點樣學好中文?

tse530

你認為是甚麼問題?

hw1115

原帖由 tse530 於 10-6-22 10:43 發表
你認為是甚麼問題?

如是作文 & 經常寫錯字 or 唔識寫某個字 ?

Charmainetowin

多看課外書,要make sure是看文字及能讀出來,有時間抽取其中字詞要求小朋友另外再造一句句子.

happyvalley

原帖由 goodmama2003 於 10-6-21 21:56 發表
阿女中文不係好得, 點樣先學得好 ?
請賜教!

如果未曾經過閱讀大量插圖書這個楷段，因為插圖可以令小朋友明白文字中的意義，會有思考，理解；對將來的閱讀及理解有深遠影響。

晴雨公仔

我個女都有這個情況, 可能由細到大, 我們都重英輕中, 搞到佢變左英文人, 身為中國人, 最差的科目竟然係中文, 真係有點慚愧. 現在, 我要她每天除了做"每日一篇"外, 要她一個閱讀理解練習, 希望可以幫到佢. 蝦! 點知佢揀晒填abc答案果d做, 要寫好長答案果d就唔做. 唉! 激死我了. 我同佢話:好啦, 由淺入深 (心裡: 只要肯做都算了, 總有一天會做到要填答案個板, 哼!). 作文方面, 更大镬, 佢用晒英文文法去作中文, 即係前後因果倒轉晒, 無法啦, 作文呢方面真係要比人教, 最後安排佢上中文班. 亞女話個班都有用, 上左兩堂就考校內考試了, 今次都有進步, 算係咁啦.

happyvalley

原帖由 晴雨公仔 於 10-6-27 15:23 發表
我個女都有這個情況, 可能由細到大, 我們都重英輕中, 搞到佢變左英文人, 身為中國人, 最差的科目竟然係中文, 真係有點慚愧. 現在, 我要她每天除了做"每日一篇"外, 要她一個閱讀理解練習, 希望可以幫到佢. 蝦! 點知佢 ...

我覺得做閱讀理解練習係幫唔到學習理解的，多看大插圖書會好有幫助，要從簡單的文字句子開始。

happyvalley

千析不要輕視中文，因為作好中文文章，英文文章先會好，呢 d 全是因為我地用中文思考。

brian61950

講到最後,還不是要看多些書. 但有一點很重要,就是自己有興趣的,迫可以一陣,不能長久.
有時家長認為不好或冇用的書,也可以學到野的.
小弟因不肯背書,加上唔明點解要記埋作者名(背景)及幾時生幾時死,上中學後中文一直不好.
但作文一直不錯,詞語及成語運用得好好,功勞在於漫畫及小說.若考試考龍虎門、李小龍、夀星仔、神鵰、射鵰、天龍八部、三國誌,我就發啦.
記埋哂d無謂野就A,寫野寫得好個d就D,叫教育署班友吔蕉好過食飯啦.明清科舉仲好過佢,依家大學都係寫論文啦.

Fion_Chan

原帖由 brian61950 於 10-6-27 23:17 發表
但作文一直不錯,詞語及成語運用得好好,功勞在於漫畫及小說.若考試考龍虎門、李小龍、夀星仔、神鵰、射鵰、天龍八部、三國誌,我就發啦.

鍾意睇漫畫 - 係咪都可以容許架？
我兩個仔呢一年唔知攪乜，揀D書越來越少字，細仔直情指明只愛看漫畫，或者有知識既書(10萬個為什麼之類 - 又係圖畫佔一半個隻)。中英文書都係咁，初初都由得佢地，結果佢地睇書只睇喜羊羊、黑貓白貓系列(呢兩個系列出得實在太密，而且OK、7-11都有，太accessible)，呢兩個月我實在受不了要禁止在OK、7-11買漫畫，但他們一是在OK、7-11、商務打漫畫書釘，一是翻看又翻看家中‘藏書’............有點頭痛

Charmainetowin

換轉另一角度,小朋友可從多看課外書(尤其是他們起愛的故事)去識字,而這些字很多時會在教科書中出現,只要讓兒童感到看字、讀字和認字是一種樂趣而不是背誦,到他們再拿起教科書時,就會發現很多木字都見過,讀過,到時就無咁怕中文的了。

Charmainetowin

另外,初期讓兒童看多插圖的書是好的,可輔助他們理解故事,但是到一定時候就要選多字的書,以免兒童過份依賴圖片而不是認字。

cyhp

我認為小朋友要看自己鐘意看的書,我細時也是睇龍虎門、李小龍、醉拳及中華英雄等書長大,會考中文科也不錯。而女兒看書也不加規限,她也愛看漫畫,今年中文科全級第一。

[ 本帖最後由 cyhp 於 10-6-28 10:42 編輯 ]

catcatmom

其實多看書(EVEN唔係漫畫, 係正書), 唔一定同學校中文成績成正比, 這些是我跟幾個媽咪傾完之後, 而她們既小朋友已讀小5/6 同一些是最初中生, 佢地都有同感, 特別係上到中學之後.

hw1115

原帖由 cyhp 於 10-6-28 10:40 發表
我認為小朋友要看自己鐘意看的書,我細時也是睇龍虎門、李小龍、醉拳及中華英雄等書長大,會考中文科也不錯。而女兒看書也不加規限,她也愛看漫畫,今年中文科全級第一。 ...

請問您女兒除了看漫畫, 還會看什麼書呢?

另外, 常常寫錯別字既小朋友,
大家有沒有方法 / 心得可以分享吓?

happyvalley

原帖由 catcatmom 於 10-6-28 12:08 發表
其實多看書(EVEN唔係漫畫, 係正書), 唔一定同學校中文成績成正比, 這些是我跟幾個媽咪傾完之後, 而她們既小朋友已讀小5/6 同一些是最初中生, 佢地都有同感, 特別係上到中學之後. ...

這個當然，所以閱讀要分兩種，一種由得佢，不過唔可以係工仔書，佢會速讀，即係睇完就算。第二種就是我提供的課本，講明沉悶到脾，要做理解、答題、感想、仿句…，當然要加獎品，唔係講明無心機做，還有講明只會獎和學習，不會有分數，唔會有名次，即刻開心晒 。

happyvalley

原帖由 hw1115 於 10-6-28 13:46 發表


請問您女兒除了看漫畫, 還會看什麼書呢?

另外, 常常寫錯別字既小朋友,
大家有沒有方法 / 心得可以分享吓?

坊間大把中文併字遊戲，到書局找找吧，邊隻好就自己撰擇吧。