求過來人比意見 興趣 校隊 及升中 考慮因素

yanthai77

運動方面
個女兩歲幾開始學藝術體操
一直係佢強項及最愛
但由於升咗小學要付出好多時間溫習同埋同教練時間夾唔到停咗一年幾 ！
最近學習較為穩定，可以繼續學體操
個女非常開心興奮

小一開始學乒乓波
學咗一段日子有樽頸位佢唔係好願意學 可能之前多數一對一佢覺得比較悶
但係小組
我又覺得好浪費時間
因為學咗一排都學唔到啲咩
每堂只係輪流輪好少時間練波
所以暫時停咗比佢考慮清楚之後先再算
教練話佢有天份但後期佢唔係好肯練
都冇辦法

最近係籃球考慮
體育科老師推薦阿女入籃球隊訓練
一星期兩日 共5小時
囡囡在學校即場同老師講唔使喇
因為兩日佢都有自己嘅興趣班唔得閒
但係老師又叫同班已參加籃球隊的同學遊說女女一起參加


因為我個女自小偏科 其他科目都係用好少時間溫習
但係就要用曬所有時間溫英文
最近才啱啱上軌道
想佢嘗試籃球 而且佢有生得比較高
可能有佢優勢 ❓學校籃球隊亦都常獲冠
又或者可能有機會佢再女子籃球都搵到佢嘅樂趣❓

平時小息阿女間中會打籃球 ，聽過佢覺得好玩
不過佢怕熱
最近天氣熱，佢寧願匿喺課室裏冷氣，少咗出去打籃球 ❗


好苦惱中
因為練習嘅時間都長變咗
相對上溫書做功課時間會少咗
同埋體力上消耗得勁，驚會影響學習 ?
呢個係我最大考慮因素 ！
另外學校體操隊教練都曾經叫佢跳級
因為佢從世就學過
所以佢應該比其他同grade嘅同學優秀
如無以外明年應該有機會入校隊預備班


萬一到時兩樣校隊
全部練習都叫咁多時間咁點算
咪即係二選一

如果全部去曬練習
咁學術有又點算我驚handle唔到


有冇過來人可以比啲意見

阿女冇強烈反對佢只係講話佢唔得閒




但係我又諗遠少少在各大學校係咪比較體重籃球隊呢 對升中又有冇優勢呢

藝術體操喺香港認受性比較低
亦都小學校重視 這個項目
在這項運動中支援亦都好少
好多時都係當興趣班吧了

fupigpig

yanthai77 發表於 24-4-24 02:58
運動方面
個女兩歲幾開始學藝術體操
一直係佢強項及最愛

我女已讀U，從小都係運動校隊！
課外活動一直對佢好重要，因為活動可減壓，而且俾到動力佢去勤力讀書。

如果用咁多精力喺活動只為升中搏加分，咁專注中英數3科已足夠，未夠就chur埋常識VA。 平均分多0.5已經推前RO了。

melolo317

做自己喜歡嘅事，一定會安排到時間去做。阿女心繫體操，加上又係強項，睇唔到點解要放棄。明白樓主有升學等考慮，唔知阿女而家幾年級？如果係我，反正阿女唔抗拒，試下玩埋籃球，佢真係有興趣/成功感，自然會學習做時間管理大師，冇興趣的話咪由得佢，叫做嘗試過了。

我明白樓主顧慮，正常地多課外活動自然少咗時間兼顧學業，但其實一切都係「時間管理」四個字。認識幾個小朋友，學校泳隊，每日練水3個鐘，再加一堆課外活動、比賽。問佢辛唔辛苦呀，佢係enjoy，因為係自己鐘意嘅事（當然重點係自己鐘意，唔係阿媽叫佢做啦），而小朋友係keep住成績維持前列。我覺得更難得嘅係培養到小朋友達到目標嘅堅持。

我自己嘅小朋友都努力學習緊分配時間，我角色就係引導佢取平衡，留意佢會唔會太大壓力，需唔需要調節。整個過程大人同小朋友都有學習。

加油！

fmf903

kisani 發表於 24-4-24 14:11
揀定一項運動再堅持落去唔一定係為升學, 而係運動對個人身心同社交發展好有正面影響. 當然有人覺得擺咁多 ...

講得好啱，運動同音樂是訓練抗壓，耐性和堅持。是成長時必需的。我都唔係一考試就放棄所有活動的。

kisani

HK-CR7 發表於 24-4-24 08:48
呢啲始終係課外活動 主要都係讀好書緊要啲 影響到讀書咩都係假 將來升學搵工都係睇成績 除非運動做到全港最 ...

揀定一項運動再堅持落去唔一定係為升學, 而係運動對個人身心同社交發展好有正面影響. 當然有人覺得擺咁多時間落去唔值, 因為喺升學上其實幫助不太 (將運動鐘數的time & money cost放落內補外補成績進步更顯注). 但升到上中學讀書壓力漸大, 固定的運動習慣對減壓好有幫助又可以提升讀書專注力, 又練到time management (要安排好自己溫書進度先能維持自己的興趣). 所以家庭support到而小朋友又本身鍾意運動(/音樂)的話, 我都建議keep落去. (利申: 自己讀中學時B1校級一, 考公開試前都keep住一星期2-3日搭車出去運動訓練for興趣&減壓, 家有小朋友每星期單項運動train開10hrs+好幾年一直好鍾意, 冇影響學業). 幫小朋友建立恆常訓練習慣, 遇到樽頸位鼓勵佢面對同陪佢堅持, 都train到大人細路的抗壓力唔會過份放大學業表現, 因為知道自己除左讀書仲有其他強項用黎建立自信同自我肯定

kisani

睇完成個帖, 建議可以比囡囡學返藝體(因為佢自己鍾意), 同時試埋上籃球(佢生得高同學校戰績好同有support). 學校體操隊係藝體定競技? 比佢玩多1-2年體驗下, 到小五就cut淨藝體/籃球其中較鍾意果樣專注讀書先, 到中學再玩返都ok ar~

wai324

學校校隊係必去
學校無support 果d 項目可以取消

見過朋友小孩 學一個運動多年
佢要求學校代報校際比賽 學校都唔肯
所以學校有support 的項目係好好多

通常細個都係學好多野
到了高小為呈分
必然會減到得返1-2項
升中後可以再學
人生漫漫長路
係有興趣的 60歲都可以學

Rpp

揀一項最開心最有前途幫到升中的興趣專注於此項便可，其他時間讀書吧，沒有成績什麼都唔駛講。

itckei2003

藍球係一個好運動. 尤其校隊係冠軍隊, 出面俾錢都入唔到.
我自己都屈緊個女每日打半個鐘藍球, 希望佢可以入到校隊.
老師邀請入校隊, 真係好值得去馬.  

天外之人

yanthai77 發表於 24-4-24 02:58
運動方面
個女兩歲幾開始學藝術體操
一直係佢強項及最愛

家長你諗得太多野,且更唔應該有咁既諗法,在一般學校教練所講既野都未必係真,有些可能衹係想夾人數,有些可能因人而異(如身高),體藝路香港從來都唔係太注重,除非孩子好有興趣家長才需要自行額外撥出資源培養,從字裡間感覺衹係睇到孩子對藝術體操才有興趣(都唔係冇好處,女孩子玩這個身材都會保持好好及健康),其他兩項運動算是玩玩下那些,所以家長重心好好令孩子唔討厭學習就夠,升中路永遠都係以學術為主要因素,靠運動冇學術升中後都一樣痛苦萬分.

RainyRice

yanthai77 發表於 24-4-24 02:58
運動方面
個女兩歲幾開始學藝術體操
一直係佢強項及最愛

似乎你女在運動的各方面都有天份，不如按着興趣去選擇。所以乒乓可以直接停。
估計現在應該是三四年班？既然成績上除了一科，其他不用太多時間溫書都應付到，這個年紀可以多嘗試多尋找興趣，兩樣運動項目還可以吧？體操有興趣想不到停的原因，籃球一星期5小時都不算太過分。到下年升班再作篩選吧

HK-CR7

呢啲始終係課外活動 主要都係讀好書緊要啲 影響到讀書咩都係假 將來升學搵工都係睇成績 除非運動做到全港最top嗰啲 否則當玩算啦 喺香港無用的

boboapril

你太多嘢諗。專心－樣比較好，老實－星期兩次5小時太少，或者只係興趣班, 但你諗到又要叻過人，又要優勢，其他小朋友朋友可能是－星期四日甚至更多，亦可能唔止兩小時。我勸你小朋友興趣行先。反正你都認為讀書行先，d 活動只係balance 下，乜都玩下也是一個策略，人生多樣興趣，幾好吖，唔好諗浪費時間！