小學英文功課搞唔掂

Slyk

個仔小一 但英文完全跟唔上
放學去功課輔導班 功課係做得啱晒
但考試啲嘢好多都唔識 上次大考仲唔合格


我而家放工返嚟仲要晚晚陪佢讀書
啲功課未做晒 我陪都要逐題陪佢慢慢做
成日都係咁 真係好攰～


諗緊定係放棄功課輔導班 就咁搵個私補就算 但長遠落去都好貴下


好灰... 有冇家長都係咁？求建議！

Kellyhappy

RainyRice 發表於 24-4-27 00:05
請問中文科有沒有類似的問功課app程式？謝謝。

我見GoAsk暫時cover小學英文科, 至於其他Apps有冇cover中文, 我就唔清楚啦, 因為我小朋友主要係英文唔掂

RainyRice

Kellyhappy 發表於 24-4-27 00:03
叫GoAsk  $98一個月任問, 算平啦, 出面補習一堂都差唔多$200。起碼至少都教到佢啲英文功課, 唔識自己會去聽 ...

請問中文科有沒有類似的問功課app程式？謝謝。

Kellyhappy

Slyk 發表於 24-4-26 18:37
想問下你呢個App係咩？好似幾有用喎，平唔平？

叫GoAsk  $98一個月任問, 算平啦, 出面補習一堂都差唔多$200。起碼至少都教到佢啲英文功課, 唔識自己會去聽，同埋都幫到埋佢考試呀

hugub

Slyk 發表於 24-4-26 18:42
好勁！你個女係咪每星期都補習？不過如果搵到個好嘅老師都值嘅

每星期上2堂私補英文,中文1堂,數就去數研

Slyk

hugub 發表於 24-4-26 16:41
我女小一英文得3x分,私補追下追下呈分都有8x-90分,雖然真係洗左唔小錢私補,但band 1A直資英中佢d英文都跟到 ...

好勁！你個女係咪每星期都補習？不過如果搵到個好嘅老師都值嘅

Slyk

Kellyhappy 發表於 24-4-26 16:07
有類似經歷, 幼稚園太Happy~ 曾去過功課班, 老師真係就咁講答案! 考慮過私補 但咁細個就開始, 到補到中學都 ...

想問下你呢個App係咩？好似幾有用喎，平唔平？

Slyk

回覆 hugub 的帖子

係呀 幼稚園係happy school 諗住愉快學習 但疫情基本上都係zoom 所以都好大影響

sighh 原來咁多功課班都係咁...

hugub

我女小一英文得3x分,私補追下追下呈分都有8x-90分,雖然真係洗左唔小錢私補,但band 1A直資英中佢d英文都跟到, 今時今日入到大學英文都真係主要教學語言, 總之一係自教一係私補,英文冇得懶hea

hugub

英文其實好多時我地自己都未能完全理解用法,我女學校小學部用緊一本叫 new round up既補充,每個topic 有詳細解釋用法,自教一流

其實小學英文底子打得好,升到中學真係唔洗怕,DSE亦都自然應付到,怕補左習返唔到轉頭,不如怕升中英文拖後腳

Kellyhappy

有類似經歷, 幼稚園太Happy~ 曾去過功課班, 老師真係就咁講答案! 考慮過私補 但咁細個就開始, 到補到中學都幾重皮。所以初小都盡量自己教, 但唔知係我表達得唔好 定佢無心記, 轉下頭又唔記得, 搞到我有時都幾勞氣...

但最近試緊用一個App 直接有老師逐條功課題目教佢, so far 用咗幾個星期覺得唔錯, 好方便 唔使等, 重要解釋得好清楚 同講到啲答題技巧. 有時聽唔明, 可以重複聽, 起碼唔使我解釋咁多次, 我自己有時都陪佢聽下 學下點教都好

加油！依家努力d追 呈分試嘅時候就冇咁大壓力㗎啦

hugub

所以我女終於明白點解小二數學老師日日寫手冊：貴子弟未能背熟乘數表及貴子弟未能背熟不規則動詞表

hugub

我女而家教緊1個小二及1個小四私補,發現英文唔背動詞表根本係唔會讀得上,數學唔背乘數表又係好kick

Go went gone
Sit sat sat

TAIOU4

幼稚園太愉快如果小學可以繼續咁愉快就好了
小學太愉快如果中學可以繼續咁愉快就好了
.......
最後始終都要面對
其實小一開始執英文仲未遲
底子唔好
最好由頭學過拼音
再多聽多講
睇多D 英文劇 / Youtube / Netflix
好快就追到

睇書要家長陪睇
似乎唔多可行
況且冇睇英文書
考試都冇乜溫書做習作
但英文年年級頭的都大有人在
所以不用太執著

RainyRice

legolas625 發表於 24-4-26 01:00
功課班係最低層次的補習，搵私補，自己迫下個仔睇英文書。

多讀故事書，無論中文或英文科，都非常重要。一開始未培養出興趣要和小朋友一起讀，而且要讀出聲。但不要逼他讀太多，可能一人一頁或半頁。趁小一仍然可以被家長擺佈，一定要培養到閱讀的興趣。在閱讀中可以知道和習慣語文文法運用。

簡單啲來講

hugub 發表於 24-4-26 09:41
好可能又係幼稚園happy school, 如果學術性幼稚園小一係絕對可以食老本既,我仔幼稚園讀SC,小一我試過考試時 ...

英文語法搭配等好多用法，如果唔係英文幼稚園畢業，又冇外補。happy school來嘅，係好難理解。硬生生話俾佢知哪種情況哪種搭配，對初小生真系要求高，母語都一知半解，何況英文。無非就是操題，講解，再操再講，直到操對唔會錯，明白規則。

簡單啲來講

RainyRice 發表於 24-4-26 12:08
都贊成，如果檢查的時候見到小朋友有些概念不明白，一定要跟進自己再教。但有時教完了都把錯處留給老師:jo ...

完美主義呢個，可以只檢查做完，唔洗執錯啦，佢哋容唔得錯，一定會記埋心底，更落力。

RainyRice

簡單啲來講 發表於 24-4-26 11:57
本帖最後由 簡單啲來講 於 24-4-26 11:58 編輯

我以前都系咁樣認為，只檢查做完。但呢種真系因人而異。 ...

都贊成，如果檢查的時候見到小朋友有些概念不明白，一定要跟進自己再教。但有時教完了都把錯處留給老師，方便測驗溫習。(我兩個小朋友，一個好懶明知錯咗都可以照交，老師派先再改；另一個完美主義，如果知道有錯，一定要改到靚靚才交）如果只是錯一題兩題不小心或其他原因我都不會改。
教功課一定不可以給小朋友正確答案，只可以提供指引。如果功課班教得唔好，可能真的對測驗考試有反效果

簡單啲來講

RainyRice 發表於 24-4-26 10:31
冇上過功課班，不知怎運作，是不是會確保小朋友功課沒有做錯。我記得最初有朋友說一定會幫小朋友改啱晒啲 ...

我以前都系咁樣認為，只檢查做完。但呢種真系因人而異。有點小朋友理解能力強並且快手咁樣做法會係幫助佢。但有點小朋友理解能力同心理質素唔係咁好，又慢手。睇到整頁都係叉要改正（有點學校改正係另外用紙整句抄），大半張工作紙要全部抄，佢哋唔會難過，佢哋會冇動力做野。而且就算抄，都唔一定能幫助佢記憶，之後工作紙只會越來越唔想做。所以遇到弱的科目，會先讓佢做，之後幫佢執錯，自己會準備錯題本抄下題，或會做埋記號，用軟件打印出來，過多幾日再讓佢做一遍，一直到做對為止。檢查並改正並唔係想讓老師留下好印象，只不過係要讓佢知道做功課系要講效率，唔好讓功課打敗佢。所以如果揾私補功課，都可以對老師提出咁樣要求，如果小朋友科目弱的話。

RainyRice

hugub 發表於 24-4-26 09:41
好可能又係幼稚園happy school, 如果學術性幼稚園小一係絕對可以食老本既,我仔幼稚園讀SC,小一我試過考試時 ...

冇上過功課班，不知怎運作，是不是會確保小朋友功課沒有做錯。我記得最初有朋友說一定會幫小朋友改啱晒啲功課，因為留好印象給老師，但那位小朋友最後考試、升中都是普普通通。
以前我會幫女檢查和改功課，現在我只會檢查做完沒有。因為我覺得做錯功課，老師見到錯了，小朋友要改正，到溫書時可以清楚見到之前什麼錯了，對小朋友是更大的提醒。自己和小朋友在交功課前改晒時好，但到溫書又不記得自己錯什麼，反而有反效果。