青衣龍頭小學,基督教嗰間。老師極無愛心

rabbitbaby1

小一每日小息 用嚟教書。
上堂講一句嘢都要罸無小息。
又要逼學生背中文同常識書唔識背又係要罸無小息。
我仔見到老師經常發罸人。心理壓力好大每晚發幾次惡夢。
讀咗兩個月頂唔順終於轉校。今日第一日返新學校即刻好開心。

bbkingdom1015

可否PM邊間學校？

fupigpig

rabbitbaby1 發表於 23-11-2 01:28
小一每日小息 用嚟教書。
上堂講一句嘢都要罸無小息。
又要逼學生背中文同常識書唔識背又係要罸無小息。

雖然話津校一線普遍係咁⋯
但我理解係谷成績時，緊張並不代表要鬧得多，過份負面氣氛唔見得令成績有乜幫助。

不過樓上有提醒過，始終都有在讀家長會認同，互相尊重各有所需就算了。

btw我係同意成績有時係要谷（每人能力不同），我小朋友都係原本入左主力sell關愛嘅二線津校，但越讀越唔對路，升中成績的確係二線，但老師態度就完全談不上關愛，上堂氣氛經常好差。
我抗拒仔女喺呢種環境成長，之後已插班去一線津校，成績都係靠谷，學生都係勤力嘅，但谷都唔代表狂鬧狂罰嘅。

shunmommy

我同樓主諗法好相近，都係希望小朋友能夠愉快學習，奈何香港家長大多仲係執著於「求分數」「入band 1」所以先仲有呢啲不合時宜嘅填鴨教育存在。有個事實係每個小朋友資質各異，唔係話谷就會work，所以鄧樓主開心搵到間合適嘅學校，亦都慶幸依家有唔同style 嘅學校出現令到小朋友可以搵到佢地嘅出路

fmf903

普遍谷成績的津小都係咁，唔會有愉快學習，真係谷谷谷！

siucheng2000

回覆 rabbitbaby1 的帖子

樓主我好明白你感受，一間學校冇愛心，家長好容易感受到。我仔上年間小學，校長又係極無愛心。我仔讀私小，落雨唔俾家長入學校接送，小朋友淋雨走出學校。
學校搞啲節日或主題活動，只係小息進行，我仔話落去排隊未玩已經打鐘，太多小朋友排隊，校長為左影相放上網，話好多活動，但實際好多同學冇玩過，校長唔覺係問題。
家長反映有唔同問題，就叫家長退學，唔會想一齊解決問題，完全冇愛心，睇出只為利益。而且教書進度又慢，考試前幾日仲教緊。
我仔轉校後，而家校長老師超級有愛心，小朋友好like校長，教學方法又掂，家長又有充足時間同小朋友温習。活動又係上堂時間進行，唔會冇得玩。

okabenny

4001cc 發表於 24-2-3 20:50
可唔可以講原本邊間小學？

青衣得一間叫做主X小學

okabenny

myki 發表於 24-2-21 23:25
間間學校都會有衰老師. 我小朋友都係讀呢間.小一時個班主任好好.而家上到高小個班主任就好差把口好毒, 佢仲 ...

咁 pk, 咁即係話求神拜佛 我個仔千祈唔好入呢間。
初頭我諗住畀我老婆搞 唔使煩點知奶嘢

Poyau

okabenny 發表於 24-2-21 11:18
主恩？

#28

myki

間間學校都會有衰老師. 我小朋友都係讀呢間.小一時個班主任好好.而家上到高小個班主任就好差把口好毒, 佢仲係英文科老師. 成績唔好有嘢唔識就批評我小朋友而唔係諗下可以點幫佢.
想當年都係人人話主恩好, 參觀完學校覺得上至校長下至校工都好有愛先報呢間,但係而家只想快快畢業走人.

okabenny

rabbitbaby1 發表於 23-11-2 01:28
小一每日小息 用嚟教書。
上堂講一句嘢都要罸無小息。
又要逼學生背中文同常識書唔識背又係要罸無小息。

我知你講邊間，我唔係校友又唔係教會背景，我都唔知點解我老婆會揀呢間！

其實我鍾意周演琛，校舍大，成間學校都好有活力。 奈何我老婆淨係畀我揀但係唔畀我做決定，係而家咁嘅情況只可以行111, 但我都希望唔中中第二間。

okabenny

rabbitbaby1 發表於 23-11-2 01:28
小一每日小息 用嚟教書。
上堂講一句嘢都要罸無小息。
又要逼學生背中文同常識書唔識背又係要罸無小息。

主恩？

lincolnpapa

Rabbit 媽, 祝福你的子女找到適合自己的學校

偶然遇到這個POST, 特意登入來回應一下。我的孩子也是今年入讀這間主X小一, 也知道上學期有同學退學了, 可能我們的孩子就是曾經同班同學。

小兒本身的幼稚園是Happy School, 上了小學後中文認字方面都比較吃力, 但英文及數學方面就覺得淺易, 所以下班後也會為小兒努力溫習中文常識。其實若果學校的課程深內容多, 反而減輕家長為小朋友補習溫習壓力。盡早開發大腦的記憶體有助思考及增強記憶力。

字體不整齊, 我也會指正他重新寫過, 只是幾秒鐘的事, 讓他更專注做好每件細微的事。其實對孩子的成長有幫助, 學懂不要馬虎做人。除非筆劃錯, 否則字體不美觀老師也不會扣分。

家長日和班主任見面的時間充足, 每位家長本來分配了15分鐘的見面時間, 但我剛好是時段的最後一位, 結果班主任和我十分投契, 交流了半小時以上。老師的觀察細微, 可以給我孩子正面的建議, 我提出的問題及建議, 老師也在下學期配合調整了。我接觸到的老師及校長笑容也很好, 感覺親切。

每日課堂的大至的鋪排: 上堂, 小息, 上堂, 午膳, 上堂, 小息, 課業指導/課外活動。

我認為休息時間充足, 就算連上兩堂中文也沒有大問題。若果安排午膳後上體育堂做大量運動反而更不利健康吧。音樂室,電腦室這些屬共用的設施, 不會同時間全校一起使用。若站在校方角度想, 高年級的學生更應安排在上午時段吸收課本知識, 在午膳後才使用音樂室,視藝室,電腦室這些設施。低年級的課程較淺, 優先程度較低更合理。

考試方面, 似乎比其他學校較早開始考試, 但我覺得很好, 尤其在長假期前完成該階段的考試, 讓孩子可以全心全意無憂無慮的放假。

就我所見及孩子的回應, 他十分喜歡這學校, 校園十分大, 很多活動可以參加, 不覺得受壓迫, 不似坐監。班主任及老師們也有回應我的建議, 家校是合作的態度。當然每人的情況不同, 自己也會密切留意小朋友的情緒。

百貨應百客, 不要因為香港的學校/教育制度而氣餒, 找到適合自己孩子的學習環境才是最重要。我自己讀官校, 當年中三學校會把最低成績的學生趕出校/勸退, 十分殘忍。有一同學退學後, 去了外國升學, 現在已是跨國企業的電腦總工程師, 生活富足。證明找到合適自己的的學習方法及環境便能成功。

希望你小朋友找到合適自己的學校及重拾上學的樂趣。你的小朋友很有福氣, 有一對很關心他的父母, 恭喜!

4001cc

可唔可以講原本邊間小學？

18babycome

回覆 rabbitbaby1 的帖子

多謝你分享學校的教學法只係受谷與否問題  
當然適應小一又係另一問題

加樂爹

rabbitbaby1 發表於 23-11-15 01:15
唉，咁嘅方法，令小朋友細細個已經好憎讀書，失去學習嘅動力

中文門檻真係比英文高.  細路睇英文youtube, 學下拼音, 大既可以起步接連到閱讀.但係中文唔得, 要認字; 要背誦短句, 才明白語法, 寫作才會好.

呢個係我呢4年同阿仔讀既感覺.

學習動力...我認為是陪讀, 陪記, 比空間佢去寫作.
學校有套學習時間表, 而家長就到小朋友能力, 亦須要有一套時間表.
閱讀是樂趣, 都要父母看到佳句, 看到好的故事, 同佢一齊延伸這個樂趣.

佢現在四年級, 前暑假接連自己看了幾套衛斯理, 間中看西西既石頭與桃花; 朱自清的描述家庭情境, 形容荷塘月色或春的景物, 都寫得很美, 文章寫法與他小學課本都近似, 當時和他記憶下, 寫了些短文; 之前半陪讀看了文字版的三國人物, 都看得津津有味, 歷史有個認識, 能夠延伸讀下去的興趣.

我覺得方向對了, 佢可以自己找到中文閱讀既樂趣了.

我純粹在這裡分享, 沒有說方法是否一定對, 反正EK就是應該正面及經驗分享罷.

rabbitbaby1

加樂爹 發表於 23-11-14 15:46
講開中文, 初小不唸書, 到高小都要唸....中文好像是要記, 要唸出來, 但首先要肯生字默寫.
生字都唔識多個,  ...

唉，咁嘅方法，令小朋友細細個已經好憎讀書，失去學習嘅動力

rabbitbaby1

bighero 發表於 23-11-14 16:30
每個小朋友性格同情況都唔同, 有啲谷得, 有啲唔谷得。有時有啲家長, 安排大既小朋友同細既小朋友係唔同學校 ...

rabbitbaby1

jacky0579 發表於 23-11-14 11:55
睇樓主既留言, 大概都知咩情況, 舊個間係一間仲用緊好舊式既教法, 其實有啲犯規, 一般學校下午個兩節係做啲 ...

多謝你呀。完全講中晒我心聲，中晒point,分析得好好 希望津校都改革下啦， 因為唔係每個人都有夠膽轉校。
而家我仔每晚臨瞓前，都同我講，以前好驚同好唔鍾意返學，而家好鍾意返學。我都覺得好感恩

bighero

加樂爹 發表於 23-11-14 15:23
學習有好多不同方法, 隨著小朋友成長, 有時覺得由記憶主導, 轉為思考主導, 都是反覆需要的.

家長跟得緊,  ...

每個小朋友性格同情況都唔同, 有啲谷得, 有啲唔谷得。有時有啲家長, 安排大既小朋友同細既小朋友係唔同學校讀, 因為谷得既會嘗試去谷同學術好既學校, 唔谷得既會去相對happy既學校。

所以揀間啱自己小朋友讀既學校好重要。