變..
我亦响pg認識到點買玩具..
再接觸蒙特梭利.. 我玩咗好短時間閃咭就放棄咗, 反而好buy 蒙嘅教法, 都係由生活上接觸到嘅嘢學起! 不過我再做多一步, 就係返到屋企睇書!
e.g.我地借咗大量solar system嘅書, 行太空館, 兩個星期後, 阿仔識背8大行星嘅中英文, 知道邊個最大, 咩色 etc

你想小朋友死背知識唔係易事, 但係如果佢地有興趣嘅話,好快學識, 咁咩佢地會有興趣呢? 係生活環境出現嘅嘢, 係爸媽能做嘅嘢..我地屋企好多書, 孩子自己想學睇書!
daddy努力溫習日文, 孩子煩daddy 煩到鍾於肯教佢!
點樣引起孩子嘅興趣, 係一門學問!
而且要預備教材, 一d都唔係易事!

[ 本帖最後由 小曳人 於 10-12-17 21:35 編輯 ]

小曳人

原帖由 3pigmama 於 10-9-18 22:12 發表
我見有bb 10個月便去學生字, 入名校係咪一定要這樣?

答返樓主: 教名校面試係唔考認字嘅!
我so far聽過一間學校面試題有字: 嘉德麗

minichong

good topics!

sulleybe

我相信好多早教的家長都很樂意去傳達呢個信息给其他人, 但真係好多人受唔到, 唔相信會有成果, 但時間過得很快, 轉眼又幾年, 有些唔信的開始後悔, 因為到小學後己發現同其他小朋友有好大的差異, 相信好多有受過早教的K1 小朋友 已接近小1的程度, 再過3年,我相信可到小5, 小6了,我又相信早教成功的小朋友每年不斷快速增長, 呢個現像就是新的教育革命, 現實係須要面對, 只不過父母想小朋友想幾時去面對, 越遲對小朋友的痛苦越大,
早教係一種信念, 不論用那種方式, 但目的是一致, Flash card 係 Glen Doman 方式的其中一種工具, 好多人以為早教就係閃字, 但唔知点解冇提過Glem Doman 的體能篇, 還有藝術,音樂等... 米又係一些商人將早教的理念物質化,早教成本可以很平, 功效又大, 可以無止境的大, 早教係辛苦,不過唔係小朋友,係父母!

sulleybe

原帖由 小曳人 於 10-12-17 21:30 發表
等我又講幾句呀..
我當初試早教係因為一個好傻嘅理由:到底有乜可以同bb做呢?
初初接觸到七田真, 佢話多d俾幼兒接觸大自然! 咁佢當然有講閃咭, 但係隨手都做到嘅, 就係由生活環境出發
之後我地每朝行晨運, 睇四季轉變 ...

我個女都有學 8+1(9大行星) 還有D 行星  moons 都記埋, 你可以再找多D 資料, 上網找會多D, 不過現在佢又有第D興趣了,就係要我地講故事書,
我個女以前都有用閃咭, 不過現在好少,可以講唔需了, 閃咭係將大量data 放入右腦的image storage區, 要由小train, 一但buid up 咗呢種方式, 唔用 閃佢都很快记得,