2023年澳洲放寬技術移民政策

Activehealth

https://www.sbs.com.au/news/article/five-australian-visa-opportunities-for-2023/b9s2o1nto?cid=newsapp:socialsharether

Band5

Activehealth 發表於 22-12-27 10:59
https://www.sbs.com.au/news/article/five-australian-visa-opportunities-for-2023/b9s2o1nto?cid=newsap ...

有錢人最怕啲窮親戚癡飲癡食，嚟分身家，呢啲屬於私有財產安全。

皇族貴族最怕啲平民賤民嚟爭權爭利，呢啲屬於血統地位安全。

富裕國家最怕第三世界國家嚟分享技術專利，分享資源，呢啲屬於國家安全。

ANChan59

Activehealth 發表於 22-12-30 18:25
澳洲是個島國，感覺上是很安全，但其實危機重重。

澳洲也有船民問題，因為北面很近的距離，就有東帝汶 Ti ...

我有些奇怪，印尼天然资源都算丰富，総存量当然不能跟澳洲比，若果以全世界来比较也是中上水平。

很多欧美国家歧视印尼，因为是依斯兰国家，但中东国家又认为他们不夠正统，身份地位尴尬。

ABC-DAD

Yanamami 發表於 22-12-30 18:35
https://en.wikipedia.org/wiki/Demographics_of_Australia

澳洲相對印尼、韓國、PNG和週邊島國當然算是樂土。
要不吸收移民，不定未來可能會走向25宇宙

Activehealth

Yanamami 發表於 22-12-30 18:35
https://en.wikipedia.org/wiki/Demographics_of_Australia

其實一啲都唔出奇，我識好多97前香港過嚟嘅移民，佢哋啲父母都係中國內地出世，帶住香港出世嘅佢哋，再申請埋內地出世嘅父母，－齊嚟澳洲。雖然佢哋一家兩代都住咗喺香港幾十年先移民，係正宗香港人，但因為個stat 係計country of birth, 所以一家大多數人都係來自中國大陸，只有他－人來自香港。

識最近一家移民Sydney 的朋友，她自已+老公+老公一家都係大陸出生。雖然佢兩歲已經嚟咗香港，佢老公都係，但澳洲統計將佢自己跟老公一家都當來自中國大陸，只有剛在港出世個仔係來自香港。

Yanamami

ABC-DAD 發表於 22-12-30 14:54
感覺很安全穩定啊

https://en.wikipedia.org/wiki/Demographics_of_Australia



其實相比印、中，移民去澳洲既香港人好少好少，仲少過韓國人。

Activehealth

ABC-DAD 發表於 22-12-30 14:43
澳洲有嚴重國家安全問題嗎？

澳洲是個島國，感覺上是很安全，但其實危機重重。

澳洲也有船民問題，因為北面很近的距離，就有東帝汶 Timor-Leste及巴布亞紐幾內亞Papua New Guinea PNG。東帝汶離澳洲最近距離只有530km，從東帝汶開小艇已可抵達澳洲北地沿岸。東帝汶一半人口活在貧窮線下，澳洲北地人湮稀少但生活水平比東帝汶高得多，
偷渡來澳洲是很多人的夢想。

PNG 離澳洲更近，只有150km，有說從PNG 划小艇已可可抵達澳洲。PNG 政治混亂，人口急速增長，官方人口為940萬，但有估計人當地人口已達1700萬。連PNG 總理也承認不知國家實際人口多少，加上當地教育、醫療設備匱乏，國家實在難以支持。

澳洲跟印尼之間的水域，有極豐富石油資源，一旦被封鎖澳洲通往世界各地的出口也被封住了。澳洲跟印尼間領海的爭議，已經維持了幾十年，澳洲支持東帝汶逃出印尼控制下獨立，及背後支持PNG政府，就是用這兩國作為屏障擋住印尼。印尼是亞洲人口最密集國家之一，天然資源貧乏。相反澳洲人口是印尼的1/10但天然資源豐富，若印尼有什麼舉動，澳洲一定會先發制人。

澳洲人深明國家看似安全但其實危機重重的道理。雖然沒有像新加坡般男生要強制服兵役，但國家很鼓勵年輕人參軍（不論男女），待遇福利非常不錯。家人亦曾在澳洲軍隊服務，據悉裏面也有不少華人面孔。

ABC-DAD

感覺很安全穩定啊

ABC-DAD

澳洲有嚴重國家安全問題嗎？

ABC-DAD

Activehealth 發表於 22-12-29 17:05
又俾你估中添！

依家除咗Adelaide 外，我另一想長遠住嘅城市就係Perth。Perth 其實都同Adelaide 好似，都 ...

旅遊會考慮嘅，不過對曾經長時期行種族政策嘅國家，短住還可以，移民大概要看緣份。

Yanamami

Activehealth 發表於 22-12-30 06:35
識唔少土生土長澳洲人，佢哋一世都未去過Western Australia WA 亦無打算去，唔似我哋呢啲「異鄉人」會在澳 ...

自成一“國”，那衹是戲言。正正就是礦產豐富，“富甲一方”，才令人覺得WA可以漠視Federal，自己很有say一樣。


話時話，真希望可以攞番Port Darwin. 維護國家安全。

Activehealth

Yanamami 發表於 22-12-29 18:37
根本澳洲人就覺得WA已經好似自成一“國”，脫離左其他省一樣。

識唔少土生土長澳洲人，佢哋一世都未去過Western Australia WA 亦無打算去，唔似我哋呢啲「異鄉人」會在澳洲不同地方漂泊。

但其實經濟上，澳洲經濟好依賴礦產出口，佔2021澳洲GDP 差唔多15%， 其中絕大部份磺產在WA。全世界差唔多一半鋰、1/3鐵、1/10黃金都產自西澳。

西澳地大、人少、海岸線長，每年有不少非法入境者從隣國試闖，西澳極需要澳洲聯邦政府保護其珍貴資源及維持领土完整，所以實際上西澳不可能自成一「國」，不存在獨立脫澳問題。

相反，澳洲現在的做法是盡力吸納海外移民，來填保這片偌大土地、鞏固國家勢力以維護國家安全，這是更明智、更長遠的做法。

Yanamami

Activehealth 發表於 22-12-29 17:05
又俾你估中添！

依家除咗Adelaide 外，我另一想長遠住嘅城市就係Perth。Perth 其實都同Adelaide 好似，都 ...

根本澳洲人就覺得WA已經好似自成一“國”，脫離左其他省一樣。

Activehealth

ABC-DAD 發表於 22-12-29 16:01
咁我諗下唔去日本玩，睇下有無緣份去Perth +Adelaide增度見聞先。

又俾你估中添！

依家除咗Adelaide 外，我另一想長遠住嘅城市就係Perth。Perth 其實都同Adelaide 好似，都係風景優美、空氣清新、著重多元文化（好多馬來西亞、新加坡華人）。仲有，Perth 同香港同時區無時差，完全可以同步在網上處理香港大小事務。香港飛Perth 比澳洲其他城市都近及有直航，唔洗8粒鐘已經到好方便。反而香港飛Adelaide依家CX 同Qantas 都無咗直航，要在Sydney 或Melbourne 轉。

Perth 主要靠礦產收入，早幾年金價颷升，Perth成為澳洲發展最快城市，經濟大旺，好多澳洲人移居Perth。 中國大陸公司買咗唔少澳洲鐵、煤、鋰礦，派了大批人員去西澳，同留學生學習採礦技術。

所以西澳樓價，物價呢幾年升咗唔少。仲有Perth 都好大，唔揸車好唔方便，相對Adelaide 呢邊公共交通較好。西澳大部分地方係沙漠，出咗Perth 就好荒蕪，同澳洲其他東岸大城市如Sydney/Melbourne 又遠，內陸機都要成四粒鐘，反而Perth 飛Singapore 都係五粒鐘，未有COVID 時好多時Perth 飛Singapore 機票有特價，價錢同飛Sydney/Melbourne 差唔多， Perth 人寧願揀去Singapore.

ABC-DAD

Activehealth 發表於 22-12-29 12:29
Adelaide 間物理治療學院，歷史悠久、世界馳名。我讀書個年代，物理治療學生必讀的經典手法治療著作作者Pr ...

咁我諗下唔去日本玩，睇下有無緣份去Perth +Adelaide增廣見聞先。

Activehealth

ABC-DAD 發表於 22-12-28 22:02
小說裏面有時提他心通，我估係指撞彩
Adelaide係我細個聽阿姨講嘅，佢早期養和護士畢業無耐就移民澳 ...

Adelaide 間物理治療學院，歷史悠久、世界馳名。我讀書個年代，物理治療學生必讀的經典手法治療著作作者Prof Geoffrey Maitland，是當代澳洲物理治療界代表人物，就是來自Adelaide 這間學院。

只是學院後來併入University of South Australia （不是Group of 8 澳洲八大），俾唔識貨行外人嫌棄。就算依佢啲教授如Prof David Butller 同Prof Lorimer Moseley 都係世界知名，佢哋嘅物理治療研究達領導世界地位。

Activehealth

Yanamami 發表於 22-12-28 21:58
我大女對QLD都無乜好感，人比較冷漠，天氣亦太濕。

近期港人移民的似揀Adelaide, Brisbane同ACT多？

近年好多香港人送咗仔女過嚟Adelaide 呢邊讀小學、中學，自己申請陪讀visa嚟住。因為呢邊學費、洗費（租金+買本地食品）都比Sydney/Melbourne/Brisbane/Canberra （ACT)平。早年澳洲政府收容咗好多柬浦寨、越南難民來Adelaide 落腳，依家佢地已經完全紥根（絕大部份已完全富起來，所以治安無問題），第二、三代基本上巳同其他澳洲人同化，所以Adelaide 其實比Sydney/Melbourne 更multicultural 多元共融，相對種族歧視較少。

Brisbane 尤其Sunny Banks 果邊，住咗好多香港/大陸新移民，啲Asian malls （都幾雜亂）開到好似加拿大咁，可以完全唔洗講英文，其實個人感覺不是太好。

Canberra 其實好細得好少人，大多數係打政府工，租金買野貴到飛起（比Sydney仲要貴），去過幾次唔見太多香港人（在ANU內有），但絕對無Sydney/Melbourne 啲大學咁多。

ABC-DAD

Activehealth 發表於 22-12-28 18:37
本帖最後由 Activehealth 於 22-12-28 19:03 編輯

你梗係有天眼通，知道我現在正身處Adelaide。

小說裏面有時提他心通，我估係指撞彩
Adelaide係我細個聽阿姨講嘅，佢早期養和護士畢業無耐就移民澳洲，佢話阿德嘅醫院係燒傷專家，我有個澳洲朋友皮膚癌都係Adelaide住左好長時間做稙皮。

Yanamami

Activehealth 發表於 22-12-28 18:37
本帖最後由 Activehealth 於 22-12-28 19:03 編輯

你梗係有天眼通，知道我現在正身處Adelaide。

我大女對QLD都無乜好感，人比較冷漠，天氣亦太濕。

近期港人移民的似揀Adelaide, Brisbane同ACT多？

Activehealth

Joe8889 發表於 22-12-28 20:11
回覆 Activehealth 的帖子

你現在定居澳洲？

不是，香港工作，放假返澳洲充電。