"S"位一問

Chunmother

我個仔就黎三歲,以家排緊"I"位,我都有帶亞仔讀係出面私人的幼兒認知課程(一星期一次),上左大約半年,導師覺得亞仔的進度唔係太理想,叫我考慮轉"S"位!聽到真係好心痛,我想問知唔知政府"S"位大約要排幾耐呢?定係我以家同佢入私人"S"位,等到政府有"I"位再轉返出黎呢?希望大家比D意見,我個心真係好煩呀! 謝謝!

Anpanmama

如果係排緊而未到嘅話, 你試吓同社工講轉排S位, 可能佢會要做好多嘢做而藉詞推你, 因為佢要同醫生攞過一封新嘅報告同重新入表, 但其實係可以做到嘅！兼且應可以用番舊冧巴。
但之前你最好上社署網睇定想選邊間S位， 要注意因為大派位剛剛派完，所有available嘅I位同S位(嚟緊9月開學嘅)都應該派哂。
心急入讀嘅話可能要執死雞，要啲人give up嘅位。
如果情願等心儀嘅S位, 可能真係要等多幾個月。
呢段時間可以讀啲私人S位, 例如Step同Joyful, 當然價$唔平, 但最緊要幫到小朋友, 唔需要太担心, 我仔仔都係3.5歲先入S位, 之前我一直有自費ST, OT同社交小組。

樂天教室 Joyful Classroom

邁步兒童發展中心

協康會青蔥計劃
http://www.heephong.org/chi/slp/slp_activity_list.php

特殊幼兒中心名單
http://www.swd.gov.hk/doc/rehab/SCCC_032010.pdf

pocoyo123

當年我同你一樣，兩年前亞仔剛三歲，入左I位8個月，有進步但慢，我好心急，到左9月升k1我自已叫學校搵心理
學家見亞仔，佢話可以再睇多一年，又話佢唔需要轉，但我話一定要排期見醫生，最後亞仔4歲時轉左s位，讀左8個月，依家亞仔識駁咀，又同我有傾有講，我一d都無後悔比佢去s位，我唔知你亞仔係乜野問題，我亞仔係自閉十輕微過度活約十專注力不足，如果我依然留佢係I位，我諗佢依然係乜都唔識，老實講I位係麻麻地，好多野都係好求其，而且佢地都係照顧正常小朋友多d，仲有如果轉服務可以用以前個number排，好快有

原帖由 Chunmother 於 10-6-1 17:18 發表
我個仔就黎三歲,以家排緊"I"位,我都有帶亞仔讀係出面私人的幼兒認知課程(一星期一次),上左大約半年,導師覺得亞仔的進度唔係太理想,叫我考慮轉"S"位!聽到真係好心痛,我想問知唔知政府"S"位大約要排幾耐呢?定係我以家 ...

Chunmother

好多謝你地的意見!亞仔自閉的情況唔係太嚴重,一般人都唔覺得佢有問題!不過言語係比同年紀小朋友慢,而且理解能力同認知能力都較差!擒日問過社工,佢話一般情況下,如果小朋友唔係話差得咁緊要,醫生都唔會咁容易轉佢入"S"位!要等入小學前先再做評估!唉....到時已經太遲呢!而且係出面私人讀"S"位真係好貴!因為得我老公一個出黎搵錢!政府的資源真係有限!所以真係好頭痛!

Capricorn2521

dear pocoyo, 請問你仔仔讀那一間呢?

原帖由 pocoyo123 於 10-6-1 23:44 發表
當年我同你一樣，兩年前亞仔剛三歲，入左I位8個月，有進步但慢，我好心急，到左9月升k1我自已叫學校搵心理
學家見亞仔，佢話可以再睇多一年，又話佢唔需要轉，但我話一定要排期見醫生，最後亞仔4歲時轉左s位，讀左8個月，依家亞仔識駁咀，又 ...

pocoyo123

協康會 NGAN TAU KOK

原帖由 Capricorn2521 於 10-6-2 14:59 發表
dear pocoyo, 請問你仔仔讀那一間呢?