人生得意須盡歡? - 升中派位 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 升中派位 › 人生得意須盡歡?

發新帖

查看: 19008\|回覆: 49	go 人生得意須盡歡? [複製鏈接]

Rank: 5 Rank: 5


	4356

1^#

發表於 24-5-3 12:27 |只看該作者 |正序瀏覽 |打印

又要沉澱一下先。中一自行分配結果公佈左咁耐，大家開心完未?一分耕耘，未必一定有滿意的派彩。勝不嬌，敗不餒。 NG 左 take 2黎過，腐朽化神奇。4月份仲有咁多名校對決，有D頁數屢創新高，但係睇完晒又唔知有幾多伏。倚天 vs 屠龍，武當 vs 少林，峨眉 vs 華山...., 邊個勁D?根本無乜意思，既然覺得自己子女係張無忌/周芷若，入到心儀學校後能否連年問鼎級前再入三大? 六年後就會知。中學生涯如何?您的日後友情歲月/人生道路也必如何。
如果唔用 google search, 仲記得下一句，證明您無枉過中學生涯 law。睇番咁多學校的校訓，有D艱深到頂點。勤有功，簡潔易明，抵佢連年第一。

Rank: 5 Rank: 5


	2814

50^#

發表於 24-5-22 16:47 |只看該作者

kiwi2007 發表於 24-5-20 21:18
道歉啟事
「幸運是我」這首歌是TVB 1983年電視劇「鬼咁夠運」插曲，原唱者是葉德嫺。事隔多年，黎瑞恩曾多 ...

我都係講下笑，可能我表達得唔太好，實在不好意思，請見諒。

Rank: 5 Rank: 5


	4356

49^#

發表於 24-5-20 21:18 |只看該作者

本帖最後由 kiwi2007 於 24-5-20 21:19 編輯

UTB 發表於 24-5-19 14:52
其實DSE經常被批評「重文輕理」。四個主修科中，三個係文科；數學考到2級就可以入大學，中英文要3級。如果 ...

道歉啟事
「幸運是我」這首歌是TVB 1983年電視劇「鬼咁夠運」插曲，原唱者是葉德嫺。事隔多年，黎瑞恩曾多次在其個人演唱會及公開演唱出時翻唱這首名曲，令人聽出耳油，更令小弟留下了這個深刻印象，皆因我心中蘊藏愛意千百丈，怎許相依戀....。言歸正傳，本人謹此致歉並罰自己抄寫全首歌詞一次，懇請大家細心咀嚼。

幸運是我
作詞：鄭國江
作曲：顧嘉煇

深信幸運是在我手裡　今天我能高飛
只想你也替我開心　感覺樣樣都得意
* 一樣是舊日的我　今天笑意甜絲絲
聲音裡也帶一點光彩　感覺是特別的美
曾嘗遍失意時　卻找到快樂匙
那裡會知　就是自己　原來是個幸運兒
誰人亦有得意時　這一刻最特殊
滿有信心　默默地說　幸運是個小諷刺
雖說幸運是個諷刺　它使我能高飛
它可帶予我一絲驚喜　可以實現我心志
夢變真夢變真　求可以 *
Repeat *

Rank: 9 Rank: 9 Rank: 9


	21118

48^#

發表於 24-5-20 02:54 |只看該作者

語文基本上用泥溝通, 文學才用來欣賞(可作為selective), 返而學第三什致第四語文更实際.

math! 學乜calculus, 乜algerba, 乜都好, 其实都係培養學生思考邏輯能力, 就算文科也需要的.

記得有對有趣对聯, 正正返影邏輯(math)的重要性.

一群精雁天邊過半隻燒鵝地上行

一對半
天對地

Rank: 5 Rank: 5


	2814

47^#

發表於 24-5-19 20:55 |只看該作者

本帖最後由 UTB 於 24-5-19 21:19 編輯

10090 發表於 24-5-19 15:58
數學必修部份，其實可以減少內容，但要3級先可以讀大學
因為文科唔需要學咁多數學，但2級真係要求太低，我 ...

有人也認為中文科對理科／工科／醫科沒有幫助。但我認為學習中文的目的在於應付日常生活的需要。只不過現時中學的中文課程過分聚焦文言文，欠缺實用性，有改革的需要。
我認為香港的中文課程，最基本的要求係要讓學生能夠書寫到流暢得體的書信公文，以達到中文作為日常溝通的工具。有時收到某些機構的來函，文句有語病，用詞不恰當；雖然溝通到，但看後總覺得很不是味兒。

Rank: 5 Rank: 5


	2814

46^#

發表於 24-5-19 20:25 |只看該作者

eit2003 發表於 24-5-19 19:24
只要政府肯將大學入學門檻調番低至中文 2級 (232A 或 222A) 就可以。唔使搞一大輪彈性收生。中文2其實都唔 ...

呢樣要追溯番舊制考試。DSE 第2級的程度大約與舊制CE E級相同。DSE 第3級大約等同舊制AL E級／AS D至E級。由於在舊制高考，中英文要合格才符合入大學的要求，新制亦沿用這個要求。但數學在舊制高考並不是必修，所以維持2級便可以入大學。

Rank: 6 Rank: 6


	6231

45^#

發表於 24-5-19 19:24 |只看該作者

UTB 發表於 24-5-18 16:18
以前中學會考中文科純粹考核學生的語文運用的能力，以及對指定課文的理解。但係去到DSE中文，我覺得有少許 ...

只要政府肯將大學入學門檻調番低至中文 2級 (232A 或 222A) 就可以。唔使搞一大輪彈性收生。中文2其實都唔係好差，可能只係冇考試運。

Rank: 5 Rank: 5


	3616

44^#

發表於 24-5-19 15:58 |只看該作者

UTB 發表於 24-5-19 14:52
其實DSE經常被批評「重文輕理」。四個主修科中，三個係文科；數學考到2級就可以入大學，中英文要3級。如果 ...

數學必修部份，其實可以減少內容，但要3級先可以讀大學
因為文科唔需要學咁多數學，但2級真係要求太低，我認為作為一個大學生，基礎能力一定有返咁上下

Rank: 5 Rank: 5


	2814

43^#

發表於 24-5-19 14:52 |只看該作者

kiwi2007 發表於 24-5-19 06:55
~考評局真係功不可抹，可以令到有母語優勢的考生都要嘗試死亡之吻的中文卷
~中五會考/中七高考年代真係最幸 ...

其實DSE經常被批評「重文輕理」。四個主修科中，三個係文科；數學考到2級就可以入大學，中英文要3級。如果數學要考到第3級先可以入大學，到時數學科也會變成死亡之卷。

我覺得DSE有唔小要改革的地方。首先高階數學要獨立成科，高階數學對科研是很重要的。中文科最好回歸以語文運用能力為考核重點。大學入學方面，如果學生在三個或以上的選修科目取得優異成績，中英文其中一科2級也可以符合申請學士學位課程的要求。

我認同你話中五會考/中七高考係幸運的年代；但我有一樣嘢就唔認同：「幸運是我」係葉德嫻唱的，不是黎瑞恩。

Rank: 5 Rank: 5


	4356

42^#

發表於 24-5-19 06:55 |只看該作者

UTB 發表於 24-5-18 16:18
以前中學會考中文科純粹考核學生的語文運用的能力，以及對指定課文的理解。但係去到DSE中文，我覺得有少許 ...

~考評局真係功不可抹，可以令到有母語優勢的考生都要嘗試死亡之吻的中文卷
~中五會考/中七高考年代真係最幸運的年代，好多人(尤其是理科生) PHY/CHEM/PURE MATHS/APPLIED MATHS 摘A但 USE OF ENGLISH 僅僅攞E都順利入到 HKU，時也命也
~去到今時今日，明明自行收生階段已獲派彩的考生可以提早收工，點知父母又再助攻，選擇困難症地/心有不甘地/好高鶩遠地迫使用家繼續挑戰各色其色的官/津/直/國際校，皆因沒有最好，只有更好? 最後，唯有點播黎瑞恩嘅幸運是我，深信幸運是在我手裡....夢變真，夢變真，求可以!

Rank: 5 Rank: 5


	2814

41^#

發表於 24-5-18 16:18 |只看該作者

本帖最後由 UTB 於 24-5-18 16:28 編輯

kiwi2007 發表於 24-5-12 07:46
提起男校，自從 DSE 有死亡之卷「中文科」出現後，令到一些傳統名男校嘅業績突然大倒退，三大入學率下滑。 ...

以前中學會考中文科純粹考核學生的語文運用的能力，以及對指定課文的理解。但係去到DSE中文，我覺得有少許牽涉到高階思維，同樣係閱讀理解，DSE的問題也問得比較深層次和抽象，加上文言文有一定難度，即使中文基礎較佳的學生也要在哲理思維，文化素養方面下點苦功才能應付到。但過去香港社會比較重英輕中，學生中文根基普遍變得薄弱，所以一遇到變革了的中文課程便適應不了。

另外，大學入學資格對中文科的要求亦提高了，以前八十年代會考中文E級便可以入港大，預科中文不是必修，唔少理科生都當中文係「閒科」。即使九十年代中化科係預科必修，合格的門檻亦很低，差不多九成學生都考到E級。不過去到DSE，要到第3級（相等於舊制C／D級）先符合申請大學，達標率只有五成幾，中文科便形成「死亡之卷」之說。歸根究底，學生要考好中文，不外乎要多閱讀，多思考，多運用，絕不能當中文係「閒科」看待。

Rank: 5 Rank: 5


	4356

40^#

發表於 24-5-18 07:13 |只看該作者

(原曲: 倚天屠龍記)
林護繞心中有幾多重
荃官又卻是誰所種
保羅好多間男拔有恨華仁同重
忘情棄愛世上有真BAND 1 傻人只許讓喇沙纏心中
難忘協恩深女拔偏有恨瑪利諾難共
皇仁萬里廣闊英華百般洶湧
要聖提亦難港同可不可聖瑪利填胸
迷迷惘惘升中有幾千重愁愁怨怨待那日才可終
直資官津國際校心中迷夢
男校女校男女校心中迷夢

Rank: 4


	924

39^#

發表於 24-5-16 08:23 |只看該作者

mimwing 發表於 24-5-16 07:47
請問面試班有推介嗎？

香港仔天后古廟旁英文補習社、暑假可找找面試班上上、阿仔果間小學、有找校外機構、來教面試班。
面試最好找多些陌生人來練習。

Rank: 5 Rank: 5


	1620

38^#

發表於 24-5-16 07:47 |只看該作者

verykin 發表於 24-5-3 15:20
我就未開心完
好多時都是運氣, 塞翁失馬, 天時地利人和.
可能係細b,,五年級突然開竅, 由考22, 進到 ...

請問面試班有推介嗎？

Rank: 5 Rank: 5


	1620

37^#

發表於 24-5-12 20:53 |只看該作者

PTL_L 發表於 24-5-3 17:25
喂，江湖中人，你唔好氹我好喎

呢類case 好多的，通常平時打機好叻英文溝通流利

Rank: 5 Rank: 5


	4356

36^#

發表於 24-5-12 07:46 |只看該作者

JojoDad 發表於 24-5-10 16:30
呢類感情以男校brotherhood居多，其中夾雜社會上男性交際應酬，而大多女士婚後倾向家庭為主，与中学校友联 ...

提起男校，自從 DSE 有死亡之卷「中文科」出現後，令到一些傳統名男校嘅業績突然大倒退，三大入學率下滑。其實中文科是母語教學，理應比英文科較易合格，但是由於考生的中文根基大不如前，加上又要應付文言文的範圍，所以攪到中文科一鑊粥。想當年我地HKCEE會考年代，升上中一後，每星期要做中文讀書報告，所以被迫睇左好多中文好書，因此對李白、杜甫、蘇軾、魯迅、胡適、老舍、巴金、朱自清、郭沬若、徐志摩、錢鐘書、徐志摩...等肯定有基本認識，加上再拜讀因電視撈飯而拼命追看金鏞的經典武俠小說「飛雪連天射白鹿，笑書神俠倚碧鴛」，因此當年我地尼班理科生在中五會考中文卷多數也能合格過關，再升預科。上左中六，因為已經唔駛再考中文卷，真係時也命也!

Rank: 5 Rank: 5


	4356

35^#

發表於 24-5-10 21:13 |只看該作者

happybbpig 發表於 24-5-9 11:45
好勵志啊, 其實真係要睇佢幾時開竅, 想得通, 亞媽同佢講要讀書講幾多都沒用 ...

以上故事，純屬真實個案，如有雷同，實屬緣分&機會。正如張無忌的傳奇一生，如果:
~沒有殷素素的臨終教誨?
~沒有芷若的年少餵飯之恩?
~沒有蛛兒的一咬定情?
~沒有自學而成的九陽神功&乾坤大挪移?
~沒有趙明的横刀奪愛?
~沒有常遇春狠推趙明落山?
能否造就他無敵、絢爛但最終卻無奈的一生?

Rank: 4


	924

34^#

發表於 24-5-10 17:18 |只看該作者

要中學讀得開心致得、歸屬性強、若再加上名校自豪感、名牌效應...

Rank: 5 Rank: 5


	4569

33^#

發表於 24-5-10 16:30 |只看該作者

verykin 發表於 24-5-4 15:39
今年聖類斯中一簡介會後、走時、校門口有幾個、畢業多年老鬼、集體照相、問我係唔係聖類斯畢業?、我(老豆) ...

呢類感情以男校brotherhood居多，其中夾雜社會上男性交際應酬，而大多女士婚後倾向家庭為主，与中学校友联系不及男性普遍。

Rank: 6 Rank: 6


	5271

32^#

發表於 24-5-9 11:45 |只看該作者

kiwi2007 發表於 24-5-3 17:24
勝不驕，敗不餒。升上中學後，等於執過位起過風，重新洗牌後再打多六圈，6年後等食餬入三大。尤其是男仔， ...

好勵志啊, 其實真係要睇佢幾時開竅, 想得通, 亞媽同佢講要讀書講幾多都沒用

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2025 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢