求意見- 關於IB國際 vs. PIS (VSA)

sabsab122

有冇讀緊VSA 家長分享吓初小朋輩之間的競爭和測考壓力大嗎？

有去過school tour, 但感覺和國際學校兩回事，我都知道VSA 是行國際課程的私立本地學校PIS, 但很多人都說這間是雙語的國際學校,而且IB 成績的出眾，從school tour 看得出他們的教學質素好「抌本」。

我小朋友讀ESF year 2, 外國人偏多，

想佢學好中文，所以試同佢轉間雙語IB國際,

剛考左筆試，（因為有考中文作文，我本來諗住冇希望），但竟然pass 咗。

下個月到我考….

所以我想了解多d VSA,

請問

• 我感覺到的本地學校vibe 是對的嗎？老師好像比較嚴厲? 學生之間會比較嗎？
• 請問小二多測考功課嗎？家長會否很有壓力?
  

另外就係，

孩子讀ESF 其實好開心，過去一年進步不少，尤其係閱讀寫作方面，真係做到自主學習。

而且佢係一個內向同唔受得壓力嘅小朋友，擔心如果vibe 好local 會有反效果….

但留ESF， 以佢嘅語文能力，我又覺得淨係識英文好浪費…

謝謝大家意見。

poonseelai

sabsab122 發表於 25-12-30 12:11
知，PIS本地生最少要佔七成，原意亦都係想比香港本地生有讀外國課程學校選擇，所以先有PIS。
我小朋友ESF ...

學校無按成績績排名次, 如何比較？ 我孩子係典型 I 人, 真係唔出聲, 但比時間去準備presentation, 一樣做得好好, 老師當然希望佢在堂上多出聲, 分享多D唔同睇法, 但性格係I人, 好難改變

esf 學中文係一個subject咁教, vsa小學雙班主任制： 一英一中, 交project要用中英文, 孩子接觸和運用中文機會多些, 雖然如此, 孩子普遍仍愛英文多過中文, 上到中學除中文科全部用英文, 所以小學多接觸中文好重要

去年一個vsa小學家長講中文係深咗, Dr Maggie Koong希望全部孩子考到中文母語水平, 我孩子幾年前畢業係30%+考中英母語水平, 而家大約一半. Dr Maggie Koong離去後情況如何, 有待現有家長分享

sabsab122

「路路」 發表於 25-12-30 13:47
你唔係嫌ESF唔好先想轉校咩？呢個世界無完美，你揀唔到周邊係咩同學仔，可以好好亦唔可以麻麻，唯一可以控 ...

哈哈，你記得我～1年前出過帖，當時year 1 成日學啲壞習慣返嚟中文字又唔識多隻真係幾焦慮，所以上年開始練中文準備今年考轉學試，

但係一年過去我覺得小朋友無論學術定soft skills 都進步咗好多，

ESF 就係因為好free，所有嘢老師都excellent, well done, 朋輩之間互相鼓勵，冇人嫌棄做得唔好嘅同學，
所以我小朋友都願意開口，自信心亦明顯較好。

呢個就係我struggle 嘅位，

唔知VSA 啲老師同埋同學係咪都咁supportive and care free? 定係大部份人都係非常緊張成績明爭暗鬥？

我好覺得VSA teaching quality係非常好，亦都鍾意佢中西合璧嘅文化。

但個問題就係，小朋友如果內向又介意人哋目光，讀一間成日比較仲要「跑數」嘅學校，會點？（有錯整指證）

我都知每一間學校都一定有人瘋狂補習，有人佛系。

所以我想知嘅係，大部份人喺VSA 小學係屬於佛系？瘋狂補習？比例係5:5？定係2:8？

謝謝

poonseelai

「路路」 發表於 25-12-30 13:47
你唔係嫌ESF唔好先想轉校咩？呢個世界無完美，你揀唔到周邊係咩同學仔，可以好好亦唔可以麻麻，唯一可以控 ...

今時今日那間補習風氣唔盛？IS, PIS, 直資和本地學校一樣

「路路」

sabsab122 發表於 25-12-29 23:30
有冇讀緊VSA 家長分享吓初小朋輩之間的競爭和測考壓力大嗎？

有去過school tour, 但感覺和國際學校兩回事 ...

你唔係嫌ESF唔好先想轉校咩？呢個世界無完美，你揀唔到周邊係咩同學仔，可以好好亦唔可以麻麻，唯一可以控制只有自己同小朋友，不過當你嫌ESF係non selective嘅時候，你就要有個心理準備小朋友轉校之後未必再係「出眾」，VSA家長相對比ESF嘅有要求，有啲由一年級已經不停補緊你可以預定壓力一定比係ESF時大（不過呢啲壓力唔係由學校比你），除非你可以佛系到唔同其他人比較、唔聽其他人講補物補乜好。

撇除要驚小朋友受唔到壓力，換著我一定VSA > ESF，不過唔係因為PIS 重視中文多啲（呢個只係大家一廂情願嘅諗法，想學好中文唔係齋靠學校，而係小朋友自己有無興趣先最重要，譬如課餘肯唔肯去接觸、閱讀中文書，PIS一樣大把學生講英文多過中文），而係個覺得ESF 太free，個人覺得比較好PIS 走國際同本地模式之間比較適合大眾。

sabsab122

poonseelai 發表於 25-12-30 10:10
首先你知道教署IS and PIS 在student mix的要求嗎？PIS 至少7成本地生, 目標係為本地生提供非本地課程, 如 ...

知，PIS本地生最少要佔七成，原意亦都係想比香港本地生有讀外國課程學校選擇，所以先有PIS。
我小朋友ESF 係行PYP,
我哋當然冇測考，我亦都唔係要求有好多外國人嗰種學校，
只係我見其他行IB PYP的學校，例如天后保良局嗰間，都會有默書。
VSA我都聽過小學會有中英文默書，有功課而且量唔少，
所以先問，
個學習方面嘅vibe 其實是否同國際學校嗰套IB PYP 好唔同？Local vibe 意思係指同學之間經常比較成績，會取笑成績唔好嘅小朋友，或者presentation 做得唔好會笑人之類….
我女兒比較「薄皮」，所以想了解多少少。
謝謝解答。

poonseelai

sabsab122 發表於 25-12-29 23:30
有冇讀緊VSA 家長分享吓初小朋輩之間的競爭和測考壓力大嗎？

有去過school tour, 但感覺和國際學校兩回事 ...

首先你知道教署IS and PIS 在student mix的要求嗎？PIS 至少7成本地生, 目標係為本地生提供非本地課程, 如果你要求外籍學生為主, 應該去IS

你孩子現在的ESF小學是否行ib pyp? 如果係你或者知道ib pyp 係不可以有測考, vsa 係 ib through train

你指本地local vibe是指那方面？