請問評估報告上寫住 : 較活躍, 專注力弱代表有ADHD嗎?

衰豬仔

我個仔昨天到下葵涌做評估, 個REPORT報告, 寫住較活躍, 專注力弱, 代表有ADHD嗎, 還有要轉介到幼兒中心混合位排期, 是否即係排 (I)位呢?

我今朝帶個仔返學, 個校長已經企o係我個仔班房度, 平時校長甚少到班房既, 都唔知係我敏感定佢太想知結果啦, 問我點, 我照比張紙佢睇, 佢就話, e.... 可以到混合位做排期呀, 邊間邊間有, 妳考唔考慮下, 我覺得佢好似想我個仔快d走o甘...... :;pppp:

而家都好煩呀, 都唔知同唔同佢轉校, 唔轉又成日比老師投訴, 仲要對3年, 轉左又唔知點, 唉........

pollybell

代表佢都唔肯定,你小朋友咁細好多評估都做唔倒,但如果係adha,特徵到小一就會好明顯,你咪照排位,一面等一面去私人做一些訓練,如果唔想轉校你應該同校長坦白傾下,或者你承諾會同小朋友去做私人訓練,再睇一個學期睇下有無改善,如果校長都唔願意接受既,都唔到你唔轉校.

Anpanmama

小朋友年紀仲細, 唔會斷症住。
其實I位即係幼兒中心混合位or叫兼收位。
唔好怪校長同老師, 始終佢地唔係專門嘅特殊老師, 加上你小朋友係跑跳型, 要兼顧都有難度。
我仔仔K1讀咗半年, 佢地每日都要多個老師旁住佢上堂兼捉實佢，我仔根本學唔到課堂嘅嘢, 夾硬留低對雙方都冇好處。終於都轉咗去讀特殊位, 讀咗半年已經有規有矩, 坐定定上堂, 一年左右醫生評估佢可以轉番出嚟咯！
趁小朋友仲細要盡教，唔係大啲仲難改善！
選校方面你記住問吓佢地幾耐上一次特殊老師個別堂, 平日嘅課堂點分配, ST 同OT幾耐一次之類。

衰豬仔

原帖由 Anpanmama 於 10-5-29 00:32 發表
小朋友年紀仲細, 唔會斷症住。
其實I位即係幼兒中心混合位or叫兼收位。
唔好怪校長同老師, 始終佢地唔係專門嘅特殊老師, 加上你小朋友係跑跳型, 要兼顧都有難度。
我仔仔K1讀咗半年, 佢地每日都要多個老師旁住佢上堂 ...

請問一下, 咩係 ST 同 OT呀 ???

Anpanmama

ST---言語治療
OT---職業治療