如果你仔女被欺凌?你哋會點做?

j927tijs

本帖最後由 j927tijs 於 22-12-23 22:16 編輯

我相信應該比機會個小朋友．我仔仔係心地善良．有同理心．返學乖巧．最多有時離開座位．而另一位就常常唔聽話唔聽教．經常欺負或打同學．但我仔仔真係非常唔好彩．成為目標．同對方家長客氣講．得不到想要的回覆或結果．唔開心嘅嘢都唔想多講．想集思益廣．睇下各位家長會點樣處理?唔該哂！

j927tijs

Bobook 發表於 23-2-16 14:14
回覆 j927tijs 的帖子

如果同學校反映過無用，就同家長反映。每一次出事都同個小朋友家長反映，不斷地反映 ...

而家冇事喇！好滿意學校嘅處理手法！班主任亦盡心盡力保護我仔仔！真係好好彩！多謝你嘅回覆！

j927tijs

cbgmama 發表於 23-1-29 16:57
樓主，我完全明白你既遭遇
因為我仔小一時也經歷過
我仔也是一個非常講規矩同乖既小朋友

首先多謝你嘅回覆，大家遭遇情況其實都好相近！好在阿仔比較聽話亦都好乖，日久見人心，漸漸老師發覺到各
果位比較曳嘅小朋友嘅真面目，老師亦會經常鼓勵同讚我仔仔，又會畀好多任務我仔仔做，例如派薄，幫老師手同埋畀佢做小老師教其他小朋友 從而增強小朋友自信心！其實仔仔讀緊間學校校風好好的，只係嗰位小朋友我諗可能家庭背景問題，係比較特別難教嘅一個！真係好替佢嘅家長擔心！

Bobook

回覆 j927tijs 的帖子

如果同學校反映過無用，就同家長反映。每一次出事都同個小朋友家長反映，不斷地反映，無論點佢都會問返自己個仔掛? 真係唔得，我諗我會去學校等個小朋友，問下佢點解要蝦我仔。
另外，都建議要教小朋友點應對同保護自己。

我囡都試過被欺凌，唔係好嚴重，係D普通推撞、言語間取笑佢咁。我哋教佢要好明確(即係目露凶光)話比蝦你既人知你好唔鍾意咁樣，唔好再係咁；如果佢再推你，你要好大聲咁話唔可以。好彩我果次同家長反映過後就無再發生。

cbgmama

樓主，我完全明白你既遭遇
因為我仔小一時也經歷過
我仔也是一個非常講規矩同乖既小朋友
所以當升到一年級時
太多唔同背景嘅小朋友
有啲非常「醒目」，蝦完人仲識對住老師講大話，顛倒是非，可幸是我仔成績非常好，又文靜，所以老師相信我仔（呢個世界就係咁奇怪）
而「蝦」人既內容亦非常小學雞，改花名，行落樓梯慢少少又取笑人，考試考100分又笑人，之後開始過份偷人文具，掉垃圾落我仔書包，繼而上電腦堂推跌我仔。我仔每晚都喊，問點解d小朋友咁曳
我其實每次都有安慰仔仔，有教佢唔好理，或者講唔好，或者同老師講。而且由第一次開始已經有打電話俾學校，有直接同校長傾。最後，亦好彩因為疫情同社運停課，暫時停左呢啲事情，我最後亦選擇同成功轉左校，而家返學返得好開心

如果搵左學校幫手都無好轉，我建議轉校
搵一間校風好嘅學校

祝生活愉快

j927tijs

Kellytai 發表於 23-1-19 22:53
學校只會容忍搞事嘅學生,因為怕麻煩== > 你點知學校一定會容忍？ 我小朋友間學校都有小二生發生過被欺凌嘅 ...

呢個係事實．雖然好曳嗰位小朋友經常畀老師罰．但校方不斷比機會壞的小朋友去改過．可能呢啲就係正向教育．暫時好彩叫解決咗件事．多得班主任接納我所有提議．同埋盡力去保護我仔仔．真心估唔到有呢個outcome．可能我係怕事媽媽．冇乜事都唔夠膽麻煩到校長．只係會同訓導主任同埋班主任傾．   anyway,多謝你回覆．

Kellytai

j927tijs 發表於 22-12-24 22:57
首先多謝你回覆．你嘅建議好好．奈何我又唔想搞大件事．擔心會有反效果．否則受害者去投訴,好有可能令校方 ...

學校只會容忍搞事嘅學生,因為怕麻煩== > 你點知學校一定會容忍？ 我小朋友間學校都有小二生發生過被欺凌嘅事，家長搵左校長、校長即時約見兩邊家長同3個老師面談講清楚，之後無事發生啦，如果間學校會冷處理，咁做家長一係叫佢還手，一係唯有轉校

zbt

zoey1105 發表於 22-12-30 10:46
幾大個，唔似意外吧

小一

zbt

j927tijs 發表於 22-12-29 23:21
多謝你嘅回覆同賜教．首先聽到你囡囡嘅經歷．好心痛但亦都好高興佢能夠將問題解決．其實我都有叫阿仔要還 ...

還手呢個方法唔係個個家長都buy, 也絕對唔係教育專家和書籍贊同的方法，但確係最有實效的方法。(當教育專家和老師的方法都唔work時，保護仔女最實際)。

zbt

j927tijs 發表於 22-12-29 23:21
多謝你嘅回覆同賜教．首先聽到你囡囡嘅經歷．好心痛但亦都好高興佢能夠將問題解決．其實我都有叫阿仔要還 ...

其實我女還擊欺凌者後佢都有向老師投訴，我女也有向老師解釋係欺凌者動手先，佢還手係保護自己唔再受傷，並且我女膝蓋受傷咗幾次老師也睇到傷口，所以冇責怪我女。而家嗰個女仔同我女冇乜交流，也冇再主動襲擊我女啦。

zbt

BB-Tiger 發表於 22-12-29 20:55
幾年級？

小一

bananaGi

j927tijs 發表於 22-12-29 23:21
多謝你嘅回覆同賜教．首先聽到你囡囡嘅經歷．好心痛但亦都好高興佢能夠將問題解決．其實我都有叫阿仔要還 ...

可唔可以實際講下 人地做左D咩????

打頭, 仲有點蝦你仔?

bananaGi

zbt 發表於 22-12-26 18:20
我女被同學推倒在地上數次，次次膝蓋破皮，原因係我女小息時同其他同學玩，冇同佢玩，仲掉咗我女嘅文具和 ...

嘩, 勁!

zoey1105

zbt 發表於 22-12-26 18:20
我女被同學推倒在地上數次，次次膝蓋破皮，原因係我女小息時同其他同學玩，冇同佢玩，仲掉咗我女嘅文具和 ...

幾大個，唔似意外吧

doublebmama

我會和嗰位欺凌同學的父母聯絡

j927tijs

woooiiii 發表於 22-12-28 18:51
係個仔，我就咩嘢都唔會做。

多謝回覆．但個人認為小朋友冇辦法應對．作為家長必需要保護

j927tijs

zbt 發表於 22-12-26 18:20
我女被同學推倒在地上數次，次次膝蓋破皮，原因係我女小息時同其他同學玩，冇同佢玩，仲掉咗我女嘅文具和 ...

多謝你嘅回覆同賜教．首先聽到你囡囡嘅經歷．好心痛但亦都好高興佢能夠將問題解決．其實我都有叫阿仔要還手．因為其中一次襲擊真係可能有性命危險．但可惜阿仔比較純真．平時好乖．做一次犯錯竟然畀老師發現．真係慨嘆點解呢個世界咁唔公平．所以先唔知點做上嚟問下大家．忍讓又唔可行．還手又被誤以為都係壞學生．真心好無奈．

BB-Tiger

zbt 發表於 22-12-26 18:20
我女被同學推倒在地上數次，次次膝蓋破皮，原因係我女小息時同其他同學玩，冇同佢玩，仲掉咗我女嘅文具和 ...

幾年級？

woooiiii

係個仔，我就咩嘢都唔會做。