分享火炭樂基PN interview

_alittlice

第一次出po，利申只係我哋家庭今日的經驗，唔代表學校真係唔好。

仔22個月大，email 寫今朝11點 interview，亦有寫叫我哋預計整個面試流程約為1小時。

我地10:50到達，有廿幾個家庭同一時間interview，咁我地報到咗就喺一個大廳度，有個老師播歌跳舞跳咗十幾分鐘，跟住就全部人一齊入一個大課室。

入咗大課室之後，老師比印仔同個袋仔小朋友玩吸印仔，老師就開始嗌名，每次嗌7至8個家庭去另一個班房interview。我地等咗30分鐘，老師嗌咗3次，第四次至到我地。

入到去另一個細課室，有8個老師interview，但我地都未有得in，因為上一轉嗌名果啲仲未in完，老師就比啲圖書小朋友叫佢睇。然後8個家庭一齊喺個細班房度interview同喺茶樓無分別。

去到呢度小朋友已經無晒耐性，坐唔低，要奶嘴。終於有老師見我地，坐低，老師見小朋友食住奶嘴，即刻話咁樣會聽唔到佢講咩。我地搞咗兩分鐘至揾到野同佢換奶嘴，老師全程坐喺度望住。都唔緊要既，明白老師考核緊佢。跟住老師問小朋友叫咩名，小朋友答咗佢，但真係太嘈，老師聽唔到，我老公就同老師講佢答咗呀，叫xx，老師繼續話聽唔到，但亦都無坐前啲嘗試去聽佢，然後再問佢叫咩名。我老公再話佢答咗，老師先無再問。

之後老師問小朋友既野都同其他學校差不多，疊積木，砌動物手抓板 (兩塊)，兩個杯揾鴨，問公仔睇野用咩叫佢指 (眼睛)，拎蘋果香蕉叫佢揀一樣餵公仔食，揀左就問呢樣係咩，仲有入錢箱。

問問題全程老師in得都好匆忙，無乜比時間小朋友，亦等都唔等，兩秒見佢唔答就下一個item (小朋友正想郁)好似流程趕收工咁，亦都只係問咗父母一條問題 (邊個係主要照顧者)，我老公答咗媽媽，老師就無follow up問問題 (可能對係媽媽照顧好有信心?)

最後亦都無比機會大人問返老師問題，可惜我老公準備咗但無機會問。

總括來講，比起其他學校，呢間幼稚園我地覺得interview行政管理麻麻地 (就算係大b都唔會可以等待50分鐘至interview 10分鐘吧)，老師無乜耐性 (愛心唔知)。初初報依間學校係睇forum見comment唔錯，亦係區內其中一間有歷史既學校，諗住有保證。不過今日interview完真係有啲失望，老師如果唔滿意小朋友既表現可以唔比offer，但咁無耐性都係第一次見 (自問之前都in咗4間學校有卷幼有私幼)。可能學術OK，升小有保證，但如果放小朋友喺呢度上堂，我地會擔心小朋友返學唔開心，咁學術更叻都補唔返。

最後都係果句，呢個只係我哋今日嘅體驗，唔代表學校真係唔好。

_alittlice

xxxxkiko 發表於 24-11-21 23:51
本帖最後由 xxxxkiko 於 24-11-21 23:52 編輯

最尾有冇offer呢？

有，pm offer

xxxxkiko

_alittlice 發表於 24-11-9 21:26
第一次出po，利申只係我哋家庭今日的經驗，唔代表學校真係唔好。

仔22個月大，email 寫今朝11點 interview ...

最尾有冇offer呢？

heroicbb

回覆 _alittlice 的帖子

非常有同感，我地都係當日同你講的流程一樣，小朋友去到睇書已經睇咗同一本好耐，原本開開心心玩之後已經完全失去耐性，老師對於小朋友既唔回應顯得不耐煩，有少許黑面。雖然前面表演/做手工感覺學校唔錯，但面試老師當下反應實在令人感覺唔好 :(

babykimmykimmy

supervi

其實學校in 小朋友之餘, 家長亦同時in緊學校, 學校俾唔到好印象家長, 都要改進一下, 始終口啤都好緊要

_alittlice

其實就算冇 offer都唔緊要，我只係覺得學校嘅行政做得麻麻地。明白老師要一日見咁多小朋友都好趕，我都有聽到好多媽媽話小朋友讀得好開心老師好關愛。但道聽途說點都不及自己親自感受，可惜我地的感受就一般般。

Anyways，都係一個經驗，亦讓我地同學校都互相認識了解，睇吓適唔適合。

happymeme

但幾年前，呢間爭崩頭。今時唔同住日了。

yyf009

大女當年in朝早9點, 未訓醒咁去in 完全無反應
最後直接俾左個K1 offer你, 如果take左offer就可以排N班waiting list

happymeme

放心啦，出世率不足嘅情況下一定收，一定等倒call waiting! 呢個學費，好多會去名幼！

yyf009

我個仔17個月大, 同你同一日interview, 大致同你一樣流程, 好在佢只有小扭沒有大扭
IN我地位老師還可以
1) 老師叫佢指自己張相出黎, 佢唔理老師
2) 老師叫佢俾積木爸媽, 佢無問題
3) 老師叫佢疊積木, 佢疊唔到(平時再細既佢都疊到)
4) 拎蘋果香蕉出黎問佢邊隻係香蕉邊隻係蘋果佢唔識(工人姐姐同佢講英文, 中文佢緊係唔識啦)
5) 入銀仔落錢箱, 佢研究左一陣就入到