投訴學校

hatfield

我想問吓各位家長, 如果同一個小朋友多次在學校弄傷我仔仔的話, 應該循那種途徑正式投訴學校/該小朋友?  

之前我已經向學校反影, 要求分開二個, 以免再生事端,  但結果亦多次發生事故。

hatfield

唔好意思, server問題, reload之後多咗二個posts.

栢喬媽媽

可向教育署,我試過,但妳小朋友預備轉校,因學校唔會對佢好,因覺得家長好煩

meiyeemami

你講起哩個問題,我真係起嬲啊.前幾啊囝班主任打俾我,話啊仔俾人整親,我當時仲同佢老師講,小朋友有時整親小小係再所難免.但返到屋企見到真係嚇親,啊仔一邊面有三個指甲痕，仲好深，另一邊面甩左一塊皮，好似我地指甲面咁大，都好深，我真係嬲到陣，第二日打去學校同主任投訴

icq123

咁你投訴完,主任有咩回應比你呢?

meiyeemami

學校話唔好意思,我地見到你個囝整到咁都好心痛.大概就係哩d說話,又話已經同左對方家長講左

hin_ma

我都贊成小孩子碰撞係在所難免,阿仔都有時被其他小朋友整親,校方都第一時間通知家長;我盡量唔太緊張,太保護唔太好,況且老師都唔想既...。

當然投訴多次也出事,(仲要咁嚴重),証明校方處理類似事件無力,將來升班也可能繼續發生...,不如轉校算了。(投訴後更要轉校)

原帖由 meiyeemami 於 08-9-22 15:30 發表
學校話唔好意思,我地見到你個囝整到咁都好心痛.大概就係哩d說話,又話已經同左對方家長講左

kitbebe

轉校吧

winchoy16888

我個女試過係學校跌倒‧班主任冇講、(每日我親自接送)放學上車見到‧即刻打番學校問‧果班主任詐傻話吾記得講、跟住話唔駛太緊張,太保護唔太好,況且佢都冇哭、老師都唔想既...、下次睇好Ｄ、......間學校好難入、今次我冇同校長講‧吾想个女俾人為難‧如在有我必會投訴