有啲後悔無比小朋友讀英小

sheepeep

女兒現在小二，讀有直中的中文小學(學校只有英文科用英文教，與其他同grade小學比較程度偏淺)，幼稚園亦是讀中文為主的學校。

我跟先生英文不太好，無同小朋友英語溝通。小朋友由細到大的語境, 就是靠幼稚園小小net的時間、睇英文卡通、伴讀英文故事書(上咗小學無咩時間伴讀了)、上英文話劇約一年至今、每星期一堂網上net oral上了數個月至今，小朋友現時的英文程度係自行睇到dogman (不過佢唔係成日睇書嗰種人, 現在亦只比較肯睇漫話或攪笑種類)，能講簡單的完整句子(幼稚園時已經講到, 反而上到小學無以前咁放咁肯講)。

以前都一心諗住考DSE, 覺得中文重要, 亦好多人話中文難學過英文好多, 讀中小打好個底再上英中較好。不過近期都考慮比小朋友到外國讀書，當然因資金問題，起碼高中先會送。

另外，越來越發覺，幼稚園如不是讀雙語幼稚園，小學係中小，好難令小朋友能說流利英語，尤其一啲日常用語係睇英文卡通片或故事書都唔會學得到，另外寫英文的機會亦不多(雖然哩個可以靠外補加強)，但都只係有限度，因小朋友較被動又驚錯。

所以真係有啲後悔無比小朋友讀英小，宜家轉又未必咁易轉到(小朋友成績中游)，亦可能要放棄直中。

如果唔諗轉校，仲有咩辧法加強到呢?! 有諗過參加一啲多外國小朋友的sports club，但小朋友很抗拒(因為佢怕輸, 唔想玩啲有輸贏成份的運動)，再者佢比較內斂，不太主動交新朋友/同人傾計。

lot888

回覆 fasola 的帖子

係呀，呈科科都要好，尤其家長常忽略嘅視藝及音樂，佢5分一跳，差小小就落後好多。如英文好，能95去97固然好，但未必及放時間於中文，如能從90上升去95就應可勝多人，再加上數常唔差，就可穩奪師兄，姐嘅靚RO而晉身神直，名官津。

fasola

lot888 發表於 24-6-3 13:24
我都想講小小。我目標係小朋友快樂成長，如果可以，做多小小對社會有貢獻工作。所以自小以玩為主，參加一些 ...

呈分真係講每科都要好. 好多人時時講, 平均分差兩分, 名次已經差二三十名.
而中文或者英文差, 係可以拉低咁多.

上次測驗, 我小朋友中文科係低過英文同數學15分. 我計返平均分已經拉低左3.5 分.

現時英文教育資源好多. 包括免費嘅. app 都多, 完全可以自學.  
反而中文難, 現時唯有加緊伴讀, 一齊做閱讀理解.

lot888

我都想講小小。我目標係小朋友快樂成長，如果可以，做多小小對社會有貢獻工作。所以自小以玩為主，參加一些playgroup，跟大部份人一樣，家裏只用廣東話溝通，極小用英語，升小亦只可留在地區中小。小朋友尚算認真學習，英文成績不錯，當然不能跟英小相比，由於目標唔高，成績整體可接受。但到小三時，中文明顯落後，我這時醒覺，惡補中文，最後呈分試科科ok。反觀有個有米親戚，佢小朋友跟我孩子同年，但父母重英輕中，常強調家中只準說英語，入咗英小。每年團聚，佢只講英文，親戚讃佢，佢同我小朋友冇嘢講，我小朋友亦覺自卑，但我冇辦法，只可教我小朋友每人成長不同。但世事往往弄人，有米視戚小朋友從初小到高小都唔鐘意中文，包括寫中文字，成績在合格邊緣徘徊，佢父母最初唔理，高小後力追，無耐小朋友已抗拒中文，呈分試最終拜拜，最後唔好話神校，B1中學都冇。以上是事實，樓主如要玩贏游戲，重點係平均，不可只偏英或中，千萬唔好以為講中文就一定中文好，呢科DSE殺人唔小。中文底子唔好，上到中學，文言文就更頭痛。祝清醒，忌人云亦云。

fasola

周小桃 發表於 24-6-2 15:40
你當年讀邊間英小？

有直屬中學嘅英小. 以前同學好多英文係好嘅, 但靠屋企多. 學校語境無架, 小學到中學, 平時大家都係講廣東話.  
當年會考同現時DSE, 多數人中文科都唔理想. 所以好少出狀元.

前面都有人提神校SPCC, 仲有SPB 佢地中英成績都好, 而佢地小學係中小.

周小桃

fasola 發表於 24-3-3 20:21
讀英小唔會幫到英文. 讀中小亦唔會幫到中文.

兩者差別就係數學同常識科用書.

你當年讀邊間英小？

kitkit1609

現時已是中小二升三，如此時轉英小三，即使錄取你小朋友，對小朋友銜接課程亦是有一定程度困難，小朋友性格怕輸，所以怕打擊了自信心。

英語要靠語境，日常非常重要，如家庭環境或學校提供不了，簡單方法直接外補英語。

我小朋友現時英語溝通流利。

原因由幼稚園都是雙語+英語外補+每天閱讀英文書藉+迪士尼英語教材，在家中是雙語溝通（粵或英）
上到英小，沒外補英語，只保持每天閱讀+電視卡通。

所以學語言是 語境是重點，外補也是很好的元素，加油。

Jean1769

如果真係咁重視英文，就應讀國際學校
讀英小的學生，就算英文講得多但好多都係難忍，同ischool好大距離

天外之人

咁多年讀到中學,且這裡家長都感覺英文係重中之重,聽孩子講考試小組討論唔難又好笑,原因係有人講迪士尼咁出名都可以講(Date尼),感覺有點匪夷所思,是否都係死板背書而已,邋是講(Date尼)係啱.:donutwonder:

jenjenny

我女兩歲前都唔多識講中文，我哋只用英文同佢溝通，只睇英文卡通，日日同佢讀英文書，閃英文卡，總之當佢係外國人咁教。英文入骨入血，無可否認佢讀英文科係好輕鬆，但讀中文好辛苦，想攞高分要比其他人花更多時間，小學都仲可以將勤補拙，到中學見真章分數反應正體中文能力，唔係勤力就補救到，我而家都未諗到方法解決。所以小朋友從BB開始就算家庭點樣重視英文，都要加插中文訓練

airwalk

tummypooh 發表於 24-3-2 12:30
首先，你要的英文好，係英文科成績好，定用英文溝通能力好，兩件事，英文溝通能力好，英文科成績未必好。

...

我都係用咁方法,
係小朋友BB個時世界只有英文卡通, 英文書, 日日要佢睇youtube.
世界冇廣東話卡通出現, 2姐弟只能用英文溝通. 將英文種入大腦, 入骨入血,

以英文作為第一語言, 中文第二.

airwalk

TAIOU4 發表於 24-2-26 12:55
你好似真係冇玩過Net Chat
連有乜o野玩都唔知
淨係以為係港式補習班有份Notes / 功課

其實係應該針對小朋友oral先, 個D 英文斑一個老師係台上教幾個學生present tense, past tense文法,  你上一萬小時進步空間都唔會太大..
與其上個D英文班, 真係不如花錢比小朋友上外國學生活動,  只有小朋友同小朋友溝通會學成長得快好多.

tummypooh

回覆 sheepeep 的帖子

我小朋友只係普通幼稚園，廣東話為主。其實學語言最緊要係有冇機會用，用得多，自然學得快。
8歲, 係遲左少少，但未至於好遲。
主要係你要搵啱方法

tailinlin

fasola 發表於 24-3-3 20:21
讀英小唔會幫到英文. 讀中小亦唔會幫到中文.

兩者差別就係數學同常識科用書.

完全唔一樣，讀英小每日返學都講英文，同讀中小係有分別。學英文如果只為了考試，操grammar 當然有分別，但如果想學好聽講，英小優勢會更大

ifcsir

RainyRice 發表於 24-2-22 14:06
本帖最後由 RainyRice 於 24-2-23 22:14 編輯

小朋友的直中是英文中學的嗎？既然學校有信心在中小直升 ...

謝謝你分享給樓主，讓我來偷師，小朋友還在（劵幼）幼稚園，唔肯對人講英文，我都要努力努力

fasola

讀英小唔會幫到英文. 讀中小亦唔會幫到中文.

兩者差別就係數學同常識科用書.
呢兩科唔會幫到語言太多.
並唔會因為用英文學數, 就會英文變好.

都係要靠語文科本身, 同課外閱讀

我自己讀英小, 坦白講, 我自小英文好普通, 因為學校以外無好語境. 當年無睇課外書. 到高中多睇明珠台先至有多少進步.

現時小朋友讀中小, 佢幼稚園時英文已經好好, 中文略遜. 之後讀中小對佢學好中文有無用? 無.
我每日都花好多時間幫佢溫中文閱讀理解.
無論中小定英小都係一樣.

itckei2003

回覆 簡單啲來講 的帖子

完全同意!!


宜家某種程度來講學好母語走遍世界都不怕，前提英文工具也不差。<<< 先中後英

宜家某種程度來講學好英語走遍世界都不怕，前提中文工具也不差。<<< 先英後中

簡單啲來講

itckei2003 發表於 24-3-2 17:14
如果英文能力足夠, 絕對值得先英後中.
中文係難, 但係中文優勢, 只係為考試 (主打中資公司又或者一心向祖 ...

本帖最後由 簡單啲來講 於 24-3-3 05:53 編輯

此言差矣。我始終認為你是哪裏人就首要把母語學好。比如母語係中文，我哋最終學得的係中華文明，英文來說只不過係掌握先進野的工具。如果學習母語係為咗考試，學習英文係為咗搵工，咁你長大後即使出國工作生活，自身文化認同上會比較難。因為要像歐美人那樣運用英語，對於我哋中國生中國長，父母又是中國人來講係好難件事。那種才是真正兩頭唔到岸。宜家已經唔係英治時代，沒有文化認同，係很難像以前咁學英文信手捏來。宜家某種程度來講學好母語走遍世界都不怕，前提英文工具也不差。

簡單啲來講

sheepeep 發表於 24-3-2 16:50
回覆 加樂爹 的帖子

其實唔使到高小，小朋友小二，我宜家都發現兩頭唔到岸了，但宜家轉英小係咪適合係咪值 ...

其實語言係相通的，只不過要假以時日。如果沒有英文語境，係更有利學好中文。過早的讓小朋友浸英文會干擾中文學習。沒有什麼學語言黃金期，魚與熊掌不可兼得。兩頭唔到岸不如隨遇而安，深入學習中文後，上到中學，有語境的話，再潛心學英文，一點也不遲。

簡單啲來講

睇英文水平好唔好唔係單單睇做卷操題，溝通。主要睇寫，寫的品質。有語境的針對教學，實好過睇YouTube，睇卡通片。
而且老實講睇再多英文小說，如果冇針對訓練，要寫出好品質，details英文並不易。