荃灣區幼稚園有經驗既媽媽請幫忙！

halfq

BB16個月唔知選邊一間幼稚園好，有邊個媽咪知道荃灣區有邊間幼稚園好？係咪住荃灣都可以選讀葵青區既學校呢？唔知點算好！BB下年4月先夠2歲，咁係咪要等到4月就可以立即讀N1架？定係要等到下年9月先可以讀呢？但到9月時BB已2歲5個月了，又係咪讀讀下N1再轉K1呢？如果係咁樣的話我係咪要搵一間有N1讀連接住K1既學校呢？定係可以N1讀住一間先，再到時轉第二間幼稚園？其實自已都有幾間想諗 報，好似好心多咁但又唔識揀又無經驗，唔知邊一間學校好唔好！第時讀小學又唔知會唔會影響入唔到好學校，係咪要擇一間好幼稚園先會入到好小學同中學呢？小學係咪一定要係番個區讀架，可唔可以讀第二區既小學呢？有些人話瑪利諾修院學校好，但係九龍區是否唔可以入讀架？
我真係完全係零知識
各位靚媽媽可否比個心得同建議給我！
Thank you！！

卓思英文學校暨幼稚園
啟思幼稚園
聖公會荊冕堂士德幼稚園
宏福幼稚園 (本地課程)、
栢基海韻幼稚園
聖文嘉中英文幼稚園（荃灣）
荃灣浸信會幼稚園
荃灣聖母幼稚園
迦南幼稚園（荃灣）和 迦南幼稚園（海濱花園）有咩分別呢？我衹知道海濱個間有N1讀

[ 本帖最後由 halfq 於 10-9-11 09:49 編輯 ]