中五收到留班通知，求安慰

Wing_22

  孩子成績唔好，道理都明白，但真正通知留班，還是覺得好多問題需要面對。
來自自身挫敗感，孩子新學年是否可以面對留班人際關係方面可以調整，面對舊同學的心裡落差。本人也擔心一年未能調整好，下一年面臨勸退。
    選科phy、chem都唔好，想drop一科

winnie_kin

其實而家個社會都多左同學留班，所以留班唔再係咩羞恥既事！不過要諗下轉校係咪真係最好？如果小朋友肯努力，留班打好個底再上，話唔定成績仲好過原班同學。加上轉校係咪一定可以選修番想要既科？

joeycj

前兩年，朋友囡囡中四留班都想轉校，但去一個新環境全部要適應仲辛苦。最後原校留班，又可以同以前啲同學仔食飯，又識到新同學，仲讀得好開心，DSE成績都唔錯

crystal622

回覆 chanwendy 的帖子

先同樓主講聲唔好意思，睇到留言，所以想 借個位問問題
請問，學校已經寫咗要小朋友留班，如轉校可以 選擇唔留，揀返升上去的班級？？？
因為小朋友中三，學業成績冇問題的，但因為操行不理想(因為小朋友有ADHD)，所以而家要佢留班

ahnew

識人早幾年同樣升唔到中六要留級中五，小朋友及家長都好唔想，但中五(repeat)開學後一段時間，小朋友覺得同學仔不但冇排擠而且仲好關愛，所以反而讀得開心，加上努力讀書，最後成功入到八大讀護士。

chanwendy

我女有同學升唔到中六, 學校要佢留班, 佢自己唔想, 最後轉交升中六.  而家讀ASSO.  有同學唔肯留中四, 同樣轉校中五.  如果因為咁肯比多啲心機去讀書的話, 轉校洗心革面, 未嘗唔係另一條路, 但大前題係搵到間學校可以讀返一樣的選修科.

mimwing

留班都好過叫你轉校，加油！