K1部署考小應該做啲咩？

febbiewan

依家K1，部署緊考小，可以做啲咩？使唔使參加比賽同考試？幾時開始參加會比較好？

RainyRice

febbiewan 發表於 26-2-13 12:06
依家K1，部署緊考小，可以做啲咩？使唔使參加比賽同考試？幾時開始參加會比較好？ ...

可以多同小朋友讀中英文故事書，令佢哋愛上閱讀。也可同小朋友多傾偈。
學嘢主要為培養興趣就得，可以考慮一體一藝，等小朋友平衡發展。另外可以參加多啲不同嘅活動，增加小朋友見聞同基本常識，面試時同老師多啲嘢可以講。
考試真係冇需要，學術上嘅嘢，面試時老師會見到。
比賽方面，參加朗誦俾小朋友練在一班人面前嘅膽量都OK。都可以根據興趣去參加比賽，目的主要是增加小朋友嘅經驗同發掘興趣。