社會新鮮人入職薪酬增長放緩 政府工起薪跌2千 去年畢業學..

elbar

▲ 大學畢業生不僅要面對求職難，薪金增長亦放緩。

又到畢業季節，惟在AI取代大量初階崗位的現況下，社會新鮮人不僅求職困難，入職薪酬也面臨縮水，如被喻為「鐵飯碗」的政府職位，去年平均薪金便大減逾2000元。有學者透露，有學生畢業一年仍未找到長工，勢加劇今年競爭。


根據大學聯招就業資料庫（JIJIS）數據，自2020年起，大學畢業生的整體平均薪金每年均有上升，在4年間由約17,385元，升至20,840元；每年增幅介乎1.5%至8.7%不等。不過，升勢在去年「斷岸式」放緩，平均薪金僅加約111元，升幅達0.5%，為近5年最低。


政府職位平均薪金跌穿兩萬　建築及測量行業亦有明顯跌幅


而升勢放緩，主要受部分行業的薪金急跌拖累，其中政府職位的平均薪金跌穿兩萬，由2024年的21,669元，大減約2,357元，至2025年的19,312元；同期建築及測量行業的平均薪金也有明顯跌幅，由約18,653元，下跌約1,843元，至16,810元。同時，2025年數據中，餐飲業是平均薪金最低行業，僅有約15,454元，較2024年的17,083元，減少1,630元。


同時，去年大學畢業生職位空缺由前一年的68,728個，大減逾半至30,798個。當中航空運輸業跌幅驚人，職位空缺由14,890個，跌至957個，即少了13,933個空缺，跌幅逾93%。管理諮詢、業務分析業的空缺，亦由10,865跌至405個，按年大減10,460個空缺，跌幅更達96%。


不過，亦有行業「好景」。會計行業在去年不論空缺及薪金均錄得升幅，全職空缺由4,261個，增1.5倍至10,962個；薪金由約17,638元，升至約18,208元；醫療服務業雖然全職空缺減約一半，由1,630個減至855個，但平均薪金由27,091元暴漲至34,109元，增加7,018元。


去年畢業生至今仍未搵到長工　劉智鵬：隨時要與今年的畢業生一同求職


身兼嶺南大學校長特別顧問（公共事務）的議員劉智鵬直言，去年畢業生「好難搵工」，尤其是受AI影響初階職位減少，有畢業生至今仍未搵到長工。且不單一般學科，部分專業學科也有困難，「隨時要與今年的畢業生一同求職，加劇競爭」。


對入職薪酬升勢放緩，劉智鵬分析公營機構薪金跟隨政府，因應政府去年凍薪，公營機構也一齊「棟咗喺度」。而商界受全球經濟差，生意欠佳，加上中東關係緊張，石油價格飈升帶來連鎖式影響，不單是新入行者，整體薪酬也受影響。


劉智鵬歎，畢業生求職困難很多非個人能力問題，而是不少僱主期望聘用「有經驗」人士，令年輕人「連開始機會都無」。另一方面，不少畢業生家境不俗，「有錢可搣下」而未必急於搵工。他提醒學生「無工開」亦不應「躺平」，要多增值自修，且第一份工毋須執着薪金，應以興趣或行業行先。

ANChan59

stillgood20 發表於 26-7-8 12:11
…
我又唔係幾覚得wor.

閱

stillgood20

ANChan59 發表於 26-7-7 10:39
客觀啲睇，現在還在香港，我估不少年輕人父母真係愛國愛港，寧願年輕人上去大灣區食春卷，都認為好過去海 ...

<愛國愛港>…
我又唔係幾覚得wor.

反正，他們也只是平常人。
為了生活上的利益，在環境下的一種表態。

如果，真的去<愛>的程度，會對中華文化，有一定興趣和投入。

反而，政治取態，跟利益，有密切關係。
教育，工作，也是利益，相關。

ANChan59

barque 發表於 26-7-7 11:22
其實成績意外，性格方面是否太多嘢擔心和怕，都係一個影響發展的因素。
...

香港年輕人自小已經受咗好多保護，不是太獨立，怕冒險，怕失敗，會影響好多發展機會！

barque

ANChan59 發表於 26-7-7 10:39
客觀啲睇，現在還在香港，我估不少年輕人父母真係愛國愛港，寧願年輕人上去大灣區食春卷，都認為好過去海 ...

其實成績意外，性格方面是否太多嘢擔心和怕，都係一個影響發展的因素。

ANChan59

barque 發表於 26-7-7 10:19
本帖最後由 barque 於 26-7-7 10:26 編輯

本帖最後由 barque 於 26-7-7 10:20 編輯

客觀啲睇，現在還在香港，我估不少年輕人父母真係愛國愛港，寧願年輕人上去大灣區食春卷，都認為好過去海外做二等三等公民。

去年兒子都推薦一個大學同學去倫敦工作，他遲疑不決，第一怕英文唔掂，阿仔話佢OK，第二怕歧視，阿仔話會睇住佢，第三怕父母唔鐘意，咁就只有兩個選擇，留低係香港或者上大灣區。機會過咗，最後公司都係請咗個香港女仔，有經驗，去英國讀master，夠膽。

barque

ANChan59 發表於 26-7-7 10:09
去大灣區係配合各級領導人的鴻圖大計！

也可以去北京，上海，杭州做Al及機械人。

本帖最後由 barque 於 26-7-7 10:20 編輯

我雖然冇實質數據，但是我覺得去內卷，比佢去歐美更加大。 條路不容易行。

barque

twhkleung 發表於 26-7-7 00:15
正常情況下, 一定係唔好應承.
除非個學生特別smart, bachelor 未畢業, 但已經自學有master甚至PhD嘅水平. ...

好似佢最終選擇咗休學兩年，之後再返去讀多一年完成埋個學位

ANChan59

barque 發表於 26-7-7 10:03
去海外英文程度要好，如果是當地大學畢業更加好，加埋相關的工作經驗。所以都唔容易。

大灣區我覺得競爭 ...

去大灣區係配合各級領導人的鴻圖大計！

也可以去北京，上海，杭州做Al及機械人。

barque

ANChan59 發表於 26-7-6 19:27
你估想去海外就去到？就有人請？冇海外當地及相關工作經驗，幾難喎！

不如去大灣區試吓啦。

去海外英文程度要好，如果是當地大學畢業更加好，加埋相關的工作經驗。所以都唔容易。

大灣區我覺得競爭可能更加大，而且人工好大機會低過香港，睇唔到香港人有什麼優勢。

akys

twhkleung 發表於 26-7-7 00:08
情況我覺得越嚟越似, 當年dotcom, 或者早幾年的cloud computing.

當.com過hype一出現, 個market冇乜prog ...

和dotcom比較單一應用有少許不同，對大企業/政府部門來講，implement AI係關連各部門，反而類似ERP，整合後各部門有其專門應用。資料亦可統一分析加強跨部門合作。

twhkleung

stillgood20 發表於 26-7-6 14:29
一個月前， 我跟细囝倾，不如修一下anthropic course. 考張cert. 唔使咩錢。
貼近市场需要。

唔理 bachelor、master 定 PhD，唔理名牌大學定係普通大學, 都有分叻同冇咁叻, GPA 4、GPA 3.5 同 GPA 3.0, 已經係第一個level嘅measurement, 就算 PhD，一樣可以係一般般。 特別係依家, master嘅畢業生, 真係通街都係, 再過多幾年, 可能已經inflate到PhD通街都係.
不過香港學生, 響三大五大畢業, 特別有優勢, 起碼去英國同日本, 可以預先攞到work permit, 先飛過去搵工.

twhkleung

barque 發表於 26-7-6 22:38
我聴過一個真實例子，大三暑期工之後公司問佢可否休學幾年續做。

正常情況下, 一定係唔好應承.
除非個學生特別smart, bachelor 未畢業, 但已經自學有master甚至PhD嘅水平. (係有可能的, 我都見過這樣的天才)

(學嘢快, 同foundation唔夠, 係兩樣嘢, 就好似而家嘅DSE, M1/2 嘅calculus同埋algebra, 搞到半桶水, 入到去y1嘅engineering, 啲professor搞到嘔曬血, 要bachelor去搞machine learning, 其實都係同一情況)

twhkleung

barque 發表於 26-7-6 19:36
這些公司工作主要分AI Research和AI engineer 的工作， 前者需要對Machine Learning有深入的認識，好多時 ...

情況我覺得越嚟越似, 當年dotcom, 或者早幾年的cloud computing.

當.com過hype一出現, 個market冇乜programmer識得寫frontend, 大家一窩蜂去學JavaScript,  Angular,  React,...,

當cloud computing個hype一出現, 個market冇乜programmer識得docker, kubernetes, etc.,  大家又一窩蜂去學.

但係, 佢哋其實只係學識咗 call library，library 裏面嘅function, 可能有十幾個 parameters，每一個 parameter 有唔同嘅、差唔多嘅 purpose, 並唔知點解, 只知道咁樣用就work。

係今次machine learning嘅hype裏面, 好似同一樣事件再次發生緊, 佢哋淨係識得call python裏面嘅library去build 個ai model, 但個model背後嘅theory係點嚟, 其實絕大部分人都唔知, 更加唔好講只係得undergraduate嘅程度.


但係當然, 個市場係需要多啲implement個model嘅人, 多過去create同analyse個model嘅人, 但係, 因為implements個model嘅skills, 並非想像中咁高, 過一段時間, 就好似dotcom, 或者cloud computing一樣, 個market大把人識得implement個ai model.


到時又變成很難搵工了...

barque

akys 發表於 26-7-6 20:10
係呀! 有古惑，中途唔做想讀書又唔得，揾工隨時唔夠學歷俾AI踢走，你話有信心創業就話啫，不過都係唔着數 ...

我聴過一個真實例子，大三暑期工之後公司問佢可否休學幾年續做。

akys

ANChan59 發表於 26-7-6 19:29
我估這些undergraduate talents 會冇咁易跳槽！ 才是主因。

係呀! 有古惑，中途唔做想讀書又唔得，揾工隨時唔夠學歷俾AI踢走，你話有信心創業就話啫，不過都係唔着數。

stillgood20

ANChan59 發表於 26-7-6 19:27
你估想去海外就去到？就有人請？冇海外當地及相關工作經驗，幾難喎！

不如去大灣區試吓啦。

可能，我認知出問题

barque

twhkleung 發表於 26-7-6 19:01
所以，其實我都有啲唔係好明， 因為undergraduate可以學到嘅machine learning或者ai其實好少，如果佢唔係 ...

這些公司工作主要分AI Research和AI engineer 的工作， 前者需要對Machine Learning有深入的認識，好多時是請master, phd.

AI engineer 主要負責商業化和落實，所以讀CS再加AI基本知識和數據分析最好。

近排大熱的其中一個工作就是Forward Deployed Engineer, 就是專門負責商業化和落實的安排。

ANChan59

akys 發表於 26-7-6 13:50
如果無記錯Anthropic直情叫班Talent唔好讀大學，直接加入公司等佢哋train更可咁話。 ...

我估這些undergraduate talents 會冇咁易跳槽！ 才是主因。

ANChan59

stillgood20 發表於 26-7-6 14:29
一個月前， 我跟细囝倾，不如修一下anthropic course. 考張cert. 唔使咩錢。
貼近市场需要。

你估想去海外就去到？就有人請？冇海外當地及相關工作經驗，幾難喎！

不如去大灣區試吓啦。