小朋友發展遲緩，應該入讀邊類學校？

chichi730

讀緊IB Kindergarten, 因小朋友是細B，加上語言(中英文，但英文較弱一點)及社交發展遲緩，但學術強，黎緊4幾人仔要升Yr 1, 專家認為小朋友係叻但唔適合讀IB，課程廣泛唔夠academic，而且需要社交和溝通能力，正中佢弱點，提議轉出去其他有支援、實質教到學術、小班有愛心的學校，打好個底，等佢大幾年再決定路向。
其實自己都覺得IB唔啱佢，在學校迷惘又唔多講野(同miss講野但唔同同學講野)，而家唔知邊條路好︰
1. 轉去本地學校可接受多2年OPRS trainning(而家就排到但未排到)，再升本地小學，但感覺本地學校老師冇國際咁包容，又怕壓力大唔知啱唔啱佢，同埋本地小學唔知有冇Learning support，而且脫離左英文語境怕佢高小入唔返IS.

2. 轉去2線又有支援的非IB IS，細班D，但係由一線去2線真係好唔甘心，又唔知英文語境佢會否繼續唔適應，之後又唔知入唔入得返1線IS。

3. 同學校講比佢遲一年先入Yr 1，呢一年狂參加trainning，希望佢下年適應到小學，多一年OPRS再加小學有support，但一年的intensive trainning能否幫佢由唔講野變到講野，返學唔stressed又去返同齡進度係咪有點理想化？(更新︰遲一年讀已被否決定)

a_for_apple

可以睇下 Korean International School, 佢行 UK curriculum, 中學係A Level, 學費平，另外有一個 Springboard program for SEN, 但其他 learning support 就唔太清楚，可以約 school tour 了解下

ol_bb

bonbonbaby 發表於 24-3-16 11:02
可否都PM我？多謝(emoji)(emoji)

已pm, pls check !

BlossomAlmond

「唔甘心由1線學校轉去2線學校」，可以好肯定答你，香港嘅國際學校，無論第幾線，甚至所謂最top嗰啲，其實程度真係差唔多，甚至同本地比，點都會覺得唔夠學術。
國際學校第幾線嘅分別，我覺得更加多係小朋友屋企背景，父母要求，有冇私補多啲。
學術程度真係好睇小朋友本身同屋企。反而如果小朋友係有學習需要，應該揀資源比較多嘅學校，學校有自己心理學家、counsellors、learning support team嗰啲。可以去參觀多啲唔同嘅學校，參觀期間多了解呢方面。

bonbonbaby

ol_bb 發表於 24-2-3 11:19
已pm, pls check!

可否都PM我？多謝(emoji)(emoji)

chichi730

請問YMCA呢類又啱啱呢？
學校應該唔會俾遲一年入學...
其實無論學校老師或補習老師，都話佢以中文回答較快/較擅長，單單呢一點，搞到我唔敢再揀IS
但LS又真係如各位所講欠learning support
IS係咪一定係比母語係英文既人？如果小朋友語言遲緩，而母語係廣東話，喺IS係咪會影響各方面學習？定做返大B就會冇左自信呢個問題？

chichi730

回覆 melobi12 的帖子

已PM, thanks!

Leira

chichi730 發表於 24-2-5 22:37
回覆 Leira 的帖子

個人其實本來都不認同本地學制，太多規範又有好多冇用既背誦，但心理學家話小朋友學術 ...

你提出咗好多個好好的point：
- 如小朋友學術叻，我認為佢去到邊度都會叻，反而我覺得本地學校太多框架，扼殺咗小朋友發展社交。
- 本地學校冇空間同資源，教學太過單向。
- 也有些國際學校比較重視中文的，但應該唔係你而家讀緊呢一間。
- 小朋友唔肯坐定定學，我估會唔會係因為佢發展遲緩，所以專注力未追上歲數。就單係呢個原因，更加支持國際學校，因為佢哋唔會有一個固定嘅時間要小朋友學嘢，佢哋接受到小朋友學習差異，因材施教。
- 我認為只要父母有時間，其實不需要外補，自己教更加可以貼近小朋友在學校的課程

另外一個意見：唔好將而家在國際學校K的體驗，推算認為小學都係這樣同一個模式循環。
呢個係我自己經歷過之後嘅個人見解

chichi730

回覆 Leira 的帖子

個人其實本來都不認同本地學制，太多規範又有好多冇用既背誦，但心理學家話小朋友學術叻，唔好浪費左佢既才能，同埋唔好放棄母語。我都覺得IB暫時小學階段如果同K班一樣咁樣玩玩下，要求好多社交溝通佢會好辛苦又學唔到野。其實係咪所有國際學校的中文都不及本地學校？我本身揀IS係想自己教佢中文而唔係要放棄中文，因為我以前都係教人中文，但係小朋友好似唔肯坐定定學，係咪所有家庭教小朋友都係要外補，自己教唔黎？(一部份學霸除外)

ol_bb

pear000 發表於 24-2-2 16:07
可唔可以PM 埋我. THANK YOU

已pm, pls check!

pear000

ol_bb 發表於 24-1-31 09:31
我知道有幾間比較接近你這些要求，pls check pm!

可唔可以PM 埋我. THANK YOU

ol_bb

chichi730 發表於 24-1-30 01:33
回覆 Leira 的帖子

我都有諗過，但揾唔到一間又英制又師生比例高又有Learning support又唔係天價學費... ...

我知道有幾間比較接近你這些要求，pls check pm!

amuroo

另外樓上所提出的學校，都有非常好的support！ 建議都不妨每間看看考慮一下，睇吓啱唔啱自己，無論是學制、環境、地點、支援、家長群、個vibes以及學費等。

我同意最緊要揀一間合適自己嘅學校，名氣都不及合適自己甘緊要呢！

amuroo

chichi730 發表於 24-1-30 01:32
回覆 amuroo 的帖子

你係返watchdog EETC? 同一時間有冇讀其他K?

好似係EETC 我兩歲就已經去搵外援，我個仔兩歲三個月都未講到嘢。 只要有support咩都去。同時係返正常幼稚園playgroup. 因為入咗個program 亞仔開始講到嘢之後都繼續上watchdog , 就當係外補班啦（雖然遙遠，在波老道）但阿仔鍾意老師，老師都好有愛心，各方面都有評估報告，令我安心。知道佢好快已經冇咩問題。

有learning support 的IS 要必要，雖然你未必用得着。

我地assessment係由therapist 做，有speech, occupational and physio 各有各一套的assessment report. 如有需要, 可以另外再搵私人嘅therapist 再做 （或加快做）. 心理學家或者兒童醫生都係overall assessment. 我係有另外搵私人嘅言語治療師再作評估。

不過阿仔唔識中文，所以全英文做assessment. 兩歲時醫生話mixed language 有機會再slow down, 所以我哋揀左英文。

yellowbean88

大圍anfield primary ，英式學制，入面有st Bosco Centre 適合比較mild 既sen小朋友入讀


去open day 睇過下都覺得唔錯，老師好caring , 一班12人左右，混齡學習，課室入面有sensory 玩具，照顧到有感統需要既小朋友。但學費比較貴 地點隔涉

不過都想搭單問下大家對st Bosco Centre 有無咩評價？或有無用家分享？謝謝

mandy_ng207

如果搵learning support可以考慮埋HKA(Hong Kong Academy),在西貢，係IB school。但我覺得你小朋友轉做大B可能會克服到緊張欠自信嘅問題，其實唔少學校都跟英國cut-off俾9月之後出世嘅做大B，我啲朋友都覺得做咗大B之後學習有進步。

melobi12

見你話係駐校心理學家嘅建議，咁我諗都可信（因為出面質素真係好參差）。咁個佢 有咩solid啲嘅建議俾你？就係轉校轉學制？

除左British curriculum同IB，仲有啲學校係用IPC，我覺得少少介乎兩者之間。IPC 會將唔同學科扣埋一齊上堂跟同一個theme上堂，都好多互動，但如英文、數學又會獨立成科，好多學校會跟返British curriculum 嚟教，咁又會有返assessment同功課呢啲嘢規範返，可能都係你想要嘅嘢。

不過一涉及extra learning support，點都會貴啲。Anfield 你有冇睇過？未必要去元朗嗰間，可能大圍嗰間mainstream 加learning support都可以？

當年我揾selective mutism資料時，都有家長同我講 Shrewsbury support 好好。

有啲學校如ESF，似乎小學做得好好（mild 嘅special needs/learning support），老師好細心用好多方法幫啲小朋友，但ESF 幼稚園普遍評價都比較低，我識好幾個朋友都係用「捱埋佢」嚟形容。唔知你學校情況係點，但我諗你都可以了解下小學部同幼稚園部會唔會有啲support/教學質素上嘅分別先。有時未必係教學方法「鬆散」嘅問題，係老師有冇好好咁guide住佢學習。free play 唔表老師可以坐埋一邊做自己嘢放任小朋友自己玩，都要俾適當guidance…

細校嘅特點係，嚟嚟去去都係嗰班小朋友，慢熱小朋友辛苦識左啲好朋友，唔會因為升班就被迫分開晒。但又不過如果一級得一班，永遠都係嗰班人，又難啲迫自己小朋友跳出comfort zone去識其他人，所以都係好矛盾。我小朋友都係慢熱型，佢哋一級有兩班，我覺得都幾好，因為每年升班啲同學嘅組合會有啲變化，但又變化得來又唔會話要從頭嚟過識朋友。

不過細校人少，資源正路都一定會少過大校，除非家長額外俾多啲資源學校（學費~)。

正如師生比例要高，即係學生少啲，自不然學費都要提高啲先俾到相應output你。

而家嘅psychologist 或者其他校外睇緊嘅therapist有冇啲明確啲嘅選擇俾你？始終佢地對你小朋友了解多啲，我哋連你小朋友要啲咩support都唔知，好難俾啲好solid嘅建議你。

如果硬係要數啲學校名，除左以上講嗰啲，仲有HKIS都有好好嘅駐校psychologist，the harbour school都似乎做得好出色。

chichi730

回覆 Leira 的帖子

我都有諗過，但揾唔到一間又英制又師生比例高又有Learning support又唔係天價學費...

chichi730

回覆 amuroo 的帖子

你係返watchdog EETC? 同一時間有冇讀其他K?
其實上年用中文做過assessment話佢幾個月遲緩，但年尾學校心理學家的assessment就話成年幾遲緩，可能因為用英文做，又或者在學校做，我都唔知邊個準。

師生比例高的IS而又有learning support我真係諗唔到邊間，定抑或唔要learning support?