教導男仔心德

tigerbee

有冇人可分享下教男仔心德？對住個仔無感好重
欠專心、自律唔好，只做自己有興趣嘅事（其他事就hea 做）、「差不多先生」嘅朋友

gcm100906

其實老公嘅角色好重要
尤其是小朋友三年班之後
佢哋需要一個 靠得住嘅男性 作為佢嘅榜樣
最重要嘅係一定要同老公溝通好
如果小朋友唔係同爸爸一齊住
咁可以考慮吓會唔會有一啲男性嘅親人 可以同小朋友相處下
一齊出去玩運動 訓練體能及抗疫能力  
如果唔鍾意呢啲嘅可以一齊玩吓桌上遊戲 訓練智慧   
最重要嘅係身教  平時對人嘅態度 說話會透露你嘅價值觀 呢啲對小朋友好有影響

貓頭鷹之家

我果件都係喜歡的事先做。其他都冇所謂，睇開啲。

tigerbee

加樂爹 發表於 23-10-6 10:13
依你說, 阿仔好似小左條backbone, 就算他讀書不太差, 但怎樣看就是不順眼.  個人欠缺了意志, 行動力, 紀律 ...

多謝你用心回覆！
之前好忙，昨天再上嚟見到你嘅回覆，多謝你嘅提醒

我小朋友比較平庸，讀書一般、運動一般、音樂無天份，最致命嘅比較懶⋯

可否分享下教育兒子嘅心得？

加樂爹

tigerbee 發表於 23-9-20 10:58
有冇人可分享下教男仔心德？對住個仔無感好重
欠專心、自律唔好，只做自己有興趣嘅事（其他事就he ...

依你說, 阿仔好似小左條backbone, 就算他讀書不太差, 但怎樣看就是不順眼.  個人欠缺了意志, 行動力, 紀律, 目標!
我想, 對男仔劃出來的圈子, 可以包含學業成績, 甚或者根本與學業成績無關係...
我要我仔正正常常, 比我可以溝通到的價值觀.
例如責任感, 反省對錯, 要補救要付出, 正面討論, 事急先後...


我以上說不包括學業, 是因為我不清楚你兒子能力及情況, 所以留個空間.
(有些小朋友, 性格/能力不在書本上, 但父母總要找到他別的優點, 可以成長的方向)

以上只是我對我仔性格, 能力評估後, 認為單用時間表規律, 企硬, 做不到效果外, 亦太睇少了一個人將來可以追尋自己學識, 獨立意見, 甚或在朋輩, 社會, 國家自己的位置.

究竟樓主怎樣幫阿仔劃這個圈? 應該依過去7年對阿仔既能力, 心態作出評估.

以上只是大方向!

大家都是摸著石頭過河, 這是以年計算, 跨個整個小學的大工程罷!

家長要想一想, 你想怎樣劃圈子?
配合到阿仔性格, 配合到能力嗎?
父母, 孩子, 整個家庭付出情感及時間, 怎樣平衡?
家長願意付出多少?

細圈有細圈劃, 大圈有大圈的不同教導方法, 當然有不同著力點及評核標準.

家長每事想一想, 到阿仔高小時, 應該累積到很多睇法及處事方法.
不會由一年級到六年級, 都是單一規律叫佢讀書, 應該好多想法可以同阿仔分享, 討論....
那時, 不用到街外買清一色的通識教育書本, 連自己都唔同意既道理, 要硬塞阿仔去為考試去讀罷!

或許, 眼光應放長遠, 在了解及溝通上.

P.S. 7 歲應該未能理解阿爸苦心, 不過, 家長若是有心, 要好好留意觀察, 去思想, 漸漸定下柜架.

Jenny1219

今年小三，功課多左多，又深左。早d訓練，多練習係有幫助的。小二時候閱讀理解，數學好低分。我趁6月考完試，各科買了一本小三練習做。可以觀察下佢思考模式，教佢先看題目，再用間尺幫手看，關鍵字圈低。每日做一科。再加d獎勵，我就做完一本就暑假買玩具一件。后期佢閱讀理解啱九成至全對。有信心就會表現好。后來佢想做d其他玩樂，例如打機，見先完成一份才可加時。數學亦一樣，多練習使佢地習慣，習慣題型，trick,有信心就會自己做，做得快和準。而家上小三，多左好多功課，佢係學校自己完成數學，閱讀果d,真係用腦如作文就要我指點下，冇辦法，男仔心散，今年我收左佢iPad,  只係星期六玩一陣，過多電子玩具係唔專心的，而家返來玩一陣lego. 一般一日6至7樣功課通常食飯后一小時內完成

lambeanmama

LeeCC 發表於 23-10-2 08:44
男孩子不專心，坐唔定，可以先讓他每日做運動，回家沖個涼，才坐定做功課溫習
...

是。前年個仔上堂心散，班主任老師叫我們加運動時間；雖然好似疲倦多了，但又真係做功課/上堂也專心了。

LeeCC

男孩子不專心，坐唔定，可以先讓他每日做運動，回家沖個涼，才坐定做功課溫習

Baymax

小孩上到小學功課量增加, 又要默書, 好容易對學習失去興趣, 變得不積極, 功課有得交就算, 這情況十分正常, 我的孩子當年也是這樣, 但係因為佢喜歡睇英文書, 漸漸在班中英文科有優勢, 激起佢既鬥心, 又發現數學用小小心機又可以勝過其他同學, 呢兩科成績好其實已經令佢在同學間有優越感, 佢之後自己搞掂自既野, 變得有鬥心

lambeanmama

retriever 發表於 23-9-26 11:24
老公未必敢答話細個時有同樣行為態度, 怕被扣上 "就是因為老公DNA" 的帽子
...

我和外子從小已認識。不用問也知佢啲DNA係點。(emoji)(emoji)(emoji)

老公自己揀，無等怨，唯有努力教個仔。(emoji)

Anne_Hall

lambeanmama 發表於 23-9-26 08:32
我覺得男仔咁樣是好正常的。當然做阿媽嘅也一樣憂心和焦慮。

我仔小一前也是非常聽話受教的。小二時，更是 ...

我大仔幼稚園到小一好乖，會聽話做野，而家剛升小二，就係覺得佢懶左，啲野唔用心做，錯好多，而家要跟返緊佢功課⋯

希望佢遲吓好似你小朋友咁開竅，因為佢既媽媽，係中四先開竅⋯

beastiebistro

我自己係爸爸，我對我小朋友嘅教養參與度同太太不相伯仲（甚至可能略多）。我哋從來唔分黑白臉，錯就兩邊都一樣咁「丙」，佢哋冇得匿。暫時我對我嘅「出品」都滿意，16/7歲連反叛期都冇試過。當然每個人都唔同，不過我自己接觸範圍，只要父親有積極參與教養嘅例子，基本上效果都唔差。
相反，父親唔參與而唔聽教嘅比比皆是。

lambeanmama

beastiebistro 發表於 23-9-26 12:30
雖然唔清楚你家庭狀況，個人認為父親對教養參與度係關鍵。

無論媽媽幾努力，如果爸爸唔參與（無論係坐喺一 ...

「爸爸的參與」這一點我萬分同意。

男仔真的十分「睇爸爸頭」做人。我仔會視爸爸為一個「標杆」。唔差過爸爸佢就覺得自己「贏左」(emoji)

beastiebistro

雖然唔清楚你家庭狀況，個人認為父親對教養參與度係關鍵。

無論媽媽幾努力，如果爸爸唔參與（無論係坐喺一邊玩手機，或者咩都話冇所謂，又或者一味淨係做白臉，或者淨係負責玩），咁功效都係事倍功半。

尤其男仔係睇爸爸頭。

我個人就建議，盡快同另一半傾下，勸佢積極參與。

retriever

lambeanmama 發表於 23-9-26 08:32
我覺得男仔咁樣是好正常的。當然做阿媽嘅也一樣憂心和焦慮。

我仔小一前也是非常聽話受教的。小二時，更是 ...

老公未必敢答話細個時有同樣行為態度, 怕被扣上 "就是因為老公DNA" 的帽子

lambeanmama

我覺得男仔咁樣是好正常的。當然做阿媽嘅也一樣憂心和焦慮。

我仔小一前也是非常聽話受教的。小二時，更是要出盡九牛二虎之力去幫佢。

現在小四，我覺得佢「突然開竅」，會有目標（即使你未必認同的），也會努力朝目標去做。

我目前的做法是，陪佢實踐佢自己訂下的目標（如要爭取代表學校出賽某項目），搵教練，花時間陪練。同時讓佢明白我對學業的期望（如每份功課都認真小心完成，我不用分數/名次去衡量）。我支持佢追夢，佢也願意配合妥善完成學業基本功的要求。

同意男女大不同。有時問吓老公佢細個嘅情況，你可能會發現自己個仔都唔係太差。(emoji)(emoji)(emoji)(emoji)

小曳人

我自己就:

重視孩子學習興趣，多加培養，但唔好當成一定有成果，我會睇成係建立自信，同學習動機

學捉棋，對抗逆力有好處

多d愛同溝通，教自理，分享自己成長嘅失敗經歷，有愛同安全感之下，孩子一定唔會學壞，亦唔怕同家長分享"衰咗"嘅野

家長長期進修，睇書，運動，做好榜樣

大家努力呀!

infong2011

tigerbee 發表於 23-9-21 13:23
7歲
幼稚園時好聽話，上小學就變咗了，愈來愈難搞

7歲反叛期好正常，尤其男仔～好難叫佢地自律，不過可以執下專注力，其他可以向佢有興趣既事物發展

lot888

好正常喎。唔信問吓你亞媽，或你奶奶你自已或你老公細個時情況。你俾小明友佢自由發展，受朋學影響，遲早會收正。過多的干預可能對佢探索世界，成就自已未必是一件好事，家長常祈望小明友聽聽話話，圍在自己身邊成長，跟自已想法而行，其實你知道這是不可能，反而順勢而行，只在最懷情况下引導小朋友走出困境更可取。如果你真實問题是擔心小朋友學業，那你可以看看其他貼，太多小朋友高小才發力，呈分才發力，初中，甚至高中才發力，最後成積一樣鶴立雞群。你又會看到很多家長出盡辦法，雞精隨身，躋入名幼，名小，最後無以為继，未能進駐band1中學，有些挽強入倒，都長期守尾門，继而離場，遠走他地。所以無須太緊張，留些空間俾自己，俾小朋友，只要小朋友能維待向學之心已非常足夠。小朋友過早張學習变成壓力，继而討厭學習才是最大問題。

retriever

tigerbee 發表於 23-9-21 13:23
7歲
幼稚園時好聽話，上小學就變咗了，愈來愈難搞

男仔, 小三下學期開始, 或者接近高小, 會開始駁咀...