有無小一媽咪入嚟圍爐？每日陪個仔做功課真係血壓急升

MaraWu299

啊仔而家小一，每日放學返嚟好似打仗咁。明明幼稚園嗰陣幾好，點知一上小一出晒事，一要做功課就寫字寫好慢，寫唔夠幾個字，就兩頭擰嚟擰去，要一直叫佢專心啲做功課，每日陪佢做功課都做到燥。想問下大家係咪都有呢個情況？

MaraWu299

RainyRice 發表於 26-5-11 18:42
贊成好習慣要盡快養成。小一都未算遲。
選擇一-功課班/補習班：都識朋友頂唔順，將小朋友送去功課班，放工 ...

功課班會唔會質素好參差?

MaraWu299

eleung123 發表於 26-5-11 17:23
小一先開始梗係啦
我K2都開始每日陪做功課陪讀
宜家K3學期尾好好多了

k1 真係係最開心既時期

MaraWu299

KittWan媽 發表於 26-5-11 02:53
我簡直喺處於崩潰邊緣，每日要返工煮飯，仲要陪做功課。。。自從個女升左小學，先發現以前幼稚園簡直係天堂 ...

咁你慘啲！我哋煮飯仲有工人姐姐幫手！咁你而家有冇幫佢報補習班？我諗緊係咪應該報英文班，因為英文老師話啊仔上英文堂成日發呆，問咩都唔識答。

RainyRice

贊成好習慣要盡快養成。小一都未算遲。
選擇一-功課班/補習班：都識朋友頂唔順，將小朋友送去功課班，放工接返屋企，功課做完，基本測驗考試默書溫好，輕鬆好多。
選擇二-放手：如果小一冇測考，功課量比較少，逐小放手俾小朋友自己做，過程有難度，不過希望持續進步。
選擇三-遲啲放手：都試過初小跟得貼，不過可能因為學校功課量不多，甚至手冊都可以上網睇返，加上疫情？所以又未至於崩潰。到後來決心放手，頭幾年都好驚險刺激（例如唔合格、欠交功課、俾老師寫手冊）。記住目標係小朋友要對自己學業緊張過你。難免佢唔達標嘅時候，要忍忍口。當然如果影響升中，真係好難忍。

eleung123

小一先開始梗係啦
我K2都開始每日陪做功課陪讀
宜家K3學期尾好好多了
因為已經有個習慣

KittWan媽

我簡直喺處於崩潰邊緣，每日要返工煮飯，仲要陪做功課。。。自從個女升左小學，先發現以前幼稚園簡直係天堂！依家每日返嚟打開本手冊，見到十幾樣功課都算，最慘係個女抄手冊抄到鬼畫符，我仲要喺家長群麻煩其他媽媽幫手影手冊畀我睇吓，真喺搞到我都好似一齊返多次學咁。

依家最揼心，喺以前見人哋幫仔女報好多補習班、銜接班，我唔理解架，覺得仲細應該畀細路玩多啲，唔需要咁快學咁多。結果依家上到去，其他小朋友英文已經講得好流利，個女連最基本 Sight Words 都未認得清，就黎溫默書溫到兩母女一齊喊。。。