卷幼想轉校 - 急跳船

Kismart0423

本身小朋友區內私幼N 都讀得唔錯雖然疫情停課停左好耐 仲眼見小朋友係學到野 課程深 英文口音似足鬼婆
但今年轉左區內口碑好好既卷幼K1
但返左幾個月學 發現唔係好學到野 食緊老本
仲聽聞 K3無教重組句子 無默書
真係好擔心 有種每日返學都浪費緊時間既錯覺
好後悔當初見佢係全港排名咁前 好多人話難入 仲要AM 又係附近而揀左佢
課程比N班更淺 外藉是菲律賓口音 沒有show and tell
極少功課 我真係接受唔係好到 未幫呀囡了解得好清楚就揀左佢係我唔岩

想幫小朋友轉返私幼
請問有咩質量好又比較易插班既私幼推介呢？ target 直私

York, Joyful,崇真？？！

快樂火雞

Jean1769 發表於 23-2-12 14:37
咁多？但當中幾多個係N無先

畢竟聖保羅男女附屬幼稚園。N無應該好少，SKH個名就已經係加分項。SKH係多過LH所有分校加起來的。
所以不要問LH還是SKH了。

Jean1769

快樂火雞 發表於 23-2-12 08:57
聖公會今年入coed的不完全統計最少有30。沒算call waiting。

咁多？但當中幾多個係N無先

快樂火雞

ifcsir 發表於 23-2-12 01:56
但係樓主玩少功課，明我好似出名多功課
自己都收到明我Offer

我也沒辦法對上邊間。通常排名高的券幼，一係港島幾間，聖大，聖保羅堂，一係迦南啟思。
聽落唔係港島，咁可能啟思 綠楊那些吧。

其實香港會操練小朋友考小的，主要係幾間私幼，大部分券幼都係以自理快樂為主，家長要按目標選學校的

快樂火雞

Jean1769 發表於 23-1-6 17:13
本帖最後由 Jean1769 於 23-1-6 17:14 編輯

因為佢哋為左個嘜頭，然後自己出去補到夠

聖公會今年入coed的不完全統計最少有30。沒算call waiting。

ifcsir

快樂火雞 發表於 22-12-4 09:39
因為無開名，所以我都好難估係邊間幼稚園。
如果話出名深，我想到的大概是明我之類的幼稚園。

但係樓主玩少功課，明我好似出名多功課
自己都收到明我Offer

都好想知樓主講邊㗎

CamilleLily

回覆 Kismart0423 的帖子

考幼考一條路都漫長，有時未必個個身邊都有朋友經歷緊/過，呢度大家互相幫忙支持好好！

Kismart0423

回覆 kitshek 的帖子

其實我係expect佢K2 先寫字 因為太細寫字係會寫壞手 無謂既執字粒亦有機會令小朋友失去學習既興趣
之前間學校係有show and tell 有表演
真心好鐘意依part 真係train到小朋友presentation skills, confidence
真正咁幫到小朋友 而屋企係好難做到
反而你話寫字 預習做功課 都可以家長屋企自己睇

然而我發現小朋友只係背答案（應該係上堂時老師已講定功課答案）
對我嚟講一星期一次既功課都變得無晒意義
以前做功課 真係test 到小朋友識唔識 跟到學校進度 起到溫習作用
而家我題目都未講 佢圈到個答案 但我唔會覺得佢係叻左 真心覺得好失望

Kismart0423

回覆 CamilleLily 的帖子

始終一間學校太多學生未必係好事 其次係好多野自己唔係太鐘意 例如 態度 小朋友返黎真係會有樣學樣
例如電視教學，我好難想像一個三歲小朋友望住個50寸大電視上堂
然後鼓勵我地每日最多使用一小時電子產品 （上堂都上左兩三小時吧 哈哈）

另外，我都唔敢太過谷小朋友 始終太細個專注力有限
最重要還是搵到學習既樂趣 更重要唔想影響親子關係
傳統名幼大慨都係中文為主吧 事實上中文係比較難學


你講得好搞笑 突然kick著左 我都好想知我個個kick唔kick得著 哈哈
你小朋友更叻 相信佢已經入到心儀小學了

上得黎大家討論下 其實我好多謝大家既回覆、PM
每個我都有睇又自己諗下接落黎既路應該點行 有時一個人真係諗唔到咁多野
而家都開始釋懷 努力去搵外補 努力去參加網上既各大比賽 盡力就好

如果 可以比我發返場夢
我會想佢入到 仁立仁紀陳守人聖方濟 我都劏雞還神了！

共勉之！

SerenaYuen_FB

kitshek 發表於 23-1-10 12:54
其實政府設計個幼稚園課程係有原因，因為有大B細B，原則上K1唔會寫字，K2寫單字，K3就寫句字。名私幼專收大 ...

Agree，讀咩都好，媽媽肯比心機，唔會差。但都明有d 家長好忙或唔想自己教，甘私幼的確係好d。

kitshek

其實政府設計個幼稚園課程係有原因，因為有大B細B，原則上K1唔會寫字，K2寫單字，K3就寫句字。名私幼專收大B，自然可以教得深啲，但去到K3其實相差無K1-K2咁大。

大部分直私小學面試都唔會跳級考你小一二嘅嘢，佢都係考正常幼稚園課程，例如聽中英文指令、用中英文仲紹自己，認中英文生字等。

但除此之外好多仲會睇小朋友有無興趣同能力閱讀，例如俾本書要你讀返本書出嚟，呢啲如果父母有同小朋友一直都有伴讀嘅習慣，其實唔難。但如果父母一直唔投資時間心機落去，只係靠幼稚園，咁我可以講就算佢有幾多NET，教埋Show and Tell，都唔足以令小朋友喺呢部分做得好呢部分。

CamilleLily

回覆 Kismart0423 的帖子

如果學術同關愛都無，轉校係好事。
就咁聽小朋友好叻好受教，記憶力亦好，相信之後K2學術要追唔難~

坦白講你小朋友係超前添，只要家長肯花時間精神就得，唔好灰心～

同埋考直私遊戲，最初道聽途說要百般武藝要小二程度…
但玩完發現其實學術要求無想像中咁高，不論神校名校，
過左某個level就OK～
之後可能睇小朋友性格特質學校家底（unknown….）
（當然學術型果幾間據證人口供係深既如SMC, SFA, 但都絕非要小二程度）
不好意思，打咁大篇文….
大家共勉之！

或者樓主可分享下心儀邊間/邊類小學嗎？

Kismart0423

回覆 SerenaYuen_FB 的帖子

唔係聖公會學校，如果係順氣可能順d 哈哈只係地區比較好既券幼 但全港排名40幾左右
（入左去先知原來係勁多比賽要參加 咁幾百人總有人攞獎
然後入到本區熱門小學既都係有呀哥家姐跟尾既 所以排名未高囉）
小囡當日都有幸有間龍幼收左上午班
當時亦都係擔心課程銜接小一同距離校車問題而最終忍痛放棄左
但當我10月拎齊書本教材時就知出晒事 程度有一段差距
例如人地字卡學緊新年、進步、西瓜等詞語，
你仲停留緊連續4星期都係學緊個「鼻」字！
（要靠自己入間好既小學 係要谷到屎屎下去追返）
所以如果想小朋友學到野就要想清楚 建議可以睇下書單先

如果比我再揀 我會揀間語境好既普通私幼 （起碼唔駛擔心學術 返學溫習就得）
因為家中無語境 中數可自己教 當然入到神校除外
純屬個人意見 家家有求 人地覺得適合自己去到又未必
揀學校係好難！

CamilleLily

回覆 SerenaYuen_FB 的帖子

係，唔止神校，相信考得一線直私，英文都唔會差，家庭亦肯俾資源（不一定指外補，可以係家長自己教，我都係自己放工/放假教英普，親子玩boardgame一齊計下數學logic)如學校有語境當然好（例如見你提過既TT我聽完talk覺得好impressive，佢除IS外NET應該全港最多）
我想表達係學校NET少唔一定無語境，好既學校會用不同方法鼓勵學生多講多表達，如English drama, show and tell，都會形成風氣有助學生講多d。

期待熟識SPK既多分享校內學習情況可幫到你手～

原po樓主，抱歉離題了……

SerenaYuen_FB

CamilleLily 發表於 23-1-8 23:49
學校有NET當然好，呢樣私幼係優勝既，因為有較佳語境。但個人認為NET數量並非學生英文程度唯一指標。
例如D ...

我唔知我甘唸岩唔岩，有錯請指教：
St paul coed, 男女拔個d入得去好多都英文勁或唔差（native 的都唔少）。英文分聽講讀寫，香港教育主要train 小朋友讀＋寫，所以唔擔心，亦唔關有無net 事。但如果想聽講好，一個真英文語境學校（eg net 數量，學校裡面是否講英文）就變得重要了。我聽其他家長分享，神津eg st joe, mps, 神校內小朋友係講英文的，就算唔多net，但因為本身同學仔英文勁，好多native，所以自然都成形個靚的英文語境。所以神校唔須要net 多，小朋友聽講讀寫都好。

但聖保祿好少人講，我聽人話佢小學都係講廣東話，學校又無net，甘小朋友聽講好係因為咩因素？係唔係因為靠家長發功？請問有無人知內部環境。

CamilleLily

學校有NET當然好，呢樣私幼係優勝既，因為有較佳語境。但個人認為NET數量並非學生英文程度唯一指標。
例如DGJS, Goodhope出名英文好，但其實學校NET數量唔多，
除卻家長會進補外，相信學校編寫課程係用心，教得好。
我見DG既自家制工作紙係有心機既，幫小朋友係初小打好基礎。

SerenaYuen_FB

Kismart0423 發表於 23-1-8 22:25
回覆 Jean1769 的帖子

我而家就係覺得好辛苦 返學之餘仲要拎住第二間私幼既materials 得閒教下佢老實講係 ...

想問下小朋友係邊間幼稚園？spk? 聖公會？

我等緊spk 放榜，細囡都有幾間龍幼同happy school 係手，本身唸住如果spk 收就spk，因為有靚龍，但當研究完，發現幼稚園同小學都係要家長出力谷（我無唸過連小學都無net，甘佢英文好同band 1a 點黎，我只能相信是家長出盡力，如有錯請更正），學校好似幫唔到手，我就係驚到時返完學，如果仲要甘出力同小朋友外補，應該大人同小朋友都會好辛苦，我唸我都係讀返教到野的學校算，返正我唔係target 佢間 band 1a 中學。

Kismart0423

回覆 Poyau 的帖子

唔好意思 開唔到條link 睇唔到不過邊間都唔重要 重要既係 有龍讀龍 有能力就讀私
希望大家唔好好似我咁 揀錯左出到去就差左一年
其實唔係做晒校服比埋下學期錢買書 我真係想即走
好過日日係度浪費時間 （最慘聽聞下學期學寫字 K2開始谷寫字）
排隊時聽到好多家長都有微言 寫得唔靚一定要寫到靚
俗稱執字粒，本人又唔係太buy依樣野…一陣驚左寫字做功課就得不償失了

Kismart0423

回覆 Jean1769 的帖子

我而家就係覺得好辛苦 返學之餘仲要拎住第二間私幼既materials 得閒教下佢老實講係教唔晒 因為佢主要食飯訓覺返學已用左好多時間
另外仲要搵外補 咩聖誕新年workshop drama zoom class..
準備考trinity oral GAPSK…仲要學校勁多咩咩比賽活動 （我只能揀黎參加 好多都已參加唔到）
寧願有時間都教下佢野 盡量去補返佢每日失去個三小時
坦白講 係點補都補唔到 一黎唔想小朋友同自己太大壓力太辛苦 二黎真係時間有限
依個係我深深既體會 如果時光可以倒流 我一定寧願揀間無名既私幼
始終學到既係小朋友身上 而唔係為學校去爭排名

Jean1769

SerenaYuen_FB 發表於 23-1-7 14:40
Spk 都係，學術出名淺都甘多人想入，你就知家長出力先係最緊要

SPK唔同喎，有條靚的接近龍。SKH乜都無