亞囡唔鐘意讀書, 點算 ??

jumego

亞囡已經三年級, 中,英都唔合格, 我冇哂辦法

hongkongmama

小朋友都係太多誘惑，所以有選擇的話就唔想讀書。我就唔俾睇電視和打機，連我老公和我一齊唔睇。要佢做功課，教佢。除了英文我真係教唔到，先至安排他們補習。

klyie

我女一樣是三年班,我攪盡腦汁另佢肯溫書.佢二年班時中,英文dict都是不合格,現在好了很多.妳是怎樣同佢溫書的??大家交流下.

jumego

溫默書要一星期預備,成績尚算可以(90-100分). 但就好快唔記得再上一個星期默d字.佢記性真係好差. 所以考試咁大範圍, 真係冇邊次有80分.  最低個次得34分.溫書時一係就發脾氣, 一係就打呵欠. 總之...唉. 放學佢有去補習, 但我覺得幫助唔到.

原文章由 klyie 於 08-4-2 17:13 發表
我女一樣是三年班,我攪盡腦汁另佢肯溫書.佢二年班時中,英文dict都是不合格,現在好了很多.妳是怎樣同佢溫書的??大家交流下.

峰媽媽

我個仔小五，默書差不多次次0分…，考試就英文7x，中、數都唔合格，今年呈分添，都唔知點算，點迫都唔讀…！校長都無佢乎！

mimikitty28

我0個件又係, 溫極都唔識, 今日溫左聽日已經唔記得, 小學都已經係咁低分, 默書從未試過一百分, 科科都係得六十零七十分, 第時上左中學d課程咁深都唔知點算,

klyie

我唔會咁快同佢溫,因為我試過係無用.佢英文就未試過合格,因為溫完好怏唔記得.好似今次考英文dict.我早個半星期已開始同佢溫.(因為好多) 日日都溫,只是無溫一日,前日再同佢溫番,佢已經忘記一大半,唉!可能英文真係好難.擒日做完功課再同佢溫,我抽d認為老師會出的來溫,今日就要考,希望唔係太低分啦.其實我都用左好多方式,但,都唔work.(試過用泥膠,拆字,拼音和圖像)
而中文佢就好左好多,現在無試過唔合格,中文我都是早一至二天同佢溫,因為早溫都係無用.我同佢一起以玩ga方式默生字.好work,佢好接受.擒日派左考默中文,ok啦有81分.
英文就無法子,有無mami可比d意見.

bb1228

我想問你個囝囝咁有沒有補習呀？

bb1228

我個小朋友都係咁沒有心機温習，佢只鐘意讀，唔鐘意抄寫。叫佢抄吓啲生字，佢就發脾氣。我都係咩方法都試過，不過，佢默書係沒問題，但一到測驗就好大意。
其實，現今讀書我們做家長係唔係太緊張呢？家長擔心多過小朋友。唉﹗做父母真艱難。

jumego

都咪話唔緊張, d成績咁, 烏吓烏吓又一年, 好快就中學啦,
讀到brand 3學校, 又驚學壞, 究竟我地應該點幫佢地, 記性先至好一d, 唸到頭都爆啦 .

施施媽咪

我個女兒現年小二, 今年請了個補習老師就好小小, 但問題是溫完後很快忘記....... 真冇計!

二話不說

其實英文默書你都可以用遊戲方式，將要默書的字母放在枱面，然後比賽誰快在用字母砌好個字，如此類推。

bb1228

唉﹗我想話我個女唔係冇記醒，係冇心機，佢要讀可以好快讀識，記得，但就冇耐性。仲之佢讀識，你就唔好再叫佢做其它習作，如叫她做，她就會發脾氣，由本來好有心機變到冇晒心機做。
:;pppp: :;pppp: :;pppp:

klyie

原文章由 二話不說 於 08-4-3 15:16 發表
其實英文默書你都可以用遊戲方式，將要默書的字母放在枱面，然後比賽誰快在用字母砌好個字，如此類推。

呢個方法我未試過,等我試下先. 謝謝妳.

littleflowers

原文章由 jumego 於 08-4-2 23:01 發表
溫默書要一星期預備,成績尚算可以(90-100分). 但就好快唔記得再上一個星期默d字.佢記性真係好差. 所以考試咁大範圍, 真係冇邊次有80分.  最低個次得34分.溫書時一係就發脾氣, 一係就打呵欠. 總之...唉. 放學佢有去補 ...

我個囡囡今年P2，成績都OK架 (每次默書都有9字頭OR滿分架),希望可以同你地分享吓我嘅溫書方法啦)。

我都係大約一星期前開始幫佢溫默書，首先叫佢自己响課文入面搵啲唔熟同唔識嘅生字寫一次先，跟住就抽詞語嚟默，有錯就一樣要改正。

到第二日就主要默返佢前一日錯嘅生字，再加少少之前冇默嘅字(係今次嘅默書範圍) 或者係以前學過嘅字，ok嘅就隔一日再默，但係正式默書之前一日就盡量成課默囉!

至於英文都係咁上下，不過頭兩、三日就用口串，之後先至寫囉。俾你係小朋友，已經日日要做功課喇，都唔駛日日默書架，寫字都幾辛苦架)，寫得太多咪盞佢地反感，係咪?

piggynatalie

用英文每日一篇啦﹗我個女用唯i-learner幾個月後，默書自動好了。果吓比她的老師投訴，話她英文不好要請補習，吓我一跳，朋友介紹這個英文站，我快快讓她開始，兩個女都做，成綪好那個沒有什麼效果，成綪不好那個便好有效果。現在自己不用叫都做，仲拿了一個進步prize，我好開心呀。你可以試下呀。