孩子要轉校, 請提供意見.

flora_yu

本人孩子現就讀學校(新蒲崗, 圣公會基德小學), 用普通話上中文, 孩子學習成績還算OK, 由一年班到現在三年班學習成績都保持在全年級8以內, 所以希望幫他找一間更好的學校. 請問沙田區和馬鞍山那些學校比較好,  另外轉校手續應該怎麽做?
謝謝好心人告知.

HappyEE

原帖由 flora_yu 於 10-3-10 17:11 發表
本人孩子現就讀學校(新蒲崗, 圣公會基德小學), 用普通話上中文, 孩子學習成績還算OK, 由一年班到現在三年班學習成績都保持在全年級8以內, 所以希望幫他找一間更好的學校. 請問沙田區和馬鞍山那些學校比較好,  另外轉 ...

很多學校現在已經開始招下年度插班生, 首先找合適的學校, 再上學校網或打電話查詢, 沙田就一定係呂小好

88654321

原帖由 HappyEE 於 10-3-10 17:25 發表

很多學校現在已經開始招下年度插班生, 首先找合適的學校, 再上學校網或打電話查詢, 沙田就一定係呂小好

上次聽一呂簡介會,校長話大家如果想插班,一定要在原校全級考頭三名,如果唔係連interview都唔會有機會.

flora_yu

個仔上學期都考了全年級第二, 呢學期排左去第八了, 甘可能連INTERVIEW 的機會都沒有了....唉...
算了, 搵禧年或者主風/ 聖心小學/沙田官立小學/循道/靈糧 不知好唔好呢?

原帖由 88654321 於 10-3-11 09:40 發表


上次聽一呂簡介會,校長話大家如果想插班,一定要在原校全級考頭三名,如果唔係連interview都唔會有機會.

Charlotte_mom

如果要轉校, 無非都係想更上一層樓, 我會考慮埋升中派位
你提出既學校之中, 有D有直屬中學, 有D無, 我會考慮埋,進可攻退可守, 舉個例, 我朋友個仔係沙田區BAND ONE生, 但唔算最TOP, 由於都算幾醒目叻仔, 我朋友幫佢進取地揀中學, 但小朋友讀既小學無任何直屬聯繫中學, 會蝕底D, 結果佢入左第4志願, 而呢間第4志願中學, 原校直上BAND TWO已經入到了

88654321

原帖由 flora_yu 於 10-3-11 14:19 發表
個仔上學期都考了全年級第二, 呢學期排左去第八了, 甘可能連INTERVIEW 的機會都沒有了....唉...
算了, 搵禧年或者主風/ 聖心小學/沙田官立小學/循道/靈糧 不知好唔好呢?

...

唔試過又点知唔得呢? 如果想要,不妨一試. 培基聽聞都好好,其它我唔清楚. 我當初只心儀一呂及培基,及後覺得一呂太谷,聽到校長講嘢都覺得佢好注重成績,唔係我杯茶,所以放棄了.若你仔仔讀到書,不妨一試.

flora_yu

好感謝各位熱心家長的提供.........多謝嗮!!!

高齡媽媽

小孩讀得這麼好, 點解要轉?

Jasper_lo

其實你有冇同個仔講過想同佢轉校的事, 佢想唔想轉丫........要在其他學校再適應過又要應付功課及考試.

SUPERKITTY

如果佢在原校適應到就唔好轉啦，轉校要重新適應及建立人際關系，重視成績的學校D老師唔一定好，學生考試壓力大可能會影響學習興趣同動機。反而升中學先幫佢搵一間適合佢既中學，例如傳統教學或互動教學。

小朋友最緊要對學習有滿足感同興趣，有興趣就是最大的學習動機，反而應關注孩子的正面價值觀，因應孩子的興趣栽培佢，例如參加象棋班/圍棋班，寫作班/繪畫班，手工藝班/魔術班，戲劇班等等能夠訓練孩子的創意及思考能力。二十一世紀最重要的是創意產業，如果小朋友有呢個能力，對佢既將來絕對有優勢。