德望or赤提

gccky

先祝各位新年快樂，身體健康！

不計地點，大家點揀？感謝

ok3

我見初中嘅亞女又好熱愛學校喎，成日返去做義工。當然，到畢左業後會點就唔知啦。不過同意樓上好多人所講，女校同男女校/男校嘅bonding, 一定不能比較。

PTL_L

UniKitty 發表於 24-2-16 16:34
女校的歸屬感是不能和男校、男女校相比的。對比其他女校，GHS已經算好了：有前任的老師辭去高薪工作回學校 ...

咁小女學校都係，師姐教師妹咁，其實都多傳統男校同女校有呢種傳承。

UniKitty

DenWenMa 發表於 24-2-16 16:15
咁我都識人係咁 所以咪話更加少接觸到異性。。。

題外話，即使以職業黎講，GHS 也非首選，官津啲 ...

女校的歸屬感是不能和男校、男女校相比的。對比其他女校，GHS已經算好了：有前任的老師辭去高薪工作回學校接任校長，有師姐回學校做老師，有師妹從佐記轉回母校。

catf2

DenWenMa 發表於 24-2-16 16:15
咁我都識人係咁 所以咪話更加少接觸到異性。。。

題外話，即使以職業黎講，GHS 也非首選，官津啲 ...

唔會呵..補習社都大把男仔啦..同埋好多join school 活動, 呀女仲成日去男校meeting, Paul boy 仔都有來一齊練歌

DenWenMa

catf2 發表於 24-2-16 16:01
德望畢業嘅好多返去德望教書就真(emoji)

咁我都識人係咁 所以咪話更加少接觸到異性。。。

題外話，即使以職業黎講，GHS 也非首選，官津啲人工福利更好，又係長工。不過教過GHS，個 portfolio 係靚仔既。

catf2

德望畢業嘅好多返去德望教書就真(emoji)

DenWenMa

catf2 發表於 24-2-16 15:07
可不可以是係個別例子，我見我女啲師姐都好愛學校成日返嚟幫啲學生，我女嗰啲都係成日去幼稚園小學教啲師 ...

咁可能近年情況唔同都唔出奇，我始終係老鬼了   不過我屋企除了我，另外都仲有人讀 GHS ，相隔都好幾年，但我們除了私下有同啲同學keep 住聯絡同聚會之外，已沒有收到任何學校 reunion 既消息，而他們的女兒都甚少會讀番 GHS。GHS 雖然有 Past Student Association 但感覺上活動唔算多，亦好少有 reunion 聚會。

但另一邊廂，我兩個小朋友既同學家長，唔少人係舊生。而佢哋無論小學中學都定期有舊生聚會，每年都有唔少活動，啱啱去年底既校慶晚宴假會展舉行，更是坐無虛席。

我唔係想 sell SSC 啲學生幾有歸屬感，不過之前聽朋友講佢讀培正，佢地可以幾代培正人，仔女可以睇住爸媽在學校加冕，我係真心羡慕既，所以想表達唔係有同冇既問題，而係程度上既問題，亦好直接反映學生有幾鍾意間學校。

PTL_L

catf2 發表於 24-2-16 15:07
可不可以是係個別例子，我見我女啲師姐都好愛學校成日返嚟幫啲學生，我女嗰啲都係成日去幼稚園小學教啲師 ...

果種氣氛係唔同，當然我身邊嘅例子冇德望，但都係果幾間女校，佢哋d old girl都支持母校嘅活動，不過支持同投入度同我細果間男校都差幾遠，每年open day 或各項學界決賽等，都會見到班師兄工都唔返，老中青都有，佢哋會著住佢哋果屆嘅tee一齊同班師弟打氣，呢個氛圍係影響埋原本唔多理事又唔投入嘅家長。班old boys家長出錢出力又出時間，呢個真係暫時起女校我未睇到。

chungque

DenWenMa 發表於 24-2-16 12:37
我自己由小學起已經係 GHS，依傢仔女都係 SSCPS。我可以講，論成績整體上一定係 GHS 好啲，我啲同學大部分 ...

路過，見到這位家長的意見與本人的看法相當接近，所以想插一下嘴：
首先本人對這兩間學校認識不多，在地點，費用，環境等因素外，本人的看法如下；

一般家長選校多考慮成績和入大學率，還有就是個人的一些名校虛榮感。但個人認爲當比較兩間好學校時，我會考慮他們用於教學與其它活動的時間比例。例如一家100%用於學習，結果百分百入大學，另一家80%學習20%其它交流活動，結果八成幾九成入大學。那我會選後者。

另外，我也會考慮學校活動的多樣化；如有沒有海外姊妹校做交流，每年有沒有交流團和交換生計劃，每年學生有多少個各類比賽或實習計劃等等。同時都要觀察學生的參與機會，是否人人平等獲取機會，抑或只是指定的品學兼優學生專利。

本人認爲如今世界與以前大不同，以前只要上到大學生活/職業都有一定保障，所以大家都以入大學率為首要考慮。但隨著大學學位量化寬鬆，將來的學位只會更多。如果選一家升學率高但又開心而且又能提供豐富人生體驗和國際視野的學校，只要你不是他們的 bottom ten，大學畢業就會更具競爭力。

有次我帶小學的女兒去某大學參加一個STEM發明隊際比賽，小學與中學組在同一會場舉行。參賽隊伍需要主動邀請評判們到她們的展區來聽取匯報和詢問以獲取評分。正當女兒那隊不停活潑地邀請評判們到來聼她們的講解，那邊廂兩家名中學隊員只呆呆的站著等評判的到來。那强烈的對比就讓我萌生將來該如何為女兒選擇中學的要素。誰説比賽評判一定要走訪每一個展區來評分，現今的比賽已同時考驗參賽者的主動性與人際親和力。哪怕你有最好的作品，沒有評判到訪還是得不了分。

以上都只是個人看法，除了成績外還希望大家在選校時多考慮你希望孩子將來成爲怎麽樣的人和你想他們擁有怎麽樣的校園生活。

祝福大家都找到心儀的學校！

DenWenMa

nwchan 發表於 24-2-16 15:01
本身讀咩小學？朋友曾經講過除非寄宿，否則唔建議入聖提，因為實在太開心，好 hea。最後送左小朋友去外國。 ...

我會咁睇。。。中學唔同小學，讀書主要靠自己 (最多加外補) 而不是靠家長學校谷。如果大家都認為GHS 既成績係比 SSC 好，而又如果最後小朋友連係 SSC都唔能夠做到成績好的那一批，咁佢係GHS咪更大壓力更辛苦？除非深信學校單方面能夠化腐朽為神奇。。。

catf2

PTL_L 發表於 24-2-16 14:44
好中肯，讚同時你又講到我兩個小朋友學校既歸屬感上嘅差別，亦係單性男女校我暫時睇到old boy old gi ...

可不可以是係個別例子，我見我女啲師姐都好愛學校成日返嚟幫啲學生，我女嗰啲都係成日去幼稚園小學教啲師妹

nwchan

本身讀咩小學？朋友曾經講過除非寄宿，否則唔建議入聖提，因為實在太開心，好 hea。最後送左小朋友去外國。

PTL_L

DenWenMa 發表於 24-2-16 12:37
我自己由小學起已經係 GHS，依傢仔女都係 SSCPS。我可以講，論成績整體上一定係 GHS 好啲，我啲同學大部分 ...

好中肯，讚同時你又講到我兩個小朋友學校既歸屬感上嘅差別，亦係單性男女校我暫時睇到old boy old girl 投入程度嘅不同。

adriantai

DenWenMa 發表於 24-2-16 12:37
我自己由小學起已經係 GHS，依傢仔女都係 SSCPS。我可以講，論成績整體上一定係 GHS 好啲，我啲同學大部分 ...

畀個like先

hollyword888

DenWenMa 發表於 24-2-16 12:37
我自己由小學起已經係 GHS，依傢仔女都係 SSCPS。我可以講，論成績整體上一定係 GHS 好啲，我啲同學大部分 ...

難得有兩家都有經歷的家長分享，感謝！

derbyeugene

回覆 DenWenMa 的帖子

多謝你寶貴的分享。

gccky

DenWenMa 發表於 24-2-16 12:37
我自己由小學起已經係 GHS，依傢仔女都係 SSCPS。我可以講，論成績整體上一定係 GHS 好啲，我啲同學大部分 ...

好寶貴既意見，其實都難搵到用家真心分享，多謝你

我同女經過深思熟慮，尋晚傾到半夜.... 都開始知道方向，希望呢個決定係正確

gccky

catf2 發表於 24-2-16 11:50
兩間都好, 是但揀一間好好去讀, 女女加油

多謝前輩鼓勵     

DenWenMa

本帖最後由 DenWenMa 於 24-2-16 12:44 編輯

我自己由小學起已經係 GHS，依傢仔女都係赤提到讀。我可以講，論成績整體上一定係 GHS 好啲，我啲同學大部分都起碼 degree 畢業，N年後大家都有穩定既收入同職業 (當然有啲好命嫁得好唔洗做都有)。至於SSC，有啲叻既當然都有大家 趨之若鶩既大學 offer，但整體上應該唔及 GHS。

但。。。除此之外！N年後既我，更會覺得成績不是一切。冇錯，讀女校 (仲要係 GHS)，真係可以修心讀書，避免太早戀愛。但另一方面，同學要去到大學先接觸異性，講緊都17、8歲，我有啲朋友仲要讀教院做老師，結果可以接觸異性既機會更少。呢樣野如果處理得唔好，可以好影響社交甚至一生！

另外，學校校風傳統又嚴，家長應該係好放心既，但我地對間學校冇太大歸屬感，對學校亦沒有太多快樂既回憶 (當然亦唔係差既)，唯一仍然引以為傲既就係佢既校園 (當然同 SSC 冇得比，但已經好過好多學校)，同埋名校既光環。

我會覺得赤提呢間學校比較 all rounded。成績不是最好，校風也不是最嚴，但亦唔會差。 要教既道理同規矩，仍然會以聖經真理去教。但正正因為咁，小朋友讀書冇太大壓力，好自信，有創造力，夠膽講夠膽 present ，呢啲到出黎社會做野都好緊要，特別將來已經係AI 年代。同埋最重要一點，佢哋番學番得好開心！好多父母都係 SSC 畢業生，見佢哋對學校既歸屬感強過我呢邊 N 倍！睇得出佢哋好鍾意間學校！當中不乏已經名成利就既人士。

另外，我可以講，兩間學校啲學生家庭背景係有明顯分別，亦會影響佢將來既 networking ！同埋之前都有人提到，SSC 對升學有好強既 support ，除了有專責既升學顧問，學校亦搵咗一啲已經係行內名成利就既舊生，擔當 mentor 既角色，同有興趣既同學分享行業需要知道既技能及點滴，讓學生更容易掌握是否自己真正心儀同埋需要行咩 path 去達到目標。(Again 呢樣野又再次證明舊生對學校既歸屬感有幾強。)

樓主要諗吓想穩穩陣陣讀好書先算，定諗遠啲睇吓佢將來需要啲咩先決定啦。

女女話兩間都冇所謂，好可能佢對兩間學校既認識唔夠深。多啲上網搵資料同埋同啲校友傾吓，可能佢都會有 preference。