1231更新-升中面試題目分享(中基.GH.SMC.UCCKE.SSC.NPL.MSS.SPSS)

minnieevergreen

2024/12/31 更新 : UCCKE + NPL
在#19
https://www.edu-kingdom.com/forum.php?mod=redirect&goto=findpost&ptid=3883522&pid=49370733&fromuid=3455827



____________________________________________________________________________________


去年係呢度拎到唔少資訊﹐令到女女面試時多左好多準備。
分享返去年面試情況﹐比大家多一份準備。以下內容係女女自己人手記錄底﹐內容未必完全齊哂~
講返少少資訊﹐女女去年是較弱小學既B1A 尾學生。

中華基金中學 :
1st in
分三部份 : Part 1 係禮堂用p pad 先寫得中文試題係草稿上。
part 2 是中文小組討論 ﹐加單獨語文知識考核﹐例如重組句子、成語、閱讀理解 ;
part 3 係英文小組討論﹐我女女果組係每人有一幅圖畫﹐要用英文係1分鐘內報告。當所有同學報告完畢﹐要講返圖畫應有的次序﹐跟著解釋原因 。老師跟著又會單獨問返關於圖畫既問題﹐例如 : 你想帶邊種物品入故事入面?點解

2nd in
單獨面見資深老師/主任/副校/校長﹐內容有中有英
中文主要傾計﹐圍繞你個人生活﹐問左女女點解揀呢間學校、有咩特色吸引佢﹐交通上面點安排(因為我地住得遠掛)、仲有冇揀其他直資學校.....
英文部份﹐一篇英文文章朗讀﹐閱讀理解(口頸)﹐再用英文對答﹐
我女女係問關於荒島求生既
全個面試大約20分鐘

結果 : offered

德望中學 :
1st in :
part 1 : 普通話 ﹐1. 個人短講(1分鐘左右) ﹐題目例如是你最鍾意既運動 ; 2. 小組討論﹐約8分鐘﹐
題目例如是 你認為要培養學生的運動習慣﹐應該請著名運動員任教、還是增加體育課時間?


part 2 : 英文
1. 朗讀文章(1分鐘內完成)
2. 單人問答 ( 1組人﹐但每人問題不同)
e.g KFC OR 麥當勞較為健康?點解?
     你認為你學校有咩特別之處?
           
另外仲有數學題目﹐女女平日數學係好﹐但係都話dd吃力﹐主要係佢學校好多野未教到﹐有d野係小6下學期)

結果 : 1st in止步

pekklecc

勁

Frybreadlf

回覆 minnieevergreen 的帖子

女女準備今年面試SMC，可否分享面試的題目？

媽媽不動產

SPRING_BB 發表於 25-1-1 12:43
可唔可以share MSS interview .Thank you so much!

自行面試，家長同小朋友一齊入去課室，兩位老師全程同小朋友英文對答，有自我介紹、讀一小段英文、情境題，再就住portfolio小朋友交嘅寫作作品，深入少少傾談，最後先用廣東話問家長點解揀呢間學校，對學校有咩識。大約15分鐘，全程老師非常友善。
老師對小朋友嘅作品幾感興趣，呢part對答時間最長，建議你小朋友可以諗吓同portfolio相關嘅經驗作分享。

minnieevergreen

SPRING_BB 發表於 25-1-20 19:28
想想請教一下中基係咪見校長副校長先大機會有offer?

唔肯定﹐但應該唔關事。
小朋友話果日本來係佢入校長房﹐但後黎因為佢唔知跌左野定甩鞋帶﹐墮後左入左副校房。

SPRING_BB

minnieevergreen 發表於 24-12-27 15:06
2024/12/31 更新 : UCCKE + NPL
在#19
https://www.edu-kingdom.com/forum.php?mod=redirect&goto=findpost ...

想想請教一下中基係咪見校長副校長先大機會有offer?

szefly

回覆 SPRING_BB 的帖子

MSS面試係單獨面試，家長可以同小朋友一齊入去，可以父母一齊，會有兩個老師面見，上年校長都有旁聽，兩個老師問問題，校長坐埋一邊聽，完全冇出聲。面試老師輪流問，一個問英文，一個問中文，一開始係讀一篇英文，一篇中文，讀完會問下文章内容，之後就係老師用英文同中文問下小朋友學習情況，校外活動情況，冇問學術嘢，冇問時事題，之後同家長講下小朋友的學習情況，學校教學理念咁，完全係閒話家常，就咁完咗，全個面試大約十五分鐘
以上係我的情況，我聽有D小朋友英文好的，係差唔多全英面試，同埋俾個tips，老師係真係會睇咗你俾的個人資料問問題

minnieevergreen

hermanhui 發表於 25-1-2 08:07
其實問來問去，都係嗰啲問題。我相信面對一個面試，好難一時三刻可以訓練到啲乜嘢出嚟，加上校方有經驗嘅老 ...

咁講啦﹐訓練既前題係小朋友本身都有一定既水平﹐先可以吸收一堆既英文資訊。
的確﹐一部份既學校問黎問去都係大路問題﹐
但有準備同冇準備﹐其實已經可以爭好遠。
第一﹐除非小朋友係本身叻到英文係母語咁款﹐否則你都需要時間去組織、諗下用詞﹐
事先有一d準備係自己心中﹐小朋友信心會大d﹐表達都會順利一d
第二﹐可以幫助小朋友避雷。有時有d問題小朋友未必識得包裝得好好﹐例如你用幾多時間上網?
點樣講得自然唔假﹐其實都有得準備 ;
第三﹐去面試既﹐10個入面有7個有準備﹐有2個係天才﹐剩返你1個﹐又唔係天才﹐又唔準備。咁我問你﹐你係老師﹐你會點揀??欣賞你既唔準備?

再講多次﹐機會係留俾有準備既人。
我唔認同背誦式練習﹐因為的確老師見過好多人﹐邊個係死背係會睇得出﹐
但面試前同小朋友思考下有咩可能既題目、傾下會點答、練習一下對答、禮儀﹐
再係每間面試時﹐及早了解下學校既題目﹐比小朋友有個心理準備﹐係百利而無一害。

阿女見小學果陣﹐我地都聽人講﹐自然就得﹐
結果咪gg

minnieevergreen

SPRING_BB 發表於 25-1-1 12:43
可唔可以share MSS interview .Thank you so much!

MSS 我地係叩門入既。
阿女本來自一SPSS入左﹐係無壓力下去叩MSS 。

早上去到﹐有份全英文既表格比家長填﹐
都係個人資料﹐同埋點解揀MSS等等 (都係英文) ﹐
跟著連埋 portfolio 交比校務處。
校務處既職員/老師即場Screen 哂小朋友既成績、資料﹐
即場叫我地唔好走﹐坐係佢面前等。

等左10分鐘左右就即時interview﹐家長+小朋友見副校長
全英文問小朋友﹐自我簡介開場﹐
點解放棄SPSS揀MSS、
問小朋友係咪好鍾意Happy Valley ﹐定係好鍾意跑馬﹐點解兩間都跨區跑馬地﹐
又有問下小朋友平日咁多興趣、點樣平衡時間﹐
最後都有問下點樣提升英文水平等等。
家長就問返點解揀MSS﹐我都係答返小朋友自主等等﹐
有即場比comment小朋友﹐亦都好直接同小朋友講好鍾意佢﹐不過仲見緊其他人﹐唔知揀唔揀到佢﹐教左佢點樣再提升英文水平等等。
跟著註冊第一日既中午已經收到電話﹐叫第2日去註冊。

mimi1102

minnieevergreen 發表於 24-12-31 12:52
咁我諗學校點樣去搵一個合適既人都有唔同既考量﹐唔會單純搵[醒目]。

機會會留比有準備既人﹐願意努力其 ...

好同意機會係留比有準備的人, 就算遲啲揾大學, 揾工, 有準備一定會做得比較好, 而且亦無悔, 唔洗衰左先講早知咩咩咩....
最後取唔取錄, 就要看緣份, 最緊要, 咁樣先叫做"盡左力"

雖然你的資料, 我已經唔需要用了, 但仍多謝你的分享, 可以幫到往後的人, 亦係依個網站最初想做的目的.

hermanhui

其實問來問去，都係嗰啲問題。我相信面對一個面試，好難一時三刻可以訓練到啲乜嘢出嚟，加上校方有經驗嘅老師一試就知道小朋友嘅底蘊，自然就是美。

SPRING_BB

minnieevergreen 發表於 24-12-29 13:29
最後入左MSS

可唔可以share MSS interview .Thank you so much!

minnieevergreen

保良局顏寶鈴書院 (NPL)
由於NPL出名係排RO為主﹐interview只佔唔記得10%定20%(好少)﹐所以其實唔需要有咩準備。
step 1 : 填FORM (用英文﹐所以要make sure你既小朋友識得分咩係last name ,first name 呢d﹐基本資料全部英文填 )
step 2 : 小組討論 ﹐1個中文1個英文﹐都係好簡單淺白題目。
結果 : 自行前已有Offer

匯基(東九龍) UCCKE
都係排RO較重要既學校﹐個人認為面試只係踢走唔適合既學生﹐或者發掘特別標青既學生﹐其他平穩發揮影響不太大。再講多次﹐只係我個人認為。
PART 1 : 英文單獨面試
1.        Self-introduction
2.        日常問題
E.G~就著你既自我介紹問野﹐例如你話你鍾意數學﹐佢會問你點解、你有冇咩心得 ; 除非你真係好鍾意睇書+英文流利﹐否則唔好講自己鍾意睇書﹐佢有機會叫你介紹下自己呢排睇緊既書﹐小朋友口啞啞就GG)
~有問下小朋友坐咩車黎﹐食左飯未﹐食D乜咁
PART 2: 中文小組討論
       關於近期新聞~ 有3分鐘時間準備﹐5個人10分鐘討論。

minnieevergreen

adriantai 發表於 24-12-31 09:45
個個有曬準備, 所以根本搵唔到真正醒目嘅人

咁我諗學校點樣去搵一個合適既人都有唔同既考量﹐唔會單純搵[醒目]。

機會會留比有準備既人﹐願意努力其實都係一個優點。就算人人有題目﹐都要家長願意幫忙﹐小朋友又願意學習先得。

而且好多時過來人能夠提供既﹐都只係一個面試模式同大約估計內容﹐
學校要分小朋友高下都唔係難事。
例如SSC既面試﹐年年考既英文閱讀理解都唔同﹐其實係果度已經分到高下啦~

minnieevergreen

fion_fan119 發表於 24-12-30 21:55
想查詢MCS 、  SPSS 同埋聖家,唔該哂

無考MCS同聖家﹐答你唔到

SPSS 自行要帶小六資料表正本﹐傳聞無係會影響OFFER。
我係無既﹐帶左copy去﹐直接講左比直資收左﹐呢度有offer先去拎返。

SPSS都係較簡單地中文小組討論、英文小組討論﹐都係簡單題目﹐
阿女已經唔記得係講彩紅邨重建既定係生育率咁上下﹐唔算特別深。
結果﹐傳聞係假既﹐佢係正選OFFER

adriantai

個個有曬準備, 所以根本搵唔到真正醒目嘅人

fion_fan119

想查詢MCS 、  SPSS 同埋聖家,唔該哂

minnieevergreen

halvard 發表於 24-12-30 14:38
想請問點解會揀MSS而放棄SSC?

因為窮......講笑


當初我地係SPSS VS SSC 既﹐
女女訓唔著思考左一晚﹐掙扎左好耐
最終揀左SPSS。

最大考慮因素係佢較鍾情女校﹐又未係好想住宿。
當然﹐經濟都係其一考慮﹐既然心目SSC唔係佢既最愛﹐留d錢比佢補習、交流團好過。

如果你比我自己讀﹐我係揀SSC

halvard

想請問點解會揀MSS而放棄SSC?

aquada13

你女女好叻(emoji)(emoji)多謝分享