IB & DSE

天外之人

這個主題好像影響各家長想小朋友將來入大學之路選擇，在升中版停止了討論，但為以後既小朋友學習路，值得討論一下。


看到有專業家長提及IB 的歷史原因係支持外交官及經常relocation 的家庭，這一點我係十分之認同及有需要，始終香港係國際社會，有不同地方國家既家庭小朋友搬遷到來生活，自然相應用他們地方的教學方式學習，這樣冇咁容易不適應。  我既著眼點係，香港教育制度做得唔好，且有點識英文會有高人一等心態，以便從小偏向英文重於中文學習幣處(有數據講先識英學中困難過先識中學英)，自然慢慢中文能力越來越抗拒，心態上為了入大學偏向這個IB模式方向學習，從而令本土既DSE不吃香，且更令部份如有位med.家長所指本土學生不公平心態。

我唔否認IB有佢既好，DSE亦都唔係差，衹係一個小朋友有心學習，向那一種模式都一樣可以。衹係教育局應該係要攪好自己梗式，令本土既人對自己地方既教育模式唔抗拒，讀到各地大學認可人才能力，自然其他地方大學都一樣招攬，本地大學更多於招收，咁先係香港教育制度之福。


講到直資有IB學習咁好，家長又真係十分願意交學費，自然學校唔怕冇學生，政府就更唔需要資助IB學校，它們都一樣有能力辦好，應將更多資源投放於DSE統一學校仲好，若然直資都教DSE，那便統一跟所有學校一樣教學，咁樣政府才可給予教學資源比直資學校。  唔明白家長為何會怕統一教學，最起碼大部份家長唔會因此有選校煩惱，北區同中環學校都係一樣咁學，資優學生可在網上學取到高知識(唔明白可小休或放學時候向老師提問)，唔需要學校去遷就呢類學生，這樣每間學校就在於老師教學能力(老師更唔會固步自封)，且學校就更用心向著學生和老師，唔會衹為了學校名聲去教學，容易走向壞方向發展(德信學校就是其中一個例子)。

天外之人

回覆 retriever 的帖子

所以你所指的兩樣野都係從小品行方面培養,根本唔關孩子讀書好唔好問題. 當然可以話讀書孩子這個階段係佢既"責任".讀唔讀得好係佢既將來要"承擔",好與唔好都要負責任下去,但稔真啲,會唔會因為咁更局限及影響所謂IB思想孩子發揮.

唔好誤會我,我支持你所講孩子都要有「責任感」及「承擔」,我衹係覺得你提的這兩點,唔會影響到孩子學得好同唔好而已.

ANChan59

planetearth 發表於 23-5-11 16:33
我仔系IB學校由細讀上去, 所以語文沒有問題, 因為他由小到大都不喜歡看書, 細個時我的確比較擔心語文. 但原 ...

你兒子應該冇乜問題啦，只係他的目標清楚就冇問題。

他中文是好嘅，英文就不到 native 程度，在倫敦工作生活就沒有問題。

planetearth

ANChan59 發表於 23-5-11 15:33
冇pre-assessment 這個就是重點，學生水準會好參差，加上大班教學，多人drop out 就不奇怪了，什麼學制都 ...

我仔系IB學校由細讀上去, 所以語文沒有問題, 因為他由小到大都不喜歡看書, 細個時我的確比較擔心語文. 但原來大個左語文閱讀, 寫作,分析,溝通等樣樣都來得順其自然. 好似都無咩struggle, 比我想像中好, IB學校在語文方面是培養得幾好, 是浸出來的. 只是中文用得少比較差. 但第2語文可以選擇低級一點的來讀. 但就讀唔到雙語文A了.

至於獨立research也是IB的優點. 也是由細到大浸出來. 加上老師好有經驗support. 所以有時同佢傾佢做的projects, 好似成個現成可以出來社會工作. 若要做到有料到的research projects,有紮實的知識基礎是很重要的.

ANChan59

planetearth 發表於 23-5-11 14:38
科大個課程沒有pre-assessment, 不過要學校推薦. 學生提供學校成積表及其他能力証明(若有). 學校是推薦資優 ...

我又記得阿仔當年高小有參加過校長推薦的所謂數學增潤課程，係教育局舉辦的。係冇評核嘅，校長推薦績優學生為主，少部分係真嘅數學資優，讀咗一個課程就冇上，因為太淺。

個導師係我大學同學，浸大助理教授。他將個proposal給教育局，批咗有$就教，不是主要針對資優學生。當時還未有HKAGE，好似係荃灣什麼馮漢柱小學上堂。

ANChan59

planetearth 發表於 23-5-11 14:38
科大個課程沒有pre-assessment, 不過要學校推薦. 學生提供學校成積表及其他能力証明(若有). 學校是推薦資優 ...

冇pre-assessment 這個就是重點，學生水準會好參差，加上大班教學，多人drop out 就不奇怪了，什麼學制都會非常辛苦！

我知道香港中大及科大，美國史丹福及約翰普金斯的資優課程，其中一個主要目的係ear marked 一大批有潛質的學生，他們一直讀，到大學的時候會優先考慮一直讀開嘅大學。

到阿仔否決去美國讀大學，咁史丹福的學分就係作廢。每日得24小時，咁就學其他更啓發他的成長及更有用的soft skills。

你仔已經獨立去research，學習，再讀上去數理能力絕對冇問題，咁就可能考慮提升語文及soft skills，這正好係資優數理男的普遍弱項，數理進度慢咗，但致命弱點會降低嚴重性及改善過來。你們可以考慮一下！

planetearth

ANChan59 發表於 23-5-11 00:30
噢，你誤會我的意思。

以我的有限經驗，這樣的增潤或者資優數學課程是要pre assessment ，了解個別學生水 ...

科大個課程沒有pre-assessment, 不過要學校推薦. 學生提供學校成積表及其他能力証明(若有). 學校是推薦資優生地報名. 例如物理及數學有pre-stage, L1, L2, L3,要一級級讀上去. L3要返科大跟大學生一起上堂. 成積B-或以上可以升級. 其實我想表達的是讀到個課程的是那些基礎已經比較紮實的, 多數讀到個課程的時候都唔使人幫. 我仔都系自己讀, 無人幫, 唔識要自己鑽研. 試過問老師, 老師都唔系即時識答, 都系要自己再努力. 我是說若要達到相關基礎, 好多要先超前學習, 初中之前多數都系父母自己安排的增潤 (或者有些學校特選些資優生培養),我仔都系我比課程佢自己學,有時跟下有無交功課,初中前唔識時我都可以教, 之後的學網友形容: “去到高中，其實佢已經有足夠扎實的能力脫離我的魔掌”佢系學校的所有projects系自initiate, 學校老師會support.你仔是個很有主見又優秀的年輕人, 很值得大家學習, 難得父母又通情達理.

ANChan59

天外之人 發表於 23-5-11 11:53
ＩＢ＆ＤＳＥ都有各自好壞地方，有心讀書讀那一種制度都可令自己發光發熱。
－
香港既大學居然都係功課多 ...

閱

天外之人

ANChan59 發表於 23-5-10 19:00
我只是想講，香港中小學教育制度特徵是什麼？最大垢病就係功課多，過度操練，忙忙忙！

到大學還是功課多 ...

ＩＢ＆ＤＳＥ都有各自好壞地方，有心讀書讀那一種制度都可令自己發光發熱。
－
香港既大學居然都係功課多？這點我真係唔知，不過我都比孩子自己選擇，眼光放遠啲，唔需要局限一定要在香港讀大學。中小學教育制度有啲問題呢點我講咗好耐，反而我覺得最大垢病唔係功課多（有興趣自然做得好快，亦唔會影響思考學習），但為了入什麼學校問題，而做成過度操練訓練浪費時間呢點就十分認同最唔應該（靠特異功能入學校呢樣更唔好講），更甚就從幼稚園開始型成這問題出現，點會令到小朋友容易有興趣向真正學習方向發展，刻意鋪排到中學後家長（未必如願入心中理想學校），控制不到後居然又識翻睇孩子興趣係咩便讀咩，可能已經浪費了之前時間（不過遲到總比無到好）。

－
有興趣／開心學習本應從小培養出來，成績一定未必會係好，但肯定唔係Bonus，且仲要係學習既根本，孩子自然培養學習永遠都比刻意培養學習好。

ANChan59

planetearth 發表於 23-5-10 22:15
點解陳sir咁斷章取義嘅.貴公子同我兒子都系超前學習數學, 貴公子中一就讀Calculus了, 我仔都系大約中三先學 ...

噢，你誤會我的意思。

以我的有限經驗，這樣的增潤或者資優數學課程是要pre assessment ，了解個別學生水平然後分程度分班入學。理論上一班同學水平差唔多，跟讀什麼學校，什麼年級及年齡冇乜必然關係。除非我估錯，科大係唔分班，不同程度讀同一班。

如果分班，按你上面講國際學校學生較多選海外課程，所以我估班上較多本土課程學生，佢哋理論上基礎扎實，如果多人drop out，我才覺得奇怪。如果要父母幫忙嘅，基礎上我覺得係唔扎實的表現。

我冇跟得咁貼，在兒子讀到美制初中尾開始慢慢放手，高中數學增潤課程時，我完全放手，所以他有試過個別modules 肚佬，咪要重讀補考，失敗也是好的學習經驗，特別是資優生。

到他確定不會大學讀純數，工程或者理科，冇興趣讀Stanford，那些AP，Credit 變咗冇乜用，跟我們商量之後，停咗增潤數學，將時間放在非數學科目，特別在語文及電腦。

planetearth

ANChan59 發表於 23-5-10 21:27
你這樣說，drop out 很可能是本土課程學生，你不是說他們知識扎實，這麼多人drop out.
...

點解陳sir咁斷章取義嘅.

貴公子同我兒子都系超前學習數學, 貴公子中一就讀Calculus了, 我仔都系大約中三先學. 就算local school, 好多普通家庭學生或父母不是你同我讀理工科, 或有時間睇得緊. 都未必有資源超前學習咁多, 可能只跟學校大班學習. 個course 比較多local學生讀. 比較唔到IB學生. 就算報讀的, 都會是超前學習過的. 而且, 個course無限年級. 可能有些好細個. 我想講的只是個課程頗深, 幾有挑戰. 好采我仔鍾意, 又可以幫他打底, 他若數學不夠強就沒有足夠的認知去做個頗深奧的research.

ANChan59

planetearth 發表於 23-5-10 19:31
我以前帶他去過上堂, 在課室外裝過. 應該大多都是local學生. 我兒子這兩年只上網課, 唔識分D同學是local或 ...

你這樣說，drop out 很可能是本土課程學生，你不是說他們知識扎實，這麼多人drop out.

planetearth

ANChan59 發表於 23-5-10 19:05
已經算係資優班，而要drop out 嘅全部都係 lB學生？抑或也有 NSS學生？

我以前帶他去過上堂, 在課室外裝過. 應該大多都是local學生. 我兒子這兩年只上網課, 唔識分D同學是local或國際/IB. 亦不知同學仔幾多年班.  國際學校應該比較多報讀外國大學的Pre-U 課程.

ANChan59

planetearth 發表於 23-5-10 18:30
無錯比較drill, 基本上要靠自律及自學. 如果沒有自己延伸學習, 基本上跟唔上. 我兒子話唔少人drop.
他比較 ...

已經算係資優班，而要drop out 嘅全部都係 lB學生？抑或也有 NSS學生？

ANChan59

planetearth 發表於 23-5-10 18:36
其他大學教學是否比較靈活? 會否是大學資源有限, 要大班較學, 我以前不在香港讀理工科都系好傳統大班教學,  ...

我只是想講，香港中小學教育制度特徵是什麼？最大垢病就係功課多，過度操練，忙忙忙！

到大學還是功課多多，UST university of stress and tension 唔係浪得虛名。我唔明部分Ek家長認為是好事？我的回憶係冇咁忙，多咗時間思考，追求發展興趣及方向。

如果其他大學不是那麼催谷，仍然保持不錯水準，成熟及獨立思考嘅大學生自然識得揀！

香港每間大學文商及電腦科per head cost 差不多，醫科及有大型lab work 工程，理科會多啲。

planetearth

ANChan59 發表於 23-5-10 15:55
我在另一個講engineering 嘅帖都comment，科大教學功課係幾香港式小學中學化，我認為大學教育不應該這樣， ...

其他大學教學是否比較靈活? 會否是大學資源有限, 要大班較學, 我以前不在香港讀理工科都系好傳統大班教學, 當然NN年前的事就唔知而家的新情況了. 中小學小孩子未成熟, 應該靈活教學, 大學基本上要自學教授的課堂主要都給學習範圍. 真正學了什麼還要靠自己去研究.

planetearth

retriever 發表於 23-5-10 08:32
其實你講既這個科大班，是傳統方式那種：超前Drill 喎。

無錯比較drill, 基本上要靠自律及自學. 如果沒有自己延伸學習, 基本上跟唔上. 我兒子話唔少人drop.
他比較低年級時報過, 因為未夠基礎, 所以drop左. 現在數學夠紮實了, 就讀得很開心.

planetearth

ok_ko 發表於 23-5-8 14:16
看了你的數個貼。關於數理，我有一些看法。首先我孩子是讀本地課程，所以我并不完全了解IB。我所論述的只是 ...

謝謝你分享, 你是很用心的家長. 我讀數理科,所以希望兒子數學強些. 在兒子高小至初中時開始報了網上的數學課程, 他基本上要自學, 自己睇片, 自己做功課, 自己思考, 不懂的我會教, 當他還小的時候, 我要跟他一起做功課鬥快鬥誰做得對, 當陪佢打機.順便要mon住他的進度.
難得他學得算快, 所以學完就好快升級上去. 你說的無錯:“去到高中，其實佢已經有足夠扎實的能力脫離我的魔掌”可能因為他習慣網上自學, 所以他學programming(及其他), 也是自己報網上course自學. 主要還要自己對programming有興趣.喜歡programming,同喜歡打機多有點關係.

你所說的無錯, 好多概念都會重覆學習. 應該會建立不錯的基礎, 問題是發覺有些小朋友如果基礎不夠紮實, 就不夠信心, 不敢接受挑戰. 不敢多思考,之後就開始避. 現在比較易請補習老師,如果未經深度思考就問人解題, 就少左磨練腦筋. 我兒子都無玩奧數, 沒太大興趣就沒有迫, 我反而覺得他的中學數學學得比較全面及紮實更好. 他們IB學校由小到大都鼓勵閱讀, 一般人人看書多語文會比較好, 多閱讀不外乎是在語文科多練習, 數學是另類一種語言,也要多思考才會精. 我就覺得, 孩子在那裡建立了自信, 就會對那裡的學習有興趣, 我讓他在數理有自信, 他就有興趣.他有能力及passion,不防給他一點增潤課程.

ANChan59

retriever 發表於 23-5-10 08:32
其實你講既這個科大班，是傳統方式那種：超前Drill 喎。

我在另一個講engineering 嘅帖都comment，科大教學功課係幾香港式小學中學化，我認為大學教育不應該這樣，但部分家長們樂此不疲！

retriever

planetearth 發表於 23-5-6 22:45
兒子做的research project拿獎, 是香港的
團體及學校舉辦的, 要經學校選拔完一隊再出去參賽. 不是特別了不 ...

其實你講既這個科大班，是傳統方式那種：超前Drill 喎。