代問：轉唔轉中中好？

Rpp

  朋友叫我代問大家意見，佢唔識玩EK佢個女抽奬入咗區1A中學，無奈英文底子極差，真係一見到英文就唔掂個隻。

  用咗各種方法補習未見進步，英數如果有中文解釋做卷就睇得明，可以高分。老師都覺得煩腦，無中文解釋就即死。現除咗中文，中史係掂之外，用英文教嘅科目都唔合格。

   佢阿爸阿媽考慮再三強調俾一年時間努力，如果英文再唔掂，與其係度係咁搞英文又唔掂不如轉去2B/2C中學入中文班授課，此方法可唔可以行？
  但係轉2B中學雖有中文教學，英文可能會更加差，群埋啲唔太想讀書嘅同學真係睇自己造化，如何好？

Raccch

回覆 Rpp 的帖子

太誇張了，Phonics只係俾幼稚園小朋友學拼讀等佢地早啲可以自己睇書，學得好就早啲可以獨立閱讀，大個串字都容易啲。中學生就算英文點樣差應該都不用從Phonics學起了，其他學科成績好應該記性不差，單詞落苦功去背去睇一段時間後點都會有改善。唯一可能係語法同作文要慢慢提高。

天外之人

回覆 Rpp 的帖子

呢啲班根本就唔應該上,唔係真正去學野,為了考試而去做出效果而已.考完就忘得一乾二淨的畢業人仕.

天外之人

回覆 Rpp 的帖子

是否因為根本都未明白.

Rpp

Yanamami 發表於 22-12-9 13:55
同媽咪熟，咁平時佢無同你請教下咩？通常媽咪間經常傾學習上同課外活動野。 ...

Yanamami

Rpp 發表於 22-12-9 13:49
唔同學校，只係同媽咪比較熟。

同媽咪熟，咁平時佢無同你請教下咩？通常媽咪間經常傾學習上同課外活動野。

Rpp

Yanamami 發表於 22-12-9 13:39
其實你女咁叻，你唔早啲幫下佢女英文？到而家先追，仲要個基礎差成咁，好難搞喎。 ...

唔同學校，只係同媽咪比較熟。

Yanamami

Rpp 發表於 22-12-7 10:49
我已經將你嘅提議轉發俾朋友睇，佢非常感謝您。

其實你女咁叻，你唔早啲幫下佢女英文？到而家先追，仲要個基礎差成咁，好難搞喎。

Rpp

Yanamami 發表於 22-12-8 23:51
84分點都係B喎。

三呈加埋係Band one生。

gracelam

Rpp 發表於 22-12-8 13:07
除非一個可能，間小學英文廢。

間小學英文廢，最終學生都要去考pre s1，呃唔到人㗎？!

呈分8x冇理由差成咁，一係老師大放水，背晒答案去考。

Yanamami

Rpp 發表於 22-12-8 13:06
唔係，佢只係英文差，牽連有英文科目都差，人哋排名後過佢嘅碌入同一間都跟到，我都唔知點解佢英文操卷操 ...

84分點都係B喎。

Rpp

2010YL 發表於 22-12-8 12:57
回覆 Rpp 的帖子

多口問句，會唔會原本係Ｂ２／３學生大抽獎抽到Ｂ１學校？ ...

除非一個可能，間小學英文廢。

Rpp

2010YL 發表於 22-12-8 12:57
回覆 Rpp 的帖子

多口問句，會唔會原本係Ｂ２／３學生大抽獎抽到Ｂ１學校？ ...

唔係，佢只係英文差，牽連有英文科目都差，人哋排名後過佢嘅碌入同一間都跟到，我都唔知點解佢英文操卷操到84分，英文仍然咁差。

2010YL

回覆 Rpp 的帖子

多口問句，會唔會原本係Ｂ２／３學生大抽獎抽到Ｂ１學校？

車車Wong

jesswu 發表於 22-12-7 08:02
英文始終避不了，即使轉中中。
加上小朋友唔想轉，不如鼓勵下佢痛下苦工比d時間執一執。

好有心! 我睇完都有得着

Rpp

jesswu 發表於 22-12-7 12:56
祝你朋友早日找到解決問題的方法

多謝(emoji)(emoji)

jesswu

Rpp 發表於 22-12-7 10:49
我已經將你嘅提議轉發俾朋友睇，佢非常感謝您。

祝你朋友早日找到解決問題的方法

Rpp

jesswu 發表於 22-12-7 08:02
英文始終避不了，即使轉中中。
加上小朋友唔想轉，不如鼓勵下佢痛下苦工比d時間執一執。

我已經將你嘅提議轉發俾朋友睇，佢非常感謝您。

jesswu

Rpp 發表於 22-11-26 11:40
佢係用thank you ＂friend橋＂譯上中文。叫一夜情記憶。

英文始終避不了，即使轉中中。
加上小朋友唔想轉，不如鼓勵下佢痛下苦工比d時間執一執。

首先，拼音如果唔識要盡快學返。而家咁大個學，本身有英文底，要學返到夠用唔難。幼兒由ABC單音開始學要年半至兩年(1星期1小時計)，但已有初中英文程度(成績差打個折當佢小五程度)要學返快好多。學識之後見字能讀，聽聲能書，對讀和寫兩方面都好有幫助。

同時搞返好grammar. Grammar好死，有rule 跟，要學返好唔會太難。之前應該係概念鬆散所以學上去跟到甩曬。由小三文法溫返起，一路上，d野佢有學過再學返會好快。鞏固返個concept, 仲有操返d置詞同片語其實都差不多。

之後是comprehension. 閱讀理解有困難，通常係因為內文有太多唔識的生字，所以睇唔明。一時三刻好難一下子建立字庫，可先學技巧，學inference, 其實唔需要一字不漏識哂成篇野才解讀到文章內容答到題的，有strategies 同tactics 學。當然長遠還是最好增建字庫，呢樣要從閱讀入手，由淺文章或中階Chapter book 讀起，起碼先學習讓眼晴和腦袋對接收英文字不抗拒。

再到寫作。小朋友英文唔叻執起枝筆一定難以落墨，但一定要有個開始。寫唔掂唔衹關乎作文，而係所有用英文科作答的答題都會詞不達意，所以學寫好重要。學寫作先從free writing 寫起，外國小學一直冇規範格式內容甚至文法，學生都是寫free writing，寫到錯漏百出冇問題，重點係落到筆寫。日記好，隨筆好，看圖作文都好。總之寫d野。寫完揾人同佢執，一同go through 內容。有了信心便可學返structure, 體裁咁去作。一星期一篇，由80字起，學繪mind map, 學擴句學elaborate, 半年後應該可以寫到3，4百字(當然內容一定尚有大把改善空間，但重點是克服了落筆的困難)。

最後聽和講，應該最易搞。睇YouTube, 上net, 總之整個語境出來。不求嘞嘞聲，能有信心順暢地表達，同時能解讀英文人所講的意思便可。

LeeCC

健健BB 發表於 22-12-4 17:49
㨂band 1 嘅中中， 咪得囉！

Band1中中，培正和金文泰

培正英文都好強，英文弱都唔易考入

金文泰就唔清楚啦