網傳籃球教練逼學生自摑 漢華中學證已暫停職務

UTB

https://hk.on.cc/hk/bkn/cnt/news ... 0602_00822_001.html

網上社交平台昨日(1日)流傳短片，顯示懷疑一名男生在學校籃球場上被教練責罰，期間該教練捉着對方的左手，多次摑向該男生的左面，如同自摑，力度頗大，最後該學生又疑在該教練命令下用右手自摑右面一下，期間約有20名疑為學生在場以及兩名疑為助教在旁邊，無人出手制止或干預。據悉，現場為漢華中學，而涉事教練為學界籃球名帥翁金驊，後者今日(2日)就事件回應，指對於影片中的學生深表歉意。

漢華中學今日證實事件發生於23/24學年，已暫停教練職務，並與執法部門緊密聯繫。立法會議員何敬康今亦在電台節目表示，從片段所見，確實難為有關教練解釋，認為教練本人必須解釋，校方亦要交代。他指出，無論力度大與小，掌摑都是頗侮辱性行為無論任何人動手，都不是一項友善舉動。

翁金驊下午亦在其個人社交平台發文，就網上流傳影片打擾社會各界感到抱歉，對於影片中的學生，他深表歉意；又稱不論學生犯了任何規則或過失，或基於任何情況，他本人都不應以此方式責罰同學，明白事件為他帶來不適或傷害，謹此衷心致歉。至於網絡上的批評與斥責，翁表示亦會深刻反省，絕不會重蹈覆轍，他又指目前已被校方停止教練職務，並全面配合任何要展開的相關調查。

翁金驊最後又提到，自己從職業球員到退居教練工作近30年，對於用了不當方式來責罰學生，他深感歉意；他又指籃球是其終身事業，自己的人生亦一直圍繞着籃球運動。就是次事件辜負大家的期望，在此再次向社會致以最深的歉意。

香港救助兒童會今強調，對於任何形式對待兒童的暴力，採取「零容忍」的態度。每一名兒童都應在安全、受尊重和免於恐懼的環境下學習、運動和成長。任何服務兒童的機構代表，包括職員、教練、義工及其他與兒童接觸的人員，在任何情況下都絕不應對兒童服務使用者作出任何形式的身體暴力或不當對待。

會方又呼籲相關學校及機構以兒童最佳利益為首要考慮，採取一切必要措施保障涉事學生及其他在場兒童的安全與福祉，包括提供適切的情緒支援、清晰的跟進機制。

加樂爹

UTB 發表於 26-6-5 00:54
以我所知，長天在運動培訓方面做得非常出色。學生以加入校隊為榮，而且士氣高昂。聽講教練也很嚴格，不過學 ...

其實, 遇到適合教練好難, 係一個緣份.有些人, 一直練左好多年, 原來教練都幫助他提升不到幾多. 之後, 換左幾個, 浮浮沉沉, 最後青春花左去, 卻不留痕.

除非真係好叻, 又有資源既學生...否則, 在球隊內天天想著人家學校的教練都比我的好, 他應該在球隊內找不到自己可以投入的地方.

應該不是運動人.

加樂爹

ANChan59 發表於 26-6-5 07:36
多謝你的提問及有興趣了解長天的傳統，我在2012寫過一篇日誌，跟你的問題相關。

當時對象係EK班老友，所 ...

謝謝你分享這篇文章及你當年的運動體驗.

//他將人生比喻為長跑，你們跑到800~1000m會面對你身體的第一個極限，慢慢跑，堅持落去，你會突破它，然後完成1500m。跟著他講你下個極限是2400m//


這種感覺是經過反覆體驗, 大約15分鐘左右罷, 每次都堅持, 心裡面都想著...我慢下來可以嗎, 反正15分鐘就通過到另一階段, 但每次腳步都沒有慢下來....日復日, 又想下今日好像可以提快點步伐...那怕開頭放太多....都要試一下....都是一個心理關口....


見你另一貼文, 欣賞你選回自己喜歡的足球, 再加上做weight train.
足球讓你足夠熱愛你的運動, 但當中發現力有不及, 每每在weight  train 內找回需要的能力.


運動是一種對自己身體的認知及體驗, 還可以令自己進步....
已經比要依餐單上每日要做那種心態, 高級很多了.


日復日, 這個帖文, 給喜愛及明白運動的家長先回想當年的情感.
再去想運動的目的, 意義....
重新活化那份熱血, 才去看事情, 便會有不同比重看法.


可能現在問下那當事中學生, 不論他怎樣回答, 縱然有不高興, 但重點是籃球能夠帶給他什麼回憶.
能夠遇到一個好的 (當然有更好), 在你中學年代, 是一個緣份, 很好了.

ANChan59

UTB 發表於 26-6-5 00:54
以我所知，長天在運動培訓方面做得非常出色。學生以加入校隊為榮，而且士氣高昂。聽講教練也很嚴格，不過學 ...

多謝你的提問及有興趣了解長天的傳統，我在2012寫過一篇日誌，跟你的問題相關。

當時對象係EK班老友，所以寫得輕鬆啲。

https://www.edu-kingdom.com/home.php?mod=space&uid=107125&do=blog&id=779

UTB

ANChan59 發表於 26-6-4 18:10
我中學不是打籃球嘅校隊，係羽毛球及足球。

我哋要競爭入選，自然珍惜個機會，如果話9點練波，8點半返到學 ...

以我所知，長天在運動培訓方面做得非常出色。學生以加入校隊為榮，而且士氣高昂。聽講教練也很嚴格，不過學生也受教。不知道他們是怎樣培養學生這種體育精神？

ANChan59

我中學不是打籃球嘅校隊，係羽毛球及足球。

我哋要競爭入選，自然珍惜個機會，如果話9點練波，8點半返到學校，換衫，然後拉筋熱身，齊人就開始練波。

如果有人遲到，睇遲幾多，如果一兩分鐘，教練或者體育老師用眼神厲一厲，隊員會知衰，解釋點解遲到，如果不可抗力，或者頭一兩次，未必會懲罰。

如果遲大到，或者經常遲到，就會加操，跑多幾個圈，做啲高难度嘅drills，係懲罰，同時也幫助隊員的體能或者技巧。又或者練習完留低收拾設備。

如果係紀律問題，有不同程度的情況，如果輕微可以係不准參與練習，只可以坐係場邊，最嚴重係會驅逐出隊，對珍惜機會嘅人係好大嘅懲罰。

見到一些弱校，如果校隊係拉雜成軍，或者被指派入隊，隊員係不太願意嘅，咁就乜嘢情況都會有，阿sir 話兩句當耳邊風，如果懲罸，極端嘅就自己去換衫返屋企或者join 同學去玩。

******

我最深印象係Div 1 A grade 籃球隊練波，我哋當時冇教練，當時係香港籃球總會總教練過來幫手帶兩個月，因為隊中有兩三個港青。

每次練波前，隊員一早換衫，自己熱身拉筋，夠鐘就正式練習。我哋在場邊，樓上圍滿人觀看。每個隊員都感覺可以參加練習係榮譽，不要講可以落場比賽。

有一年雙殺喇沙，我哋睇波嘅啦啦隊都興奮不已。

B.B.BaBa

加樂爹 發表於 26-6-4 10:02
其實呢度有無家長在中學時期係打過校隊藍球, 足球隊.....等等的團隊運動, 不是個人項目.可否分享下與教練關 ...

我以前中學時有打籃球校隊，無而家咁幸福，可以外聘教練，仲要係亞洲三分王呢種級數的人馬...

我地以前只係因為咁啱有個新來的老師有藍球經驗，先有機會組織校隊，大家都好珍惜呢個機會，唔會好似時下小朋友咁 HEA 打，唔守隊規，唔聽人講，鍾意就來唔鍾意就閃.....

講番件事，我都唔同意教練用出手的方法教波，呢 D 應該只會在學界以外的球隊發生的事，呢一套真係唔適合中學生。

相信驊哥的出發點係想個學生好，但就用左不合適且差劣的方法。

目前睇，最大反應的都係唔關事的外人，或想乘機抽水之士......

poonseelai

加樂爹 發表於 26-6-4 10:02
其實呢度有無家長在中學時期係打過校隊藍球, 足球隊.....等等的團隊運動, 不是個人項目.可否分享下與教練關 ...

個學生當時中二, 打籃球隊都唔會矮掛

加樂爹

其實呢度有無家長在中學時期係打過校隊藍球, 足球隊.....等等的團隊運動, 不是個人項目.可否分享下與教練關係, 模式, 團隊精神, 與隊友關係....等等?

當然不是打左幾年後, 都是游下游下, 玩下果種

要有實質去攞到學界, 或者衝緊攞獎既經驗, 分享下團隊既氛圍.
比較可以了解, 一隊球隊要點帶領, 各自隊員, 跟整個團隊, 相互關係?

有些地方, 值得想下:

1. 新聞內...個中學生都高高大大, 不是小朋友.
2. 有無關心, 個學生既身心, 有無因為呢件事受影響?
3. 學生有無感到受屈辱, 家陣青少年, 你屈佢, 佢唔駁你咀至奇, 你打我? 甚至還手都有可能.
4. 件事有無造成其他隊員, 對這位同學產生欺凌, 輕視, 侮辱既眼光, 甚至行動?
5. 後生仔平日到藍球場打波, 電視廣告都有拍..."靚仔....係我球場打波....."  呢度既家長, 會唔會驚子女單獨落街場打波, 會被人用言語, 肢體沖突....其實, 如果係咁文人既性格, 不如留在家裡, 或者每次練波book 番個私人球埸, 請私人教練.
6. 有無了解個事主學生, 會唔會係果種在隊內, 都是"霸王".  事出有因, 照片當日有成20幾個隊員, 你估阿翁生, 每個月都對20幾人, 人人有份被打幾巴 (上面有家長已懷疑翁教練有呢個嗜好)?

至於, 學校會否日後不會再用翁教練?

我想, 睇校長既眼光, 是長遠或短視.

人生遇到一個, 有經驗,有資歷, 仲要50幾歲都仲咁有"火" 既人, 算你好運.
你仲想佢跟你改變自已性格, 好言相勸, 以利誘導.......自己返屋企等下啦!

大家在座起度, 身旁的都收晒火, 上岸的上岸, old sea food 的等退休...其實, 想下我們教子女, 如果對方是真正付出, 自已都要專重對方, 可以咪配合下.

這段新聞, 我把上面六點, 大部份提出比阿仔自己去諗....
日後, 不要說我有立場, 太強勢!

一生人, 遇著一兩個能改變自己, 能在日後, 跟人說, 我在校際比校攞過最有價值球員, 比什麼都好.

翁教練...只要明白現代教育, 全社會都對體罰有底線, 明白日後有條底線. 就可以了.
比之平日客客氣氣, 跟隊友傾下計, 講多過教波既教練, 留番比各位在座, 有錢請人教波, 只想打波係運動下既家長罷.

P.S. 我是一個運動人, 我對自己生活都是很discipline 的.

ANChan59

UTB 發表於 26-6-3 19:04
所以學校規定唔准在校園內使用手機。但今次「咁唔好彩」俾人用手機偷偷地拍攝事件經過。 ...

學生點會聽㗎！

UTB

Poyau 發表於 26-6-3 10:02
翁金驊涉體罰學生｜消息：學生及家長拒絕報警及落口供 認為屬紀律教育

https://www.stheadline.com/break ...

我個人唔認同呢種紀律教育。咁做會對某些學生造成心理創傷，影響一生。

UTB

ANChan59 發表於 26-6-3 08:37
以學校角度，他帶領球隊贏波最重要，其他就是次要，最緊要唔好俾人錄影片段放上網。
...

所以學校規定唔准在校園內使用手機。但今次「咁唔好彩」俾人用手機偷偷地拍攝事件經過。

Nbranson

watch more NBA.... coach is the key.  Without a great coach, the team is bound to fall.

mcl233

Nbranson 發表於 26-6-3 12:58
He is more than a 名宿。 Viutv NBA Finals 學界籃球精英賽決賽，所有比賽都一定搵佢做commentator.....  ...

唔做任何一間中學都唔會有問題啦～

Nbranson

He is more than a 名宿。 Viutv NBA Finals 學界籃球精英賽決賽，所有比賽都一定搵佢做commentator..... 大把中學排隊揾佢做教練。依家應該冇。 你咪鬧佢囉。 學校冇鬧佢啲球員學生冇鬧佢家長更加冇鬧佢.... 佢道歉左。而家係啲non stakeholders最嬲。

mcl233

2jkidsfather 發表於 26-6-3 10:39
做下資料搜集先吧，漢華是出名的紅底學校，翁是漢華畢業生，所以母校才要翁做老師做教練 ...

似乎，翁不是漢華老師喎。翁似乎曾於多校做籃球教練，可以谷歌下～

猴子爸

poonseelai 發表於 26-6-3 10:19
父母在家有否用同樣紀律教育？鼓勵孩子可以用咁嘅方法？

Singapore好似可以体罚，学校男生caning, 家庭小孩12岁一下，但当然不可以虐待。

2jkidsfather

Nbranson 發表於 26-6-3 09:26
Haha.... 英式教育係咁樣㗎wor.... 英國都去到1999年先至立法話體罰不合法。最記得當年港督彭定康喺英國議 ...

做下資料搜集先吧，漢華是出名的紅底學校，翁是漢華畢業生，所以母校才要翁做老師做教練

poonseelai

Poyau 發表於 26-6-3 10:02
翁金驊涉體罰學生｜消息：學生及家長拒絕報警及落口供 認為屬紀律教育

https://www.stheadline.com/break ...

父母在家有否用同樣紀律教育？鼓勵孩子可以用咁嘅方法？

Poyau

UTB 發表於 26-6-2 19:13
https://hk.on.cc/hk/bkn/cnt/news/20260602/bkn-20260602123023979-0602_00822_001.html

網上社交平台昨 ...

翁金驊涉體罰學生｜消息：學生及家長拒絕報警及落口供 認為屬紀律教育

https://www.stheadline.com/breaking-news/3578911/