新生報到請指教

tinching821

剛收到港同取錄信,開心到暈!!!!!

有幾個問題請各位家長指教:

1. 數學堂是否教珠心算? 小女現正在校外學珠心算,如小學也會教的話,想現在不讀了。

2. 家住青衣,路途非常遙遠,但仍有二女,想等二女入小學才搬家。請問有否校車經香港站? 收費如何?

3. 港同非英語教學,怕她英文會退步(她現在英文水平不差),各位家長通常如何補英文?

4. 是否很多project做?家長會否好吃力?

5. 面試時途經公園很多呀伯講粗口,港同學生會否受影響?

多謝各位指教,明年九月見!!!!

iwff

tinching821,

歡迎你呀!

1. 數學堂是否教珠心算? 小女現正在校外學珠心算,如小學也會教的話,想現在不讀了。港同數學堂好似冇教珠心算的, 都係一般的數學不過活動教學, 同學想做深d的數可以取挑戰站的worksheet去做, 我仔仔好喜歡做。不過課外活動有珠心算, 幾十元一堂, 但你囡囡都學緊, 如果好咪繼續讀囉。

2. 家住青衣,路途非常遙遠,但仍有二女,想等二女入小學才搬家。請問有否校車經香港站? 收費如何? 校車應該冇香港站的, 校車九龍線只去到tko, 藍田及觀塘。你可能要找保母車, 或自己送, 長遠當然係搬啦。我識一個家長今年仔仔入讀小一, 之前都係住青衣, 因冇校車, 開學前已搬了去tko住方便返學了。

3. 港同非英語教學,怕她英文會退步(她現在英文水平不差),各位家長通常如何補英文? 學校英文堂有net teacher或華藉英文老師教, 鼓勵同學去講去寫, 唔怕錯去做, 由淺入深, 老師會用不同的worksheet去引導學生思考,活學活用, 若你擔心小朋友英文水平, 都可以出去返英文堂的, 又冇壞的。

4. 是否很多project做?家長會否好吃力? 我仔仔小一暫時未有特別去做project, 不過聽問小二都多的, 家長真的要花時間去幫小朋友做, 但小朋友會做得好開心。

5. 面試時途經公園很多呀伯講粗口,港同學生會否受影響? 這個問題絕不用擔心, 若小朋友坐校車, 校車直入學校接送, 跟本冇機會經過公園接觸那些伯伯, 自己接放學都好快行過, 冇什麼影響。我日日送仔仔返學又真係唔覺個公園有好多阿伯講粗口喎, 多老人家做早操就真。

希望你早日解決校車問題, 我仔仔係港同真的讀得好開心的。

iwff

原帖由 tinching821 於 08-10-25 21:07 發表
剛收到港同取錄信,開心到暈!!!!!

有幾個問題請各位家長指教:

1. 數學堂是否教珠心算? 小女現正在校外學珠心算,如小學也會教的話,想現在不讀了。

2. 家住青衣,路途非常遙遠,但仍有二女,想等二女入小學才搬家。請問 ...

[ 本帖最後由 iwff 於 08-10-25 22:15 編輯 ]

small_cc

tinching821
你好!

iwff:
想請問妳，tko的車程一趟要多久?(要不要1hr?)，另外會不會繞山路(因為仔仔會暈車) ，請問有無返學、放學的校車路線?
開學前有沒有小一適應班?有的話大約係幾時?

[ 本帖最後由 small_cc 於 08-10-25 22:22 編輯 ]

iwff

small_cc,

tko的車程不用行山路的, 睇你住tko那裡啦, 大概要40分鐘。我比今年資料你睇下, 過海係貴d的。

地點                  上車時間   到校時間      雙程      單程
新都城               6:50        7:35          1,400   940
海悅豪園文曲里   7:00        7:35          1,400   940
東港城的士站      7:02        7:35          1,400   940
清水灣半島         7:05        7:35          1,400   940
將軍澳廣場         7:10        7:35          1,400   940
維景灣畔七座      7:15        7:35          1,500  1,000

放學係15:30 到站大概係 16:00-16:15分。

有時交通問題, 可能不一定準時回校的。唔知下年路線會否改變, 但相信不會改變太大。我見都有tko家長都選擇自己送, 可能唔想太早關係, 我就係其中一位。

今年的小一適應日係8月23日星期六, 學生返了上午半日, 但開學後會有適應週, 返半日學, 到9月11日才返全日。放心啦, 小朋友好快適應的。

iwff

原帖由 small_cc 於 08-10-25 22:17 發表
tinching821
你好!

iwff:
想請問妳，tko的車程一趟要多久?(要不要1hr?)，另外會不會繞山路(因為仔仔會暈車) ，請問有無返學、放學的校車路線?
開學前有沒有小一適應班?有的話大約係幾時? ...

[ 本帖最後由 iwff 於 08-10-25 22:41 編輯 ]

small_cc

原帖由 iwff 於 08-10-25 22:40 發表
small_cc,

tko的車程不用行山路的, 睇你住tko那裡啦, 大概要40分鐘。我比今年資料你睇下, 過海係貴d的。

地點                  上車時間   到校時間      雙程      單程
新都城               6:50        7:35  ...

Thanks!不走山路我就放心多了，我是第二站的，自己送是否8:00前到校即可?
原來8月23日左右就有適應日(那天就要穿校服了嗎?)，暑假少了一星期，7月到9月的暑假期間會不會有其他的活動(如:買校服、書…因為本人會不在香港)

[ 本帖最後由 small_cc 於 08-10-25 23:11 編輯 ]

iwff

small_cc,

係呀, 自己送8:00前回到學校就得了。

唔好誤會呀, 8月23日係星期六(不用著校服), 適應日只返半日星期六, 不是一星期, 之後9月1日才開學(返大概10日半日才返全日),放心不會冇了一星期暑假的。

另外今年7月頭有家長日, 不用帶小朋友, 主要介紹小一課程及訂書,做校服等事項, 家長日後就到8月的新生日,冇其他活動的了。唔知下年又會否有改動的。若你不在香港, 叫家人代去囉, 應該問題不大的。

iwff

原帖由 small_cc 於 08-10-25 23:09 發表

Thanks!不走山路我就放心多了，我是第二站的，自己送是否8:00前到校即可?
原來8月23日左右就有適應日(那天就要穿校服了嗎?)，暑假少了一星期，7月到9月的暑假期間會不會有其他的活動(如:買校服、書…因為本人會不 ...

[ 本帖最後由 iwff 於 08-10-25 23:31 編輯 ]

FM

Dear iwff,

Can u advise whether there is any school bus service from mid-level to HKUGA?

Thanks!

iwff

FM,

半山區的路線都有好多站的, 詳情你可打去佳景旅運有限公司問下, TEL: 24013695。時間要30-50分鐘, 價錢係雙程$800, 單程$540。

iwff

原帖由 FM 於 08-10-26 00:06 發表
Dear iwff,

Can u advise whether there is any school bus service from mid-level to HKUGA?

Thanks!

Charlotte_mom

iwff,
無去fun day, 今日你都好忙wor

Charlotte_mom

tinching821,

歡迎歡迎!
1. 數學堂是否教珠心算? 小女現正在校外學珠心算,如小學也會教的話,想現在不讀了。iwff知得比我仲詳細, 我唔多講了

2. 家住青衣,路途非常遙遠,但仍有二女,想等二女入小學才搬家。請問有否校車經香港站? 收費如何? 有校車去中環, 不過唔肯定有無去香港站, 可以打去佳景問下(assume出年仲係用呢間)

3. 港同非英語教學,怕她英文會退步(她現在英文水平不差),各位家長通常如何補英文? 學校係外籍or外國回流既老師, 英文唔港式的, 放心, hkuga的確係中文教學, 不過英文科著重free writing同培養reading skills, 我女睇書都叻左好多了, 講grammar, 港同學生可能唔夠傳統學校學生咁勁, 因為佢地會操, 而我地係靠運用中學習(exercise係有的不過唔會好多), 目的都係訓練小朋友夠膽表達, 效果唔錯的

4. 是否很多project做?家長會否好吃力? 初初做project, 老師會帶住堂上做, 做完一part part至返屋企夾埋做final product, 所以唔駛擔心的, 你不如擔心小朋友太投入, 越攪越精美, 做極都唔肯完吧!

5. 面試時途經公園很多呀伯講粗口,港同學生會否受影響? 查實我地都好少去公園, 學iwff話齋, 返學放學經過一分鐘, 如果搭校車更加唔會經過tim, 我經過過好幾次, 又真係見早操客多, 可能時間問題掛?!

tinching821

多謝charlotte mom 及iwff 詳細解釋。

港同及聖瑪加利都收了小女,雖然聖瑪加利近好多,但我和丈夫都希望讀港同,可能我阿q,我想她可以在地鐵看書嗎! 港同很鼓勵小朋友看書痳!

今日去港同註冊,沿途好多男人食煙講粗口,第日真係要睇實個女,唔好比佢係附近流連。不過可能我諗得太多,社會就係咁,唔同搵個罩罩住佢咩,反而應該教識佢是非黑白就真。

入到港同真係超開心,記得第一次係禮堂見到明德格物四個字,想起港大,眼淚滾滾流下,相信港同可以貫徹港大的教育理念。

講得太多了,希望第日再有機會同大家分享。

Charlotte_mom

港同係好學校, 睇呢度好多捧場客就知, 我地都讀得好開心
"明德格物", 如果第2時d仔女入到港大, 我都會好開心, 不過而家唸得太早了 (我個女試過好認真咁話"咩呀, 我真係o係港大讀架!)

原帖由 tinching821 於 08-10-27 09:29 PM 發表
多謝charlotte mom 及iwff 詳細解釋。

港同及聖瑪加利都收了小女,雖然聖瑪加利近好多,但我和丈夫都希望讀港同,可能我阿q,我想她可以在地鐵看書嗎! 港同很鼓勵小朋友看書痳!

今日去港同註冊,沿途好多男人食煙講粗 ...