旅港在此報到

一家的太陽

阿仔今年也有幸入到開平，琴日有去註冊。因為係中文小學出身，有點擔心一下子適應不了英中教學。
各位媽咪有無經驗體會可以交流？
多謝先！

一家的太陽

Thank you very much for sharing.
我會要阿仔暑假裡做好D預習,開學後可以容易地跟上.

原帖由 lk362 於 10-7-9 23:04 發表

welcome!
我阿女以前都係中文小學,
不用太擔心!
暑假有個bridging programme,
可以有個預備同識下同學.
Form one學既野都唔會太深,
都係用simple english多.
如果有時間可以係暑假睇下課本,
查左d唔識既字,到時就易 ...

一家的太陽

多謝呀!!
好開心阿仔可以加入開平大家庭.

原帖由 漢堡飽 於 10-7-10 11:04 發表
歡迎呀！
中一不會太難，尤其上學期，至於英文教也是適應問題，聽得多自然會得，入到開平即是你有資格英文上課，唔洗擔心，年青人很快適應。

一家的太陽

係唔係有車仔推來賣飯盒?學生買了飯盒後返學校食?
昨日分班試後,特登同阿仔係學校周圍行了一圈,除了M記, KFC,何文田廣場有餐廳,對學生來說稍貴,而街市好似得飯盒賣,冇咩位可以坐低.

原帖由 漢堡飽 於 10-7-13 12:57 發表
街外有何文田廣場，各種特式;學校外有飯盒車，經濟;小食部要排長龍，中一生比較吃虧。

一家的太陽

請問canteen係邊度有?

原帖由 lk362 於 10-7-13 19:17 發表

阿女話小食部一般都係賣魚蛋,燒賣,腸仔..
飽肚d有撈麵,炒米
學校訂飯麻麻地,
如想食飯,阿女話canteen賣個d好d
其實出外去飯都可以,但最緊要注意交通安全! ...

一家的太陽

check咗,阿仔係1A班.
學校講明,一年級唔按成績分班喎.

原帖由 detungmama 於 10-7-18 22:01 發表
各位九月中一新同學仔, 編班結果出左喇, 快 d 上去 check 下自己入左邊班啦.
我囡英文弱左少少, 編左去 1E.

一家的太陽

Thank you very much for your infomation.
Hoi Ping's parents are so nice & helpful!!!
My son likes the school very much.

原帖由 delimama 於 10-7-16 16:19 發表
Hi 太陽媽媽 & KMTmama,

Welcome to Hoi Ping. My son is promoting to F.2 and he enjoyed his F.1 very much. I'm sure your kids will love their school life here.

For the first month, all F.1 students  ...

一家的太陽

咁係真架喇.
註冊嗰日一位老師係課室講嘅.

原帖由 detungmama 於 10-7-19 22:23 發表
係咪真架?

一家的太陽

有事想請教呀!!

阿仔今日開學第一天,抄返來既課程表有一項係GAP,唔知係邊一科既缩寫?
定係抄錯?

一家的太陽

多謝!!
明白晒.

原帖由 PPFAMILY 於 10-9-1 23:32 發表





GAP = Guide Activity Period
由班主任負責，每個cycle特定一天上堂，聽阿仔講是關於成長課的

一家的太陽

中學同小學嘅手冊真係好唔同.
小學時嘅手冊分各主課,功課一目了然.
而且中學手冊唔係日日要家長簽名.
我現在要求阿仔自理,需要簽名時拿來比我簽.
至於交功課及回條嘅日子都唔同,我用Excel幫佢按月份Print出類似月曆嘅A4紙,要佢自己記下,如能比心機記錄,應該幾清楚,好用.

原帖由 detungmama 於 10-9-10 15:57 發表
真係有 D 擔心會交漏功課, 因為呀囡每日返來的手冊裹面交功課日子不同

一家的太陽

記得8月下旬迎新家長日上副校長講,要求學生做到「知本份,盡責任,」極之贊同學校的理念!!

一家的太陽

中一都一樣,班主任堂上,由同學舉手自薦,再由班主任決定任命各科科長等等,阿仔舉了幾次手,最後被任命為IT Assistant.
返屋企後同我講,都有少少壓力,怕自己係幫手時手多多,整壞電腦儀器.
佢有擔心,其實也說明已感受到責任在身了.
都係好事來嘅.
開學先一個星期多D,但覺得阿仔好似大個左好多.

一家的太陽

講到責任心,真係要用時間去培養.
唔係一朝一夕話有就有.

琴日下午放學後,應該有IT Assistant說明會,
但阿仔3點50分左右已返到屋企.
我開門見佢返到來,覺得奇怪,
問:IT Assistant說明會取消咗啊?
佢先醒起,問我點算呀?
有咩點算呢,我即刻拿出一張一百蚊紙比佢,
佢都算醒,門都唔入,轉身就走,拿拿聲搭的士趕返學校.
好彩冇比老師鬧.而且有補充說明比佢知.

希望阿仔係開平的6年裡,真正學會做一個有責任心,
有承擔的人.

一家的太陽

有得補救硬係要補救啦.
知錯唔及時挽回,遲點冇得後悔ge嘛.

希望阿仔可以吸取教訓,學會自我管理.

原帖由 漢堡飽 於 10-9-14 10:55 發表


很好的媽媽，第一時間返回學校，有些可能就此算數，有責任的媽媽就有責任的兒子。
一次兩次失誤不代表什麼，知道事件的重要性就得。

一家的太陽

如果學校資源足夠(課室,師資等),則反對縮班.

原帖由 漢堡飽 於 10-9-14 12:57 發表
如果旅港由五班轉四班，各位有什麼意見呢？

一家的太陽

好擔心呀!!
琴日田徑隊阿Sir打電話來,話阿仔入到田徑隊.要交相片等(唔知做咩用).
逢周三,周六要訓練,上周三放學後訓練,6點前回到家,
但因為太倦,晚上早早上了床,也冇時間溫書.
既想比佢試下,有全面發展,
但又好擔心阿仔不能兼顧好學業.
有冇家長可以分享一下?

一家的太陽

我阿仔都係中一.
聽佢講,係同學推薦或自己報名都得.
不過係上星期嘅事了.
你可以要小朋友自己問體育老師或直接搵郭sir,
應該都有機會嘅.
感覺到學校係新生中招兵買馬,
有同學肯參加,應該係多多益善.

原帖由 ksw 於 10-9-15 17:55 發表
我小朋友今年讀中1.我都想比佢參加田徑,因為佢小學係田徑隊,請問個阿sir係唔係郭sir呀,你小朋友係中幾呀?暑期已上了幾堂,最後冇參加,e家又想參加,要怎樣手續呢 ...

一家的太陽

其實面試時,小朋友唔一定要識得長篇大論.
面試老師主要還是觀察小朋友嘅行為舉止,處事為人態度多點.
阿仔講,佢嗰時係討論點樣與小朋友相處.大家各自發表意見,而老師在一旁觀察及控制局面.

阿仔口才都好差,小學家長日時,唔同年級時嘅班主任都有提到這一弱點.到5,6年級時,同班有幾個好朋友經常一起,說話方面先有改善.
第一輪自行兩間面試,都有小組討論,但阿仔自我感覺唔係太差,都能表達到自己意見.

或者可以幫小朋友報幾間直資試下,好多12月,1月已開始面試,一來可以多點選擇,有個後備,二來也可以讓小朋友熟悉,習慣面試場面.不怯場就好.

一家的太陽

講到找幾間直資學校練習面試,我舊年也有試過.
但見到學校方面好有誠意咁2nd.in,並收到入學通知.
因為最終都想入讀官津英中,沒有去註冊,
覺得自己有少少衰衰d嘅感覺.

特別係2nd in時,同時見家長,當時面試老師問為何選擇我們學校時,阿仔口快快回答,多個選擇囉.老師又問,咁你鐘意邊間呢?佢又好快口答:第一開平,第二XX(自行時另一間中學),第三YY(即面試緊嘅直資學校).我係一旁好尷尬,又唔好打斷佢哋對話,心諗今次死梗.
出校門後,我問阿仔點可以咁答,佢話:我誠實嘛!
聽落都有道哩,反過來我都唔知點樣教佢先好.但估唔到最後都有收到入學通知.該校老師唔計較「童」言無忌,有點感動.

如果放榜日派位結果唔好,除咗開平,嗰間直資都係叩門對象之一.

原帖由 漢堡飽 於 10-9-18 11:27 發表


同意，找幾間直資學校練習面試，一來可增加見識，另外亦可訓練膽識。
你孩子成績唔差，又有羽毛球特異功能，應該有機會。