入不到band 1的家長,亦不要太灰!

kit2004

我兒現讀中一,回想佢派位時.成績只屬band 2a,佢派得唔係甘理想,眼見成績冇佢甘好既同學都派到band 1既學校.佢都有d唔開心架.
因為始終不了解新學制填表方式,我揀得比較穩陣.全都係band2學校.結果攪珠no唔好,就3甲不入....
同埋之前我出黎做左兩年野,第一年佢既成績係一落千丈,因為以前係我教佢.到第二年都係甘既成績.我同老公已响起警號.我跟住冇做睇番佢.但都有d遲啦,5年級既報分已經唔係甘理想....我係6年級同佢惡補,轉補習班等等.成績好左好多.但3次計埋都係band2成績.....真係好後悔出黎做左兩年野......

到依家佢讀既中學.可能間學校既學生成績只屬一般..佢依家又入到精英班,又可以為學校出去比賽,學校又推薦佢參加資優既課程.仲有埋優點.我覺得佢開心左,因為有成功感.仲自動自覺自己去溫習同做功課.定係讀左中學自覺性高左!?呢點我唔知呀.但我覺得係好事.雖然入唔到心儀既學校.但唔代表所有band2或band 3既學校都唔好.校風好重要.開學果段日子我老公日日接佢放學.就係睇下有冇壞份子接放學同埋睇下其他同校既學生既外形.(好彩係冇人接放學同其他學生外形都係ok)

賽翁失馬，煙姿非福. 我覺得呀仔反而讀左中學仲開心左.

所以各位家長入唔到心儀學校都唔好太灰!只要肯努力,唔係名校都可以出狀元.請大家為自己既孩子給多一點鼓勵!! 令佢有學習既動力!!講完!!

el1008

total agreed

judywan

恭喜。。。。

REBBITMAMI

原文章由 kit2004 於 07-9-28 17:53 硐表
我兒現讀中一,回想佢派位時.成績只屬band 2a,佢派得唔係甘理想,眼見成績冇佢甘好既同學都派到band 1既學校.佢都有d唔開心架.
因為始終不了解新學制填表方式,我揀得比較穩陣.全都係band2學校.結果攪珠no唔好,就3甲不 ...

      十分喜歡你的意見! 希望有更多的家長能發表意見 。

eeyore0511

kit2004,

你好！我個仔情況同你小朋友好似，個仔仲話愈來愈鐘意間學校。佢都係喺band 2學校，原來成功感對小朋友來說真係好重要，連帶信心都有所提升。

je958

我都好同意你所寫,因小兒在一間band one 小學就讀.
原以為可直入自已band one 中學,
怎知派了bank three 中學,
好彩自已考入了一間band two 頭中學.

現在學校課程比較淺,功課又不多.
他入了精英班,又被選了出外比賽(英文及普通話朗誦)
他好開心每天回家不停地講校內發生事件.

其實三三四是看多方面發展,
在band two可入精英班,
再加上學校提供多方面機會.
應是不錯的選擇.

原文章由 kit2004 於 07-9-28 17:53 硐表
我兒現讀中一,回想佢派位時.成績只屬band 2a,佢派得唔係甘理想,眼見成績冇佢甘好既同學都派到band 1既學校.佢都有d唔開心架.
因為始終不了解新學制填表方式,我揀得比較穩陣.全都係band2學校.結果攪珠no唔好,就3甲不 ...

winniek

各位 !!

有沒有官塘區band 2頭但校風好的中學介紹一下 ??? 將軍澳宣基中學又如何 ??? 我好擔心仔仔派中學 !!!

Terry280905

原文章由 kit2004 於 07-9-28 17:53 硐表
我兒現讀中一,回想佢派位時.成績只屬band 2a,佢派得唔係甘理想,眼見成績冇佢甘好既同學都派到band 1既學校.佢都有d唔開心架.
因為始終不了解新學制填表方式,我揀得比較穩陣.全都係band2學校.結果攪珠no唔好,就3甲不 ...

我都同意您所說.

所以我在consider 是否push him to 精英班.

nywing

原文章由 winniek 於 07-9-29 08:30 硐表
各位 !!

有沒有官塘區band 2頭但校風好的中學介紹一下 ???

中華基督教蒙民偉書院 [1 尾]
聖公會梁季彝中學  [1 尾]
聖若瑟英文中學 [1 尾 2 頭]
呂郭碧鳳中學 [2 頭]

[ 本文章最後由 nywing 於 07-9-29 14:03 編輯 ]

kit2004

好多謝大家既回應.呀仔依家甘樣我都好安慰.之前諗住佢繼續係keep住甘,我有諗過同佢轉更好既學校.但經同老公商量過後.佢話呀仔依家又讀得開心.係學校成績又不錯.仲有左動力去學習.成功感真係好重要.如果轉佢另一學校,佢又要重新適應過.又驚如果轉到佢變得成績唔係甘好時.佢會有挫敗感.所以都唔會轉啦.總之做人父母甚艱難啦.咩都要同佢諗清諗楚.唔好因為自己要面子就夾硬逼佢.讀到故然係好.讀唔到我驚弄巧成拙.

同埋聽我老公講,佢識得有些客.就係靠人事入左本區既名校.讀到f.3已經讀唔上.就轉左第2間讀.我覺得甘樣對小朋友心理始終唔係太好.有些派到去讀第一年ok.第2年開始跟不上.第3年要轉校.因為壓力太大,仲要睇心理醫生.到最後最驚米又係父母.你點知佢會唔會跳落黎架.

聽得睇得太多.我唔想比太大壓力佢.到中學都係靠自己.自己個仔係咩材料做父母點會唔知.只係希望佢盡力又努力過就算啦.邊個父母唔係望子成龍.我但願佢唔成虫已經ok.最緊要都係個句:比多d鼓勵自己既孩子.溝通多一些,了解佢多d.要佢做起事來都容易d.講完.:loveliness:

kit2004

原文章由 Terry280905 於 07-9-29 13:10 硐表


我都同意您所說.

所以我在consider 是否push him to 精英班.

好現實甘講.老師會注重精英班多一些.程度都會深一些.功課都會多一些.我個仔一聽到功課多初期都話唔想入架.甘米又入左.如果佢唔想入點會入到!?小朋友始終小朋友.

一樣的天空

同意, 唔好因為自己要面子就夾硬逼佢.
做父母好多時話就話為佢好,潜意識米又係想在同事親友中威d
都係嗰句:寧做機鷄頭, 莫做鳳尾

tintinlang

我好同意你的看法, 但好多時知易行難, 真正做起上黎, 心結擺脫不了,

原文章由 一樣的天空 於 07-9-29 17:02 硐表
同意, 唔好因為自己要面子就夾硬逼佢.
做父母好多時話就話為佢好,潜意識米又係想在同事親友中威d
都係嗰句:寧做機鷄頭, 莫做鳳尾

judywan

面子仲係其次，如果連個小朋友都話唔鍾意被派間學校，咁你地會點做。

angelymama

我阿女都係, 佢而家間學校,有人話BAND 3, 但SO FAR 我覺得間學校幾好, 我阿女都入都精英班, 同普通話教學。 阿女升中都緊張功課, 而且學校4人一小組, 默書小測90以上, 全組加分, 如果但分就全組一齊罰, 咁佢都就大家一齊溫習, 互相幫助、鼓勵。 而且學校很注重紀律等。

我聽另一家長講, 佢地校長第一日就同佢地講, 你地而家中一就重新開始, 以前小學D野就一筆勾消, 無人記得你以前點, 咁其實好好, 有D學生小學比老師標籤了, 去到中學係好好的機會。

bkfans123

hi kit2004
好多謝你的lee番說話, 你講得好arm, 我阿仔今年p.6, 我e+都好緊張, 不過睇完你所講的, 比左好多啟示我.
多謝 :)

agoodfox

塞翁失馬，焉知非福！

替你感到高興！

el1008

好同意kit2004嘅講法, 現在d家長總喜歡問哪間中學最好, 哪間最top? 其實幫細路選中學,最重要係了解自己仔女嘅能力有幾多, 有d細路會活潑好動d, 有d會文靜d, 有d自學能力強d, 有d被動d, 有d遇強愈強, 有d面對挫折嘅適應力弱d, 各有千秋, 選得合適自己細路性格,能力嘅咪係好學校囉


記得九年前,我個仔派到一間街坊小學, 我都無氣力去搵學校, 老實講6歲人仔,點知佢係龍定虫, 無謂俾壓力佢同我,所以咪由佢讀, 點知佢第一年又考得幾好播, 想同佢轉校, 但佢又唔想走, 咪讀左六年, 可能係有自信, 所以都讀得唔錯, 宜家派左一間很好嘅中學, 所以自信對細路來說, 都好緊要架

mybee0103

eeyore0511
kit2004,

你們好！我仔仔也和你們的小朋友一樣,沒有入到band1中學,但仔仔很喜歡學校,比以前愛學習,也很投入學校的課外活動呢!

Goody

很替你高興。我都覺得小朋友投入、有自信、讀得開心才是最重要。

原文章由 kit2004 於 07-9-28 17:53 硐表
我兒現讀中一,回想佢派位時.成績只屬band 2a,佢派得唔係甘理想,眼見成績冇佢甘好既同學都派到band 1既學校.佢都有d唔開心架.
因為始終不了解新學制填表方式,我揀得比較穩陣.全都係band2學校.結果攪珠no唔好,就3甲不 ...