元朗除左"肖珍""啟思"仲有邊間好?

beebee@_@

想同大女轉校 元朗幼稚園除左"肖珍""啟思"仲有邊間好?

咁多位mami你地好呀~

我想知係元朗一帶唔要天水圍(除非有好好既評價)

我個大女0403即係有4歲零兩個月大少少準備升K2
宜家想幫佢轉校為插班生(因為讀緊個間唔好)

返學前班至K1開學無耐既時候都讀得好開心!
直至佢班主任因私人理由唔再教 學校將佢個班同另一班合併
2個老師教24個小朋友 初時都好混亂下 試過調亂 功課 鞋 書包...甚至賴尿 ...佢已經識去廁所都攪到賴...尿!

所以我老公都忍唔住打電話俾校長投訴 係未打去個陣我都同老公講 唔多唔少會影響到小朋友(我唔想佢咁做)
但係我老公話 宜家有問題你唔講 將來問題只會越黎越多 我老公淨係想個大女現任班主任 多d留意下(雖然我老公咁講都有道理 但係我始終覺得唔係咁好)

結果我同老公都好唔滿意教我大女個班主任 淨係識得推卸責任
同我地講 話佢教開個班 會好自覺性地咁執野~同埋又話佢唔知我大女前班主任係點教...又話已經有兩個老師睇24個小朋友 小朋友咁多 睇漏係難免既事....所以我老公係個時已經打算同大女轉校!只不過想佢讀完K1!
個大女都好唔慣架  一放學就問佢前任班主任去左邊?
好在呢個係過渡期 上學期未前佢再無呢D問題嚕~

我就覺得俾我老公咁樣投訴完一定會影響到小朋友
而事實上我間中都會去接大女放學(我大女坐校車架)
都發覺傾得唔及其他家長咁自然同舒服(無乜兩嘴)

我老公見網上元朗幼稚園口啤都唔錯
但係睇黎黎去得"真光","肖珍","啟思"....

真光:問左無位
肖珍:交左表先
啟思:又係交左表先

仲有邊間可以考慮...?

唔該晒~咁多位mami^^

beebee@_@

結果得呢兩間三育/朗屏真光 可以揀

咁你地仔女有無讀呢兩間
環境同教學方面係點架?
你地又覺得呢兩間 好唔好?