功課，評測，考試⋯⋯

holver2881

有冇因為學校壓力大到喘不過氣來嘅家長同埋同學仔，睇到佢將來，只係永不間斷嘅功課，評測，考試，根本冇可能休息得到…….就連去一個三個鐘嘅小旅行之後，返嚟都要趕住做一篇遊記.....
因為泳池而選擇，因為網上鋪天蓋地嘅校長撰寫文章而選擇，
無限嘅期望，最後換來嘅係佢經常失眠同埋發惡夢.............
佢每日返學就好似行屍走肉咁樣，每日滿腦子就係唔開心....
感覺成個家庭，只係為咗佢嘅成績而生存….

poonseelai

holver2881 發表於 26-2-12 16:40
感謝你的回覆，很詳盡，希望我不會扭曲你的意思，根據你文章，我了解到你意思是說，如果一間學校的文化是以 ...

我朋友孩子小二後由一間港島好受歡迎的直資轉去一間ib school, 原因係孩子同媽媽講自己好無用

朋友只要求孩子合格, 雖然做數學練習做咗成本電話簿咁厚都係60+分, 朋友ok, 但班主任唔收貨, 因拖低全班平均分

孩子喜歡表演, 但學校上台表演機會只係比成績好嘅同學, 佢只可以望住同學仔上台

轉校後孩子多了時間去運動和跳舞, 有次三年班全部孩子的畫在全校不同地方展覽, 佢好興奮拖住朋友去睇自己的畫, 朋友見到孩子有返笑容和信心都安心

今時今日究竟孩子要學習什麼去應對急速變化的社會？ 未必有標準答案

holver2881

感謝你的回覆，很詳盡，希望我不會扭曲你的意思，根據你文章，我了解到你意思是說，如果一間學校的文化是以操練為主調，家長應該配合學校，一起有效操練小孩，
如果小孩出現情緒警號，原因是操練方法有誤，或者家長未能配合得到學校，
即使小孩情緒出現問題，唔關催谷事，而係點樣催谷，
唔關排山倒海嘅功課事，而係點樣排山倒海。
這些看法，我都曾經接納過，我曾經為咗成績，用呢啲處事方法，將我嘅小朋友當成一件物件咁樣處理

希望你明白，我小孩，我的親小孩，佢唔係一件物件，佢係一個人，佢係有生命，佢係有情緒，我係會尊重呢一個生命，

你所說的‘那些小時不抄寫, 不念書, 不閱讀, 不寫作的很難追得上你的努力.’
您令我反思是，如何及為何 抄 寫 念 讀，如何欣賞，如何與其他人共同進退，而不比較別人。
佢嘅生命比起任何成績更加重要，佢依家唔識表達，我唔想佢將所有內心嘅嘢，積到大個，到時返唔到轉頭。

亦都感謝你指出學校的教學方向，有機會同家長嘅諗法不同，
令我更加確定，轉校係個好好嘅方向

加樂爹

回覆 holver2881 的帖子

我理解是學習有很多方法, 辦學團體基於不同理念及資源會有不同的教學方法.
例如, 如果學校資源足夠, 當然全英語老師, 從活動中學習是一種方法.
但如果學校資源不足, 又或放重在中文或STEM 上, 那便要多做練習, 多記憶, 多測考去維持學術成績.

當然, 不同學生性格, 能力會有不同效果.

我相信一間好學校, 他不會是人做我做, 而是深信自己果套可以培育到想要的學生.
例如, 良好品德; 專注在學術修養; 配合到十多年後科技發展既; 注重個人潛質發揮既....等等.

所以, 我要了解學校, 是想了解他是相信他偏重什樣的學生, 而他提供給家長/學生是什麼資源課程.

這樣, 你才知道除了學習成績外, 學生在學校的教育中處在什麼位置.

在小一, 小二, 可能老師會認為重點在規舉學習.
例如每日自律, 做好自己功課, 有時間溫習....
又或者是給與時間, 去吸收, 去發展興趣, 以更日後能由一點點的好奇, 發展出學習動力.
又或者, 純粹做好寫字, 閱讀, 跟同學友好相處, 形成互相幫助的動力.

殊如此類....當你知道學校方向, 那麼間中欠些功課又如何?! 壓力小很多.

所以, 你要跟學校了解, 在高年級後教育方向.

你提到學校的講座, 我個人覺得都是一些不同的學習方法.
如果, 每樣都要學, 本身家長學生都很累.

反而, 由小小好習慣, 培育正確態度, 知道父母不是一味迫他學習, 而是溝通下可協商的.
這些, 既是師及是友的關係, 是情緒上的穩定劑, 是子女父母的關係.

但學校暫時這樣教導, 家長便要配合.
多跟孩子聊聊天, 帶他運動, 啟發多點嗜好.

很多時, 大家面對同一處境, 父母能夠創造另一個方向出來, 一年一年後, 孩子便成長起來.

到時, 那些小時不抄寫, 不念書, 不閱讀, 不寫作的很難追得上你的努力.

很多好的官, 津學校都是這樣.

家長唯有跟孩子保持關係, 不要跟著學校你逼我又逼, 有些學習輕重, 要家長自己去判斷.
可能, 你明白後, 又會對現在處境又另一番看法.

holver2881

正常？你意思係大部份同學都係呢種情況嗎？

加樂爹

holver2881 發表於 26-2-12 12:05
謝謝你回覆，詳細咁樣分享你嘅經驗。
學校有好多講座，好多增強記憶力講座，學習講座，解壓講座，教你點樣 ...

啊, 小二, 咁都係好正常啦.努力D, 規律習慣, 多D運動下, 公園玩下....

holver2881

謝謝你回覆，詳細咁樣分享你嘅經驗。
學校有好多講座，好多增強記憶力講座，學習講座，解壓講座，教你點樣幫小朋友有效溫默書，點樣增強記憶，減輕考試焦慮。
…..

我小朋友依家小二，嚟緊放假，但係佢個人都係冇乜笑容..
因為佢知道我需要‘督促’ 佢溫習考試….

加樂爹

holver2881 發表於 26-2-11 16:08
有冇因為學校壓力大到喘不過氣來嘅家長同埋同學仔，睇到佢將來，只係永不間斷嘅功課，評測，考試，根本冇可 ...

分享下經驗.
阿仔當時由小一到四, 有一個同班同學跟不上成績.
我們學校是關顧型學校, 不會有尖子班, 但每個科目好的學生, 會額外提供增潤課程.
而跟不上的學生, 都是按每科成績, 會分到特別班, 特別老師教.
教的進度及程度, 當然按小朋友吸收, 起碼保住基本合格分數.
功課當然不會太多, 因為需要給小朋友吸收.
考測是跟正常班同一份卷, 但可能比多小小時間去作答.

直到跟得上後, 才回到主流班上課.

學校的安排確實貼心, 他們理念是我選了學生就讀, 學校是有責任去幫助學生的.
這個同學, 記得基本上由小二到小四都是中英數常, 除了IT, 視藝, 體育科, 其它堂都是分開班上的.

學校這樣安排, 我認為對小朋友都有關愛及同理心.
家長當年都這樣讀到四年級, 才轉校.
因為始終是英小, 英語都比較好.

當然, 我相信學校老師在初小時會有過勸退, 家長是難受的.
現在想回來, 家長學生放開自己, 需要跟學校老師多了解下.

學校是有提供學生成長的養份, 確實去或留, 純粹是個人決定, 不要覺得在困局中.
先要發現除左banding 外, 學校有沒有最好的給自己孩子很重要.

其實學校課程怎樣設計, 要學習什麼, 家長學生了解多小?

我仔小六, 昨日溫習中文, 佢用手機錄音, 我聽到佢一些自己提酲點, 應該是老師上堂時的教導重點.
我肯定了他上堂有留心, 記得一點一滴要學習的重點, 便很滿足了.

我理解好的學校課程, 是一步一步, 只要你跟老師了解, 他可以跟你說很多步驟, 道理去取分數.
而不是大家讀同一課文, 下一課跟前一課, 後一課無甚關係, 除左學習了新的生字詞外.

究竟是校本課程無做好, 或是孩子未掌握到呢? 自己要花點心機去了解.

學校除左做功課, 操卷等外, 還教導了什麼?

確實太多的功課往往令人生厭, 特別是做功課慢的學生, 要應付重覆抄寫的功課.

//一個小旅行後, 寫一篇遊記...//

我認為看年級罷, 如果像我仔去年小五/六, 寫開記敘描寫文, 當然可以.

可以用週記形式, 可以隔幾天後才寫, 可以自己取材取深刻感受, 不管是記事, 記人, 記情, 寫一段幾十字段落都可以, 不一定要official 去交功課.

學校是怎樣想, 家長會怎理解, 都會有不同效果.

就上面一個題目, 我曾試用了兩天時間, 從阿仔的構思, 初槁, 分析建議, 跟類似文章參考別人寫法, 再增潤字詞都可以, 學校留了空間, 讓我可以按自己意思規劃.

功課量...確實當每科老師都擔心學生未掌握到, 把孩子的時間, 每位老師加多一份, 家長學生天天都很惱怒地完成功課, 沒有停下來的時間....

像上面的旅遊記敘文, 或許是好心做壞事.

我們說, 自主學習....學校可以很鼓吹, 但給了什麼空間學生去學習, 或是整天跟著功課去走呢?

"授之以魚, 不如授之以漁", 除了功課學習外, 學生在心態, 成長, 思想上學到了什麼?

我不是單從成績能力去考量, 可能小孩叻叻, 但除了每天學習外, 學生能學到其他什麼呢?

多點了解, 比自已/孩子多點空間去想如何應付.

不知你孩子讀幾年級?  年級不同, 當然有不同處理方法.

多跟學校溝通, 現代的教育, 學校是有理念的.
多一份了解, 可能你日後能夠從中取得多個小成功, 最後孩子會成長.

如上的旅遊記事, 重點在哪裡?  跟老師了解下, 肯定對你及孩子有幫助.

直到一日, 你發現學校那一套跟你談不上弦, 你才再去找合適理念的學校.
到時, 你都成了升級的家長, 不會單以banding 排名去選學校.

jesswu

holver2881 發表於 26-2-11 18:30
回覆 Poyau 的帖子

其實佢以淚洗面做一段好長嘅時間，去到依家，佢好似已經麻木咗，

如果情況去到咁差，爲左小朋友嘅身心健康，應該要考慮轉校。

holver2881

回覆 Poyau 的帖子

其實佢以淚洗面做一段好長嘅時間，去到依家，佢好似已經麻木咗，
感覺好似唔識喊咁⋯⋯有啲咩事，就雙眼就紅紅，佢好似覺得喊係一種罪疚，有咩就擺喺心入邊，

而我哋就係好似你所講，一路用一分耕耘一分收穫，總有回報，咁樣教佢，

但對於佢嚟講，每日 日日復一日，永遠都冇一個休息點，喺佢嘅角度，呢啲只係我哋大人講嘅大話，
記得佢上次講，覺得自己好差好渣，自己好冇用，以前鍾意玩嘅嘢都冇晒興趣

我真係好心痛，好無奈，你話我可以點......？

Poyau

holver2881 發表於 26-2-11 16:08
有冇因為學校壓力大到喘不過氣來嘅家長同埋同學仔，睇到佢將來，只係永不間斷嘅功課，評測，考試，根本冇可 ...

一分耕耘 一分收穫
   

https://www.plkwws.edu.hk/升中派位結果