係咪個個小一生都咁忙

shayuyu

我小朋友喺一間外界稱為"相對"叫"輕鬆"嘅小學讀緊小一12月開始返全日, 坐校車大約4:30返到屋企
個個星期起碼有3日有小測/默書/評估, 試過4日
平時大約4-5樣功課, 星期六日最多7樣
學校亦"鼓勵"小朋友睇多D書, 要寫閱讀報告, 一個月大約要睇中英文書各8本(睇唔夠會比老師寫手冊話欠交)
個個星期都要做學校中英文網上平台嘅練習, 雖然都輕鬆, 但都要時間
個個月要背4-5句金句, 亦要求小朋友做家務, 家長要日日mark低有無做(唔想做假)
另外有學樂器, 老師要求佢每一日都要練習
亦有上phonics班, 有時有一版功課要做

個人感覺小朋友上小一之後已經無乜空閒時間, 星期六日有時溫書, 就算唔使溫書, 因為平日未必有時間睇書, 所以星期六日又要睇返d書嚟寫閱讀報告, 仲要背金句。想同佢去玩都唔敢去成日, 朝早起身都要佢做功課+溫書+睇書之後先可以出去。

其實呢間學校仲叫唔叫"輕鬆"? 係咪其他小學仲多嘢搞?

有時心諗好唔好cut咗樂器同phonics, 但係兩樣佢都鍾意..

只係想了解吓.

shayuyu

Siusiu5 發表於 23-1-11 21:51
係咪深水埗區私校？

唔係只能講係私校
唔想開名

Siusiu5

zoey1105 發表於 22-12-30 10:48
見過原本話happy的，轉左校長大改革

係咪深水埗區私校？

zoey1105

見過原本話happy的，轉左校長大改革

Jean1769

retriever 發表於 22-12-22 11:03
城中出哂名"專學術" 的學校, 小一都係好少功課, 3-4項包埋改正. 有叻仔讀到小六, 話做功課從沒超過20分鐘. ...

神校？

retriever

shayuyu 發表於 22-12-14 14:48
我小朋友喺一間外界稱為"相對"叫"輕鬆"嘅小學讀緊小一12月開始返全日, 坐校車大約4:30返到屋企
個個星期起 ...

城中出哂名"專學術" 的學校, 小一都係好少功課, 3-4項包埋改正. 有叻仔讀到小六, 話做功課從沒超過20分鐘.
多空閒時間係俾學生發展興趣, 主要任務係睇書, 9月至4月完成最少80本, 唔駛做讀書報告, 只係填張表, 每本寫書名, 加一半句感想, 家長小簽!


因為空閒時間多, 絕大部份同學睇書超標, 過百本是常態.

藴藴

shayuyu 發表於 22-12-21 08:57
你仔仔好叻，咁快做晒功課

我都唔明點解要搞到啲小朋友咁忙，返學時學嘢，放學輕鬆吓唔得咩… 學校好似要 ...

仔仔小二啦，有啲同學放學就去補習社溫書+功課，晚上先回家食飯休息訓覺，我覺得咁樣好慘，無童年。

天外之人

shayuyu 發表於 22-12-15 23:34
我就係想知！
我報呢間學校係因為外界稱佢為happy school, 想對輕鬆
但係讀咗就發覺小朋友都好忙好忙

乜小學稱佢為happy school？家長定義happy school係咩?我就唔會要呢啲所謂既happy school,反而令小朋友 happy learning就好足夠啦.

shayuyu

藴藴 發表於 22-12-20 22:10
小一已經咁辛苦，高小點算？我小朋友讀緊個個都話谷既區內一線，功課30分鐘內完成，星期六日會多啲，一個鐘 ...

你仔仔好叻，咁快做晒功課

我都唔明點解要搞到啲小朋友咁忙，返學時學嘢，放學輕鬆吓唔得咩… 學校好似要小朋友全日除咗瞓覺之外都要做緊佢啲嘢咁

藴藴

小一已經咁辛苦，高小點算？我小朋友讀緊個個都話谷既區內一線，功課30分鐘內完成，星期六日會多啲，一個鐘左右。
每個學期4次中文默書 4次英文默書，一次唔計分嘅評估，一測一考。
每日都會去公園玩2個鐘，睇ipad25 25分鐘，晚飯後溫書30分鐘，仲有時間睇課外書同玩玩具，9:30-6:30訓覺。
小朋友仲細，咁辛苦為咩

Haha712

回覆 zbt 的帖子

好誇張, 我小朋友每日6:30am起身我已經覺得好早!

woooiiii

學校谷家長就鬆手點；學校頹家長就要谷返。
咁就配合學校政策啦。

WongSiuYee

我小朋友 也一月開始FD 返， 擔心中

fupigpig

fibe0313 發表於 22-12-19 22:41
我女仲未開始全日，但其實都忙。。。學校每日4至7樣功課，一個月默2-3次書，一樣有網上練習，有練琴同小提 ...

外界覺得係點都唔重要，咁學校係咪話自己係輕鬆？？
我同意有d二線校會忙過一線校，尤其係一d教學方向亂、只靠功課測考默去谷嘅二線校。
我小朋友係由二線校轉去一線，而家一線高小，輕鬆過以前喺二線校低小。重點係老師教學方向偏亂，但又一大堆功課，有時我想自己/tutor再教好基礎都需要時間，基礎都未穩又要「趕住清」左d功課明天交，結論係忙得嚟唔知為乜

fibe0313

shayuyu 發表於 22-12-14 14:48
我小朋友喺一間外界稱為"相對"叫"輕鬆"嘅小學讀緊小一12月開始返全日, 坐校車大約4:30返到屋企
個個星期起 ...

我女仲未開始全日，但其實都忙。。。學校每日4至7樣功課，一個月默2-3次書，一樣有網上練習，有練琴同小提琴，有學畫畫，phonics,劍橋英語，足球。基本上每日放學1點20返到黎屋企，食飯，做功課，練琴，網上練習，沖涼完就差唔多6點食晚飯。。。睇書就有時候朝早食完早餐，睇10至20分鐘書先出門返學。屋村普通學校，勝在5分鐘返到學。但都無咩時間玩。1月返全日都唔知d時間點算。。。

shayuyu

TAIOU4 發表於 22-12-19 15:45
樓主一招拋磚引玉
果真高手

你呢啲陰謀論高手
我所講句句屬實

我拋磚引玉嚟做乜呢
我得到乜嘢著數？

睇書：有寫少無寫多

金句：老師會幾忙？小朋友背比家長聽，叫家長簽名確認. 我唔會同小朋友做假。有時亦會喺學校叫全班一齊背

zbt

supervi 發表於 22-12-19 15:10
朝早5:40 起身真係好辛苦, 請問小朋友係咪都係晚上9點上床瞓覺呀?

係，夜晚9:00上床，冬天朝早上校車時仲未天光，好似上夜校。

TAIOU4

樓主一招拋磚引玉
果真高手

淨係講 "一個月大約要睇中英文書各8本" 已經天荒夜談啦
"個個月要背4-5句金句" 即係老師要做到好甘, 邊鬼度有咁多金句?

相當有可擬