每月費用

PinguLinusLee

本人對smc這所學校真的非常心儀,但自從全球金融危機後,我的公司生意一落千丈,我也不敢擔保明年會否還有工作。十分冒眛,想請各位smc家長提供一下資料,除了學費外,連同校車(家住荃葵青區),食飯,各項課外活動等,一個月的洗費要多少??  若真的太高的話,我可能也被迫要放棄投考,只可以選擇津校。

G-Ma

學費($2900) + 車費 (估計$1000左右) + 飯費 ($300) 就應該無咩其他費用

其他如:
1. 課外活動 - 學校本身已經有2堂叫talent class 既課堂, 比小朋友學習不同既課外活動好似跳舞, 羽毛球, ping pong, 劍擊, 木球等等, 係唔需要額外費用.  如果家長想比小朋友參加其他放學後既活動先要另行收費.

2. 捐獻 - 學校每年都有不少慈善活動, 不過唔會強迫家長捐款, 都係隨緣樂助, 想捐幾多就捐幾多.

3. homework club - 學校係放學後安排咗做功課既課堂, 會由中學既哥哥姐姐睇住佢地做功課, 有唔明可以發問, 如果參加每月係$100.

4. 開學時會有d書薄雜費, 都係幾百蚊左右, 學期中就無咩費用會收.

整體smc都係一間非牟利既學校, 所以大部份既費用都係可以預算到.  學校亦有獎學金制度, 由2年班開始, 每級考頭1-15名都有學費減免.

PinguLinusLee

G-MA,

謝謝你的回覆。我喜歡SMC的原因亦是因為發覺這學校有很多熱心的家長。不好意思,我還想問問學校用的書簿是不是都是本地的課本?  兩季校服的費用高嗎? 因我見過好像平日穿的白襪都要有校徵的,不知這方面的費用又要多少?

另外想問問有關功課班,是不是每天都可以留在校內完成功課,而只需繳交$100。

真的不好意思,本人一心想為小女入此校舖路,誰知一場金融危機令本人真的很擔心日後供書教學的能力,所以必須要小心部署。請各位家長可以多多協助提供資料。謝謝大家!!

G-Ma

Hi PingulinusLee,

SMC既家長比我既感覺係好隨和同熱心, 好多家長都盡可能抽時間多d返學校交流同了解多d學校, 所以真係幾似一個大家庭.  

係, 功課班只需要$100 一個月就可以每日留係學校到做功課, 不過有時活動周或者考試既月份就無功課班安排.

校服夏天都係百多元一套吧, 冬天就貴少少, 都係兩百多元吧, 實際價錢我唔係好記得, 我只係記得舊年冬天我幫囡囡買過哂d校裙, 運動衫大概係$500-600左右.  學校的鞋是要著校鞋的, 不過都是百多元一對, 白襪就可著街外既.

課本大部份係本地課本, 有部份係學校自行編制既教材, 每年書費大概一千到千多元左右.

能力範圍內做到既, 每位家長都係想將最好既比自己小朋友, 這個大家都明白的, 希望以上資料可以幫到你.