求意見- 關於IB國際 vs. PIS (VSA)

sabsab122

有冇讀緊VSA 家長分享吓初小朋輩之間的競爭和測考壓力大嗎？

有去過school tour, 但感覺和國際學校兩回事，我都知道VSA 是行國際課程的私立本地學校PIS, 但很多人都說這間是雙語的國際學校,而且IB 成績的出眾，從school tour 看得出他們的教學質素好「抌本」。

我小朋友讀ESF year 2, 外國人偏多，

想佢學好中文，所以試同佢轉間雙語IB國際,

剛考左筆試，（因為有考中文作文，我本來諗住冇希望），但竟然pass 咗。

下個月到我考….

所以我想了解多d VSA,

請問

• 我感覺到的本地學校vibe 是對的嗎？老師好像比較嚴厲? 學生之間會比較嗎？
• 請問小二多測考功課嗎？家長會否很有壓力?
  

另外就係，

孩子讀ESF 其實好開心，過去一年進步不少，尤其係閱讀寫作方面，真係做到自主學習。

而且佢係一個內向同唔受得壓力嘅小朋友，擔心如果vibe 好local 會有反效果….

但留ESF， 以佢嘅語文能力，我又覺得淨係識英文好浪費…

謝謝大家意見。

Adiezz

sabsab122 發表於 26-1-10 17:57
謝謝分享:)即係功課默書主要都係淨係中文，
其他科都沒有，對嗎？
Assessment 都係on going (小朋友唔知道) ...

中英數每周4-5份功課，有時會有UOI tasks，例如去某地方explore後畫畫或upload相 etc.

每次unit完結有中英數Assessments，事前唔知，Assessment時老師才會同小朋友講現在要做。每年兩個term reports。

Playground language主要是英，不過初小仍會夾雜粵/普，有些小朋友英語幾乎native，有些英文明顯差一些，但都會照講。

sabsab122

Adiezz 發表於 26-1-10 00:07
我小朋友讀緊，小學無測考，主要是Assessment 和 MAP

英文無課本，偶然有工作紙。未試過默書。

謝謝分享:)即係功課默書主要都係淨係中文，
其他科都沒有，對嗎？
Assessment 都係on going (小朋友唔知道)的那種是嗎？

我接觸過幾個VSA, 我見佢哋英文都好流利，
想知道playground language (in general) 是什麼語言？

poonseelai

Adiezz 發表於 26-1-10 00:07
我小朋友讀緊，小學無測考，主要是Assessment 和 MAP

英文無課本，偶然有工作紙。未試過默書。

如果要求speak like native, 當然選is

Adiezz

我小朋友讀緊，小學無測考，主要是Assessment 和 MAP

英文無課本，偶然有工作紙。未試過默書。

中文有自己出版的課本，初小功課主要是寫生字和周記，閱讀理解和成語學習不是強制性，有默書。

數學有自己出版的課本，裏面有教學和練習。Assessment後會highlight未掌握的部分。

VSA家庭都好兩極，有些會補習谷學術，有些不緊張。學校自由度大家長各自培養興趣愛好。

英文語境唔會有ESF咁好，IS家庭未必接受到

beastiebistro

加樂爹 發表於 26-1-6 13:25
十個家長, 有十個不同看法, 我只分享對以下你說的學習要求, 亦是煩惱所在:

// 多謝各位前輩的高質素回覆 ...

補充下。
我諗每一個小朋友、每一對家長、每一個家庭都係獨立個體，無論考慮、環境、要求都唔一樣。甲之熊掌好可能係乙之砒霜。就連「愉快學習」都可以因應小朋友性格喜好，有完全唔同嘅詮釋。

冇測考唔一定代表愉快，有測考亦未必唔開心。

有自由可以係空間又可以係空泛，有紀律可以係束縛又可以係路線明確。

最好嘅學校都可以有壞學生，近朱者赤、近墨者黑，唔係家長想控制就控制到。

每間學校都有好老師（或者應該話「夾」嘅老師），每間都有唔夾嘅，抽到邊個係彩數。

千算萬算，世事都難料。唯有嘅就係做足研究、客觀評價自己小朋友、摒除離地要求，揀認為最適合嘅學校（學制）。揀咗就應該全心擁抱，盡量配合學校，唔好疑神疑鬼，惶恐做錯選擇。小朋友好醒，點會唔知家長動搖？好彩嘅佢自己有諗法，唔好彩好似骨牌/紙牌屋咁雪崩。

揀得IB PYP/MYP嘅路，就要接受可能會少啲實質「成績」回饋，要信學校。

mandy_ng207

Radiomama 發表於 26-1-6 15:56
上MYP之後有冇keep住同孩子傾談，佢有冇分享學校生活、朋友八卦話題？MYP 第一年，應該有好多新鮮事情，唔 ...

感謝回覆。
孩子社交好，成長方面不用擔心。
第一個學期成績表無分數，只有強弱項，3 way conference 老師指出孩子很多時都遲交功課和堂課做不完，因為孩子沒有意識到問題就沒有告訴我，我想學校是不是可以早一點提示家長呢，讓家長和孩子談一談，就不會錯過太多的學習機會。

Radiomama

加樂爹 發表於 26-1-6 13:25
十個家長, 有十個不同看法, 我只分享對以下你說的學習要求, 亦是煩惱所在:

// 多謝各位前輩的高質素回覆 ...

你真係講得好

Radiomama

mandy_ng207 發表於 26-1-5 14:05
我仔現在MYP第一年
本身MYP已經無乜standard教材可以跟
老師又放晒手比學生（功課是否欠交都不會通知家長） ...

上MYP之後有冇keep住同孩子傾談，佢有冇分享學校生活、朋友八卦話題？MYP 第一年，應該有好多新鮮事情，唔好凈係睇學業成績，佢嘅成長更加要多啲關心。

另外學校其實都有安排parent’s night, 3-way conference, 而每個學期都會有report card，會否從中都可以了解到？

Radiomama

sabsab122 發表於 26-1-6 10:13
我明PYP 係冇測驗考試，小學階段我對小朋友嘅期望就只係喜歡學習，多閱讀，自信。
所以我先覺得留ESF 其實 ...

你呢個帖引咗好多網友分享咗好好嘅心得，但你能否做明智嘅選擇，呢個仲係交番俾你自己。

但睇回覆要讀清楚，如果唔係意思相差好遠。

正如樓上有網友Mandy佢係話進入MYP第一年，有點兒惘然，不是讀到MYP最後一年，兩者分別太大。

barque

sabsab122 發表於 26-1-6 10:13
我明PYP 係冇測驗考試，小學階段我對小朋友嘅期望就只係喜歡學習，多閱讀，自信。
所以我先覺得留ESF 其實 ...

我明白你可能覺得沒有常規的測驗考試，好難評估小朋友的進度和程度。

換另一個角度睇，我覺得ESF和VSA都係程度相近的學校，如果自己小朋友在ESF學習愉快和同學相處好。其實未必值得轉校，轉校要重新適應過是不是，真是一定好亦都是一個未知數。

看數據兩間學校IB40分以上都有30%以上，我見過如果孩子學習聰明，而且有好似你一樣緊張學習的家長。將來考IB成績一定會不錯。

教育始終是學校和家長共同配合，起碼我覺得ESF具備良好的學習環境，不會浪費有資質孩子的學習。

至於所謂學習的基礎或什麼良好的訓練更是一個很難量度的標準。

加樂爹

sabsab122 發表於 26-1-5 23:17
多謝各位前輩的高質素回覆。其實我一直都未諗通，
究竟應該係比空間孩子留力遲啲考公開試先發力（留在happy ...

十個家長, 有十個不同看法, 我只分享對以下你說的學習要求, 亦是煩惱所在:

// 多謝各位前輩的高質素回覆。其實我一直都未諗通，
究竟應該係比空間孩子留力遲啲考公開試先發力（留在happy 環境如ESF) 定從小喺培養良好習慣和抗壓能力(VSA 這種有中式vibe 嘅教育）好D?
因為我個小朋友剛巧就係一半一半，係讀到書但係抗壓能力差，而且行為好受環境同埋朋輩影響。
前者好似好難控制小朋友去到公開試時會否發力….？又正如樓上有位家長問，究竟點樣睇小朋友MYP 時要學嘅嘢有冇學得識？//

我覺得樓主對現今教育存有舊思想, 或者根本是個人的纏結:

1. 考公開試先發力?   
其實現今學習模式是整體過程, 亦不限於課本, 不限於考卷了, 所以不在要留力到中學先發力.
平時做好, 有良好的學習態度, 有良好的習慣, 不限在學校課程內, 就是很好的基礎了.  愉快學習...要學習 VS 不愉快? 根本不需要放在對立面.
不愉快是因為不學習, 太多測考, 又跟不上成績.
要評估的是學校那一套課程是否有序學習, 是否合適測考.

2. 培養良好習慣?
習慣包括引導個性, 不單在學校學習, 沒有一定說好及不好, 但基本上有責任心, 禮貌, 同理心...等, 可以由多方面學習, 包括家庭內.   現代的教育, 跟從前要求個個乖, 靜, 聽話順從是不同了.  

3. 抗壓能力?
你想學校比什麼壓力, 現代的教育理念是從讚賞, 實踐, 尊重去加強孩子自信, 不是靠每個星期默幾次書, 測考越多就代表子女越勁.  放膽的表達, 開心樂觀的處理事情, 懂分享幫助是現代教育的方向.  不要聽人說你學校測考小, 就代表日後孩子不受壓....聽落都好笑.

4. 學嘅嘢有冇學得識
其實, 現代的教育是講求"自主學習", 不是讀晒校本範圍, 佢攞99分, 你要攞99.5分.
IS 學校提供比你地空間, 唔係放養你, 而係除左線性去比好成績外,  個人對事物的投入, 興趣不就是"自主學習"的原材料嗎?  "自主學習" 究竟學得幾好, 不是靠一份考卷去評論.  這是需要時間, 需要鼓勵, 需要定目標實踐....更需要時間!

5. 行為好受環境同埋朋輩影響
跟#2 有點關係, 現今細路好叻, 細個守規舉, 大個家長又嫌佢太靜; 玩手機又擔心沉迷, 唔玩又無話題; 同學間爭吵, 最驚家長太認真....
其實係social life 黎架, 唔好淨係用家長自己標準, 應該放眼睇下其他學校, 其他細路係點先有個概念, 再問下學校老師, 社工, 人地可能見cases 多, 可以比你更客觀既意見.

總結, 其實了解一間學校是否合適, 不就是上面的問題, 從學校的簡介內找答案嗎?
又深入D講, 教育理念, 不就是講緊學校點去理解以上問題嗎?

坦白講, 不是每間學校校長都答得上上面問題, 我意思是我從學校的制度做法, 能看到他可以配合得到以上辦學理念.  由這個角度看, 了解多些現代的教育方法, 你就不會只睇學制, 只睇banding, 只講子女個性受唔受壓 (個個都話唔受壓架啦, 可能著一半原因係唔教), 並且之後可以配合到學校去教導子女.


所以beastiebistro 講既 "擁抱學校制度" 我覺得有理, 因為佢應該在起始已經做足左功課.

poonseelai

sabsab122 發表於 26-1-6 10:13
我明PYP 係冇測驗考試，小學階段我對小朋友嘅期望就只係喜歡學習，多閱讀，自信。
所以我先覺得留ESF 其實 ...

做家長都係摸著石頭過河咁, 見步行步, 你孩子咁細怎會估到到考公開試時會怎樣？

我自己當年選校好簡單：

1. 選學制 - 當年香港ib仍未盛行, 維記考慮會否引入ib, 安排ibo代表講解下, 聽完都係得個概念, 但個人相信skills係重要嘅, vsa 有安排coffee mornings 比家長了解多D, 我盡量去

加上唔想孩子成為dse頭十年的白老鼠

2. 重視中文 - 因此當年無考慮過IS

我孩子無讀過esf, 唔識比較, 至於壓力, 完全避免亦未必係一個好方法

poonseelai

964000 發表於 26-1-6 10:32
我相信IB小學都會有standard test? 我聽過ESF都有，跟英國小學standard比較的，會出percentile，我女小學 ...

vsa校內無測考, 我孩子year 4起會參加international school assessment 中eng and math assessment, 每人有自己成績, 對比全球参與學生的位置, 作個參考

poonseelai

964000 發表於 26-1-6 10:35
去到中學，就算讀MYP各科目也應該有測考和grading?

有assessment 亦有上下學期report card, vsa year 6係myp 第一年, 記得year 5時老師也會提醒myp要求唔同㗎啦, 每年亦有3次（如無記錯）見老師日子, 上網book見每科老師時間, 其實唔會完全唔知進度

加樂爹

beastiebistro 發表於 26-1-6 09:07
如果你要好實在咁掌握你小朋友喺每個階段學咗啲咩，識啲咩，咁個人認為「你」可能唔適合做IB（PYP／MYP）小 ...

@樓主, 同意beastiebistro 咁講.
其實, 如果beastiebistro 分享下子女既成長, 佢唔會淨係同你講子女成績, 小學又點, 中學又點...

子女成長, 包括左好多既野, 都不在一份成績表上.

好多野可以令你喜, 亦令你憂...
好既溝通, 多觀察, 培養好的性格, 你就"掌握"到子女成就.

既然樓主信有後續發力, 為什麼急在一時呢?

//就要擁抱制度// 是對的, 跟學校多溝通亦是需要的.

964000

sabsab122 發表於 26-1-6 10:13
我明PYP 係冇測驗考試，小學階段我對小朋友嘅期望就只係喜歡學習，多閱讀，自信。
所以我先覺得留ESF 其實 ...

去到中學，就算讀MYP各科目也應該有測考和grading?

964000

sabsab122 發表於 26-1-6 10:13
我明PYP 係冇測驗考試，小學階段我對小朋友嘅期望就只係喜歡學習，多閱讀，自信。
所以我先覺得留ESF 其實 ...

我相信IB小學都會有standard test? 我聽過ESF都有，跟英國小學standard比較的，會出percentile，我女小學每年都做，家長會收到report.
其實小學的所謂「學術」主要是maths和eng。

beastiebistro

sabsab122 發表於 26-1-6 10:13
我明PYP 係冇測驗考試，小學階段我對小朋友嘅期望就只係喜歡學習，多閱讀，自信。
所以我先覺得留ESF 其實 ...

我明呀。

我利申我就係清楚了解IB PYP/MYP嘅設計所以我唔揀（因為我一早已經計劃咗初中送啲仔女去英國寄宿），所以我嘅係local school讀到中一然後直接去英國。條路都係GCSE／A level。

我嗰啲喺local school一樣好開心，老實講寫作能力比大部份國際學校生更強（唔關學校事，係我哋屋企嘅啟發），但係我就了解每個階段嘅進展。

其實我唔應該喺度多嘴，因為我唔係IS用家。雖然我當年度都係因為了解而唔揀VSA...

sabsab122

beastiebistro 發表於 26-1-6 09:07
如果你要好實在咁掌握你小朋友喺每個階段學咗啲咩，識啲咩，咁個人認為「你」可能唔適合做IB（PYP／MYP）小 ...

我明PYP 係冇測驗考試，小學階段我對小朋友嘅期望就只係喜歡學習，多閱讀，自信。
所以我先覺得留ESF 其實都OK，但同時亦了解緊VSA 會否更加好？


但係正如樓上有家長問，
都讀到MYP 最後一年，但仍然唔知點睇孩子是否跟得上？

所以，我只是在問大家係點樣睇高年級中學生跟唔跟到MYP?