大家小學有冇開始補習？

pinkladycat

小一 ，呀女依家出左去一間專補數既補習 ，
諗緊好唔好搵一個補全科既上門好d   大家有冇以經開始補緊？補習社定上門？

dididada00

piglover 發表於 23-3-7 19:08
專科專人專補最有用。
不過，價錢一定唔平。

同意, 現時市面的補習社如下:1) 父母需要外出工作, 無暇照顧學業, 只靠工人姐姐, 但大部分工人姐姐不能照顧學業, 但又想慳錢, 唯有
     是但找一間屋企附近的補習社放低孩子做功課, 等父母放工接走, 這種功課班一般收費較平, 小朋友學
     唔到野, 但適合家長把補習社當作托兒所, 如果不是以上原因, 這種功課班真是既浪費金錢又浪費時
     間;
2) 父母需要外出工作, 無暇照顧學業, 屋企有錢, 便去X研, X民等專科補習, 但這些所謂專科班通常一個導
     師對一組4-8個學生, 有些什至同組學生來自不同年級, 這種專科班通常較功課班好;
3) 不論父母需要外出工作與否, 屋企有錢, 真心想孩子成績好, 又或者想升中入名校, 就搵私補一對一教,
     如遇到好導師, 通常一對一私補最有效, 但較昂貴;

說到小朋友做功課問題, 需要做幾耐可以有很大出入, 有些家長指定孩子放學回家稍作休息10-15分鐘洗過面去過廁所食過下午茶就要開工做功課, 做功課時關電視拿走手機, 如果小朋友專心做功課而又識做的話, 通常1-2小時內或吃晚餐前可以完成. 相反, 有些家長容許孩子做功課時邊看電視或邊玩手機或邊看YT, 咁樣做功課梗係做得耐啦, 又或者有些小朋友雖然也算專心做, 但太多野唔識, 咁又係做得耐, 不能把所有責任推到學校.

booboo_long

自己教冇補習，1對2係好攰，尤其要教功課默書考試，但小朋友成績亮麗，共同進退果隻感覺係無價。
童年只有一次，只要佢地需要我，我都會繼續陪佢地讀書，補習冇自己跟得咁貼，加上返全日真係好攰，補完真係冇得抖架，見到都心痛。

chanwendy

個人真係接受唔到咁細個就補習, 小一就要補, 點讀上去? 我兩個小朋友, 大的今年中五, 都係上年中四下學期先開始補英文, 細的今年中二, 都仲係冇補習, 自己搞掂去.

天外之人

fibe0313 發表於 23-3-23 21:27
我女d同學仔多數都係低分補。但普遍係小朋友專注力無咁強，上堂唔吸收，惡性循環。同意樓上所講，作為家長 ...

所以有小朋友既家長,可以講係冇咁自由,且肯定係會辛苦好多,又要想舒服享受,又要小朋友學得好,唔係單靠因為小朋友先天好就得,各小朋友先天都有好既一面,衹係家長既後天做法做成孩子咩成果.
-
專注力會同享受係成正比,每個人對某樣野特別上心,自然就會更專注那件事. 正常幼稚園及初小學的東西,怎麼可能會好難?開心去學正常一定可以學得到,衹係家長既要求及付出既時間和耐性係好重要, 低分補唔係問題,怪就怪為了入讀好學校,補些越級課程等等,所以點解講學校都係做成家長這樣子.

fibe0313

天外之人 發表於 23-3-23 17:39
唔知有冇統計,睇到好多冇補習孩子都可以輕鬆學得好,家長普遍都係冇咩排名要求,對小朋友自然咁學到知識就足 ...

我女d同學仔多數都係低分補。但普遍係小朋友專注力無咁強，上堂唔吸收，惡性循環。同意樓上所講，作為家長，每日功課睇住，會了解到當日老師教既，丫女識幾多。唔明白既地方我自己會再教。我覺得咁樣做，比出面跟功輔班好。

Jean1769

天外之人 發表於 23-3-23 17:39
唔知有冇統計,睇到好多冇補習孩子都可以輕鬆學得好,家長普遍都係冇咩排名要求,對小朋友自然咁學到知識就足 ...

我都唔明，咁細就要補習，幾時補到高中？朋友小孩無補習，讀神校都仲係中上游位置。佢話咁早補習會減低小孩學習興趣喎

天外之人

唔知有冇統計,睇到好多冇補習孩子都可以輕鬆學得好,家長普遍都係冇咩排名要求,對小朋友自然咁學到知識就足矣.  特別在於由幼稚園到初小就要小朋友補習這些,小朋友真係有咁差? 還是過早就想小朋友小一就有小四知識心態? 教育學習理應循序漸進穩固基礎,得一想二想快心態不應存在,且對小朋友身心發展正常都唔好. 就好像伊朗沙特事件咁,某國得一想二心態做事,多年來一事無成仲攪到人哋叫苦連天,但另一國簡簡單單就可以解決雙方問題,其實都係同一道理.

Lisahan

小一，讀三私，有補英數專科

天外之人

回覆 swh2020 的帖子

家長冇咁大要求,做到小朋友唔抗拒學習,自然學習動力都提高.

swh2020

我仔今年小六畢業，從來沒有補習，成績從小一開始不斷進步，最近也都考到級前三，反而很多初小就開始補習的同學到5、6年級的時候成績排名退後。作為家長，我會監督平時做功課質量，唔明的地方會要求跟進搞清楚。

cherrieshum

pinkladycat 發表於 23-1-27 01:52
小一 ，呀女依家出左去一間專補數既補習 ，
諗緊好唔好搵一個補全科既上門好d   大家有冇以經開始 ...

我阿女中三，阿仔小六從沒有補習。

linggo

回覆 pinkladycat 的帖子

功課班...操卷

Godark

連休息都冇乜時間仲補！children at primary age are old enough to tell you what they want and need, just ask them

加樂爹

其實不單考慮學習成績決定係咪要補.有效, 有系統學習方法, 好像太刻板.

多一點同理心, 就覺得辛苦, 同心痛, 都好兩難.

留意下小朋友情緒, 同生活平衡.

jbbmom

小三, 暫時無補, 成績中等, 阿媽收貨, 返全日已經好忙, 唔捨得佢咁辛苦

chiubbbb

今日又有小朋友睇唔開做飛人，其實做家長，係咪除了睇業績，仲要照顧下子女身心靈呢！大家都要反思，上完一日課，仲要去補習，做功課，溫書，沒完沒了

kekawai

我都準備同小朋友報補習班。
原本以為我1對2搞得掂2個小一，但我高估左自己耐性同小朋友自覺性。唔篤住都唔溫書。第一次評估一個中上，一個中下，唔想再差落去。但都有d 心痛咁細個就每日長時間補習！

pinkladycat

eeffocoffee 發表於 23-3-13 22:41
放學補習好攰，但追唔上又無辦法一定要補

係呀 ，有時見到都心痛 ，仲多功課

pinkladycat

gloryu2 發表於 23-3-13 22:00
補習定義係放學搵人補，定去出d專科班。例如大眾教室，數妍，學英文呢類呀。我細女小一，有自己教，都有試 ...

望過大眾 ，都分得好開 中文同作文係分2個課程 ，令我卻步。