急問: 青衣卓思幼稚

三急

請問各位家長提供意見關於入讀卓思幼稚園? 若不好, 請推薦一間青衣區幼稚園。



心急家長上

easonkinki

原文章由 三急 於 07-9-12 23:36 硐表
請問各位家長提供意見關於入讀卓思幼稚園? 若不好, 請推薦一間青衣區幼稚園。



心急家長上

我仔仔讀緊卓思n1,我覺得幾好,地方算大又乾淨,老師有愛心,仔仔好鐘意返學成日話掛住老師&同學,至於其他有好多選擇,例如:宏褔,康傑,學之園,聖多默...都係好多家長鐘意的學校

kyk

阿囡喺卓思讀緊 k1, 佢由 n1下學期開始讀, 舊年青衣區我報咗宏福同聖多默, 卓思係因為讀緊 n 班所以係真上 k1. 講講我個人意見, 因為只係參觀校舍同 interview 時接觸過學校, 故純粹個人感覺...

宏福 - 校舍比卓思細, 同埋個人覺得入到學校唔知係咪燈光問題, 覺得好攰好眼睏, 同埋 d 老師好似唔係好夠活力, 冇乜衝勁... 活動空間不多, 而且冇音樂室, 我自己較中意小朋友返幼稚園上音樂堂, 因為唱遊會好開心... 但參觀學校時, 唔見有音樂室, 我打電話問學校小朋友有冇音樂堂上, 佢話有, 係喺課室入面老師同佢哋上, 但課室入面冇鋼琴點上喎! 至於課程內容, 查詢時佢哋話有兩位老師做班主任, 其中一位係 native speaker, 但開放日問 native teacher, 佢哋話唔係長跓, 只係上英文堂時入班教, 資料有出入.

聖多默 - 校舍新, 三間比較, 佢最好, 我遞表時順便參觀過學校, 但最後我冇去 in, 因為聽人講課程較淺, 同埋佢哋教英文果位老師唔係 native, 佢係中國人喺外國讀書, 不過遞表果日感覺老師好 nice, 個人覺得除咗程度較淺外, 其他各方面都唔錯.

卓思 - 活動空間唔算多, 樓齡大, 但光線充足, 乾淨, 佢哋每天有音樂堂好開心, 好次剛剛換咗電腦, 全部用 lcd mon (冇記錯之前係大牛"歸")..

最後衡量過, 覺得卓思各方面平均, 而且較近屋企, 所以最後都擇咗佢... 以上純屬個人感覺同意見, 你最好親身去學校參觀同感受一下.

kcm

我個小朋友讀過3間幼稚園,覺得最重要係老師有冇愛心,其次係學校教法方法/程度,康X,真係唔好考慮,亞囝讀了幾個月冇讀,荊冕堂老師好好,不過睇下你鐘唔鐘意佢的教學法,最後讀了平安褔音堂幼稚園,老師超好,程度較深,學費好平,但校車質數唔係幾好,學校整體好好,只是唔出名,但本人覺得係青衣區比較好的學校,只是發現得太遲了,係有位家長介紹才知有這間學校,大家可以了解下,多間選擇.

我都想比細囡讀N班,考慮緊卓思,唔知仲有冇更好選擇.

(因青衣區唔多選擇,只是發現有好學校,大家可以考慮,以上只係個人意見)