請教：一般兩姊妹或兄妹，細的如何擇校

Googlehill

大已入B1C 中學女校(路程少少遠），細還有兩年選校。細囡因為有大的經驗及平時輔導以及提前有課本等。所以，各種學術成績比較有優勢，暫時小學內重點班名次靠前。
想請教，細的繼續準備讀姐姐的女校（比較遠），還是讓佢去更好的其它中學，甚至比較好的附近男女校？
同一間中學優勢：方便管理，即返學，放學等等。甚至學校內兩個可以互相照顧。總之非常省家長時間。
分開學校優勢： 細的有機會去更好學校發展，另外，大的可能因為青春叛逆期，已經不太願意聽話，有時讀書偷懶不主動。不同學校方便隔離壞習慣避免「傳染」.

兩人性格大不同，一靜一動。用他們互相「攻擊評價」：大的係「懶」，「傻蠢」，細的「好動不靜心」，「調皮百厭」，「貪吃」。
求過來人指導，有沒最優solution.

minnieevergreen

Googlehill 發表於 25-5-23 11:04
大已入B1C 中學女校(路程少少遠），細還有兩年選校。細囡因為有大的經驗及平時輔導以及提前有課本等。所以 ...

個人認為你呢個情況下﹐應該分開學校。

第一﹐我覺得中學其實需要你管理既情況已經唔多﹐基本上過完中一﹐佢應該要掌握管理自己﹐父母無咩好管理。所以方便父母呢點﹐唔太重要。
第二﹐對細女黎講﹐女女如果天資較優秀﹐就應該以佢個人需要優先﹐選擇一間佢喜歡又適合佢既學校﹐比佢有最好既發揮。
第三﹐對大女黎講﹐其實有一個叻既妹妹係度﹐未必一定開心。反之﹐不論係父母、師長﹐都會出現將兩人相互比較﹐少不免對大女造成傷害﹐亦都對兩姊妹感情無咩幫助。

adriantai

比較近比較好嘅學校

LeeCC

TAIOU4 發表於 25-5-23 11:42
其實2個同一間中學會有好處但都有壞處
好處:
有舊書用 (有可能是壞處)

叫錯名呢單嘢，我畀老師叫錯7年都算，畢咗業20年，校友會活動，老師都係叫我家姐個名

LeeCC

上到中學，唔會同家姐細妹一起返學放學啦

還有唔好期望係學校互相照應，尤其一個叻，一個普通

Yimon.Y

梗係要盡可能攀登高峰，無謂為家姐讓步

猴子爸

Googlehill 發表於 25-5-23 12:07
本帖最後由 Googlehill 於 25-5-23 12:13 編輯

如果二线小学B1B成绩，入B1C中学，都是般配的，那么当然在同一学校会有好处了，妹妹可以承继所有功课，project同埋试卷。

twobirds

Googlehill 發表於 25-5-23 11:04
大已入B1C 中學女校(路程少少遠），細還有兩年選校。細囡因為有大的經驗及平時輔導以及提前有課本等。所以 ...

個個家庭及孩子都唔同，我諗因應獨立個體的情況去揀適合的學校才是最優solution

UTB

我覺得做父母教育子女可以係一種好高深嘅學問。仔女嘅一些事情，父母不可不知。但有些事情，父母唔知好過知。也有一些事情，父母要詐唔知。大家都曾經係別人的子女，換個位置想想就會明白。

TAIOU4

Googlehill 發表於 25-5-23 12:07
本帖最後由 Googlehill 於 25-5-23 12:13 編輯

B1A同B1C最大分別係
做Project時Free Rider數量多少

B1A正常同學做Project
話做就做
除非你遇著個逢二進一
否則一日半日就搞掂

同學毅力一定比較好
做到兩三點都肯同你做 (可能我好彩)
當然好隊友最好一早Mark好晒啦
始終知人善任都係社交一環

Googlehill

「有人打小報告比父母知」，對佢係缺點，但對我們父母而言好似係優點喔，哈哈，多咗一個情報來源。現在初中好難同仔囡溝通，好似特別叛逆。

UTB

要睇細女點揀。有些兄弟姊妹唔喜歡讀同一間學校，因為佢哋唔想老師將佢哋比較；而且在學校發生任何事，會有人打小報告比父母知。但有另一些會喜歡同兄弟姊妹讀一間學校，認為有多些共同話題，而且弟妹會覺得條路會易行一點。家長亦可慳番一些書簿／校服開支。

Googlehill

猴子爸 發表於 25-5-23 11:59
如果细的有B1A成绩，她愿意听你摆布入B1C中学？ 那么她一定很乖巧。

大的學校B1C-B1B 之間，目前遇到的老師好nice,對大的好關心照顧。所以我比較感恩。小的目前二線小學，水平應該不系B1A，雖然谷兩年可能有機會。因為我對B1A不系那麼執著。細囡其實不明白B1A，B1B的，如果到時佢有自己主意，那我會再考慮聽聽佢意見。

Googlehill

主要同一間學校，除咗舊書，之前大的e class 所有資料好有用，包括點樣英文分班，點樣課外活動，對細的就特別方便，家長付出無需好多，只需重點精力放在大身上。但就係感覺委屈細的少少。

猴子爸

Googlehill 發表於 25-5-23 11:04
大已入B1C 中學女校(路程少少遠），細還有兩年選校。細囡因為有大的經驗及平時輔導以及提前有課本等。所以 ...

如果细的有B1A成绩，她愿意听你摆布入B1C中学？ 那么她一定很乖巧。

TAIOU4

Googlehill 發表於 25-5-23 11:04
大已入B1C 中學女校(路程少少遠），細還有兩年選校。細囡因為有大的經驗及平時輔導以及提前有課本等。所以 ...

其實2個同一間中學會有好處但都有壞處
好處:
有舊書用 (有可能是壞處)
知乜老師好 (其實都係撞彩)
知考試模式 (其實同程度學校分別不大)
有照應

壞處:
老師叫錯名
老師記仇 / 標簽化另一個
冇私隱
有比較有傷害

不同學校的好壞有可以打好長
你應該可以諗到