沙田培英中學，面試時…

otungchu

今日沙培面試日小女已早早起身迎戰佢的「夢中情校」
充滿期待的路上小嘴不停
但今日發生咗一件事令我不吐不快

沙培面試流程估計有意向的家長都有所了解
第一輪個人英文對答
第二輪小組粵語討論
在第二輪小組討論中所得到的問題是
「如果要增加一個科目你會選擇什麼科？」
咁四個同學分別在問題紙上寫下答案時
小女的答案卻被旁邊的同學A偷看
同學A在紙上寫下「中國書法」
不幸的是「竊取」答案的該名同學A是第一個回答問題
而用的回答正正是小女的「職業生涯規劃科」
講解時基本將女兒的答案復述給老師們聽

也是因為如此 小女說當時已經緊張到不能思考
不得已只能夠將對方的「中國書法」講解給面試官
結束時望住小女頭dup dup向我們行來
我已知發揮失手 不過實在沒諗過係咁樣
我主觀認為「職業生涯規劃科」對比「中國書法」根本好太多太多
我想講 果位同學/家長就算俾你入到又如何
靠的不是自己的實力 當然你夠膽「偷」又夠膽講也是一種本事

其後只能不停安慰女兒當作係經驗
也不停地祈禱面試官能夠認真地檢查問題紙發現問題
女兒也安慰返我只要入第二輪 好有信心能夠補救 希望吧

otungchu

mimwing 發表於 26-3-9 19:37
放鬆啲啦，
我小朋友因中文拉低總成績，
自行心儀一定無行，

承你貴言 謝謝 謝謝

otungchu

UTB 發表於 26-3-9 21:38
我覺得學校冇需要叫考生把答案寫在紙上。各考生即場輪流發表便可。如果要考生把答案寫在紙上，咁考生發表時 ...

我覺得應該唔係學校叫學生將答案寫在紙上但係亦都可以提供俾有需要嘅同學，等同學們講解時更清晰
因為我聽阿女講返 講解時張紙其實係係同學手上
女女之後講嘅野同你意見差唔多 但係用詞語句可能冇咁條理
不過唔緊要 經一事長一智 其實已經過咗去 亦都希望同學仔們有好消息
可能都係因為我好似上面嘅家長所講一樣 太過緊張
向阿女學習放鬆心情先 宜家佢都冇咗件事

UTB

otungchu 發表於 26-3-7 15:42
今日沙培面試日小女已早早起身迎戰佢的「夢中情校」
充滿期待的路上小嘴不停
但今日發生咗一件事令我不吐不 ...

我覺得學校冇需要叫考生把答案寫在紙上。各考生即場輪流發表便可。如果要考生把答案寫在紙上，咁考生發表時，就需要向考官展示所寫的答案。

另外，世事有時好難講，答案好與差，好視乎老師的主觀喜好（而不是自己的喜好）。我自己而言，我反而會較喜歡「中國書法」這答案，皆因現代人多用電腦，好多人都執筆忘字，而且字體潦草，情況亟需改善。另外，寫書法亦可以減壓，培養藝術觸覺，亦可透過書法認識中國文化……等等。「職業生涯規劃科」可能沒有這些好處。

我明白事件令人不快，但既然已經發生了，只好當一個經驗，讓日後遇到類似情況便有所警惕。

mimwing

otungchu 發表於 26-3-9 13:56
其實我同佢練習面試嘅時候我同佢講 學校如果俾一個題目你自由發揮
咁你就將所有一陣你需要講嘅「重點」寫低 ...

放鬆啲啦，
我小朋友因中文拉低總成績，
自行心儀一定無行，
最後大抽入到同培英差唔多水平心儀英中，
現在日日打機都中上成績。。

你女程度一定入到沙田任何一間英中，只係去到考級1定級10啫

stanley1017

面試點解可以有筆？

otungchu

mcl233 發表於 26-3-9 15:17
以前自己位年青人所讀既小學，係非常強於培訓學生表這達和討論議題，整個流程都唔會係搶先有優勢，而係有 ...

是的，溝通，表達都係好重要的一部分

mcl233

otungchu 發表於 26-3-9 15:01
對 謝謝鼓勵 教育佢行正確的路 做啱自己 做好自己 如果佢能力足夠 一個「輸蝕」嘅選擇都可以贏返來 ...

以前自己位年青人所讀既小學，係非常強於培訓學生表這達和討論議題，整個流程都唔會係搶先有優勢，而係有一定技巧和模式，所以抄或跟係冇用的～

otungchu

mcl233 發表於 26-3-9 14:07
本帖最後由 mcl233 於 26-3-9 14:14 編輯

無須太介懷，就算抄題目也不可以抄表達內容。有強中學出題添 ...

對 謝謝鼓勵 教育佢行正確的路 做啱自己 做好自己 如果佢能力足夠 一個「輸蝕」嘅選擇都可以贏返來

mcl233

otungchu 發表於 26-3-9 13:56
其實我同佢練習面試嘅時候我同佢講 學校如果俾一個題目你自由發揮
咁你就將所有一陣你需要講嘅「重點」寫低 ...

無須太介懷，就算抄題目也不可以抄表達內容。有強中學出題添啦，各組員比意見，仲係小組討論，讓別人先行，讓半臂，亦唔會蝕底左，更顯風範～

otungchu

BB-Tiger 發表於 26-3-9 11:04
想問下細節，寫咗書法但講咗你女嘅答案？咁手上張紙寫書法咁點解釋道？就算係抄你女嘅標題，但內容應該是佢 ...

其實我同佢練習面試嘅時候我同佢講 學校如果俾一個題目你自由發揮
咁你就將所有一陣你需要講嘅「重點」寫低 排列
當你去講解嘅時候就可以好清晰明白地去做
當然 女女都好聽話 所以佢用準備嘅時間寫低晒
佢後來同我講 隔離個同學a一直望住佢寫
但佢當時並唔覺得有咩唔妥 因為佢覺得呢個係佢嘅想法

當同學a回答用咗佢嘅答案嘅時候佢就已經開始慌張
咁接下來發生的事情上面都有講啦
佢冇投訴 冇扭計 冇晦氣 仲好認真咁將「中國書法」講解
咁我覺得佢已經做好自己該做嘅事
當然可以做得更好 轉數快啲 應變能力強啲
我都有教佢 如果下次再發生呢啲事點樣做

咁老師事後有冇發現問題就唔知 只能夠祈禱啦

BB-Tiger

想問下細節，寫咗書法但講咗你女嘅答案？咁手上張紙寫書法咁點解釋道？就算係抄你女嘅標題，但內容應該是佢自己即場發揮講出嚟？咁內容不盡相同嘅你女可以照講並且向老師展示佢係預先有寫低標題，並唔係抄人哋，咁老師們有心嘅可以睇到第一個學生的標題就會知內裡原因。

otungchu

kimori88 發表於 26-3-7 19:57
潘同學咪又係差唔多手法，依家社會就係咁，急功近利。小女當作一個人生經歷就可以了。不過小女其實又無必要 ...

謝謝鼓勵 我都係咁樣同佢講其實唔需要用返佢嘅答案
一來唔算好 二來變咗同佢做咗同一件事

應該係由佢講咗你答案的第一時間就要有應對方法

所以我都話佢知 臨場應變都係一種很重要嘅能力

總會遇到很多的突發狀況
或許都係自己轉數唔夠快

kimori88

潘同學咪又係差唔多手法，依家社會就係咁，急功近利。小女當作一個人生經歷就可以了。不過小女其實又無必要用人地嘅中國書法，同樣都係偷。