跨區選校

aptcan

我嗰個係囝囝, 只有15分, 想跨區考12網以下小學, 請問機會有幾大機會呢?

第一志願 : 聖若瑟小學
第二志願 : 軒尼詩道官立(上午)
第三志願 : 華仁小學

或以下這個組合大機會啲呢?

第一志願 : 軒尼詩道官立(上午)
第二志願 : 聖若瑟小學
第三志願 : 軒尼詩道官立(下午)

臻媽

你係NET ??? 你指係2ND ROUND甲部全選跨網??? 如是者請三思, 因此舉大多唔會有好結果, 所有選校指南都說明如於2ND ROUND, 只好於甲部選一間跨網(因跨網位少, 排第1都未必有, 仲話第2添), 至於甲部第2應等同乙部第1志願, 咁勝數會較高吧!!!  所以如你真係跨區, 必須選出最愛一間, 放棄其他, 於自行時交表, 再於大抽獎甲部填上第1, 再於原區選出最愛放於甲2&乙1, 而乙2就填上原區好學校而非大眾之首選者, 如是者派中首3志願成數才高吧!!!

另你的選擇, 即使係NET 12本區, 都太進取, 因3間都係NET 12大多人的心水之選, 非常熱門, 第1&第2志願選熱門都仲可以, 第3要放不太熱門但好的學校, 咁派到首3志願成數才高吧!!! 而10/11的競爭都好大, 選擇不宜太進取, 如屬NET 12, 最好於下面3間選最愛放第1, 而第2可選質數好, 但不是大眾之首選者, 如軒下/寶血/聖雅各吧!!!

原帖由 aptcan 於 09-8-1 12:16 發表
我嗰個係囝囝, 只有15分, 想跨區考12網以下小學, 請問機會有幾大機會呢?

第一志願 : 聖若瑟小學
第二志願 : 軒尼詩道官立(上午)
第三志願 : 華仁小學

或以下這個組合大機會啲呢?

第一志願 : 軒尼詩道官立(上午)
...

[ 本帖最後由 臻媽 於 09-8-2 00:17 編輯 ]

brian61950

12區男仔係蝕啲架,如15分揀聖若瑟小學或華仁小學真係盞攪,可能有啲傳聞边個边個15分都好彩入到,但每年15分入到既小朋友絕對係少過10個.

首輪無得見既,話就話同分抽,但比我我會揀....
1)名幼稚園的
2)很小已領洗的(幾個月)
3)看不到的人事撘單
4)本區住址
5)有錢的住址
以上幾點,小弟幻想姐.

七除八拆,重有幾個15分好彩入到?

臻媽

大抽獎時係中央抽, 學校無權揀, 所以排位好重要, 入唔到首3志願的朋友除咗唔好彩, 極大可能係排錯位吧!!!

至於以下幾點, 1)名幼稚園的, 2)很小已領洗的(幾個月),3)看不到的人事撘單, 5)有錢的住址 喺round 1 & round 2都影響唔到, 或許 round 3 (叩頭)有些微影響吧....但說真以上幾點對選取官津小學真係影響唔大, 至於 4)本區住址 就於round 2 有影響, 因影響所屬校網, 同網有90%, 跨網只有10%, 例如於round 2, 該校剩餘 50 位, 咁即係只有5個位俾跨網抽, 45個位比本區抽, 如此即跨網你要估計有幾多人同你爭呢10%位, 通常選擇跨網, 大多係好受歡迎者, 咁競爭自然會好大, 我個人覺得中籤率同中六合彩無乜分別!!!

原帖由 brian61950 於 09-8-1 22:43 發表
12區男仔係蝕啲架,如15分揀聖若瑟小學或華仁小學真係盞攪,可能有啲傳聞边個边個15分都好彩入到,但每年15分入到既小朋友絕對係少過10個.

首輪無得見既,話就話同分抽,但比我我會揀....
1)名幼稚園的
2)很小已領洗的( ...

[ 本帖最後由 臻媽 於 09-8-2 10:25 編輯 ]

aptcan

多謝各位家長既寶貴意見, 因他是哥哥尚有一位妹妹, 但本人就比較喜歡齍校, 所以真係好煩惱, 又無經驗, 好彩係bk有好多有經驗又肯幫忙俾意見的定長.