畫畫班(香港區)

kion

想幫仔仔(4歲)報畫畫班,佢好鐘意畫畫,係屋企亦都成日攞住顏色筆畫,唔知有邊度學畫畫好介紹?

但之前係屋企附近報咗個私人較細嘅畫畫中心,當時仔仔得三歲,有一次比原定時間早咗小小放學,唔知點解裡面做的姐姐叫佢出門口等,然後就關咗對玻璃門,中心內有人,但要個咁細個的小朋友自己一個係門口等,上課時間於7:30PM完堂,當時只有7:20分左右,萬一個小朋友唔知走咗去邊度,真係唔知點搵,好在我仔仔一向都唔會通處跑,當阿接佢放學,見到孫仔自己單獨企係門口時,真係激到震,仲要咁係接近晚黑時間,而且再落多層電梯就是馬路了,諗起都危險,事後負責人打比我,解釋話嗰姐姐,不小心叫咗小朋友出去等,以後唔會咁話,我就同佢呢啲係無common sense,唔係唔小心,得三歲人仔,你估七八歲咩,自此就無再返呢間中心了.而家仔仔間唔中仲記得呢件事,有時無啦啦同我講話姐姐叫佢自己出門口等人接wo,事隔半年,我再同佢報第二間,佢話唔想返咁話,佢可能對畫畫有啲陰影