好多幼稚園已考小提琴/鋼琴四、五級？

Yanyan2003

識得有兩個小朋友讀緊九龍塘名校幼稚園，K2尾已經考左小提琴四級、兩個都跟同一個港島女老師，唔只識拉考試歌，仲識睇樂譜音符！
當然我知道家長同小朋友都好勤力練習。

但係講緊以前琴行六歲先比學小提琴，想問吓而家個學琴趨勢係咪K1前已經要開始學樂器，上小學之前一定要掌握好樂器？

純粹討論，希望得到已經升小的真實分享！

boboapril

我朋友曾經付出200%，但痴心錯付掛。吸引力法則，我覺得都有可能，佢咁negative最主要係expectation 有關。

真正讀音樂嘅人，我覺得係點都有d藝術家脾性，有自己信念，當然會帶到去教學。我見過兩個case, 同係5歲小朋友，家長意思叫老師可唔可以氹下小朋友（多啲鼓勵下），老師拒絕，話上我堂係學嘢，唔係氹，呢啲留返比家長做。另一個case, 家長再簡單啲要求，佢做得好，請你送個貼紙比佢，點知送咗兩次之後就冇再送過，無他，因為老師唔覺得佢做得好，佢知道小朋友有練琴，但唔係佢心目中嘅練wor.  呢啲老師堅持做自己，可能大部份嘅佢哋冇咁frustrated.  

Momobaba012

stinkyrabbit111 發表於 23-4-16 12:11
其實樂器老師個角色都幾可憐，唔似academic 果類老師，academic 起碼家長都會緊張d。小朋友學樂器，好多家 ...

Exactly

Momobaba012

964000 發表於 23-4-16 09:56
你這個朋友比較負面，相信不代表大部份老師，佢咁稔教學生，「浪費人生」，我都凳佢D學生慘，好的老師係會 ...

大部份老師都唔會想教無進步的學生

stinkyrabbit111

964000 發表於 23-4-16 09:56
你這個朋友比較負面，相信不代表大部份老師，佢咁稔教學生，「浪費人生」，我都凳佢D學生慘，好的老師係會 ...

其實樂器老師個角色都幾可憐，唔似academic 果類老師，academic 起碼家長都會緊張d。小朋友學樂器，好多家長都諗住比咗錢，個老師會攪掂晒。有時個小朋友根本唔想學，只係家長想小朋友個portfolio 靚d。對住呢d根本唔鍾意學，返到屋企又唔練習，家長又唔花時間去support的學生，每次覆琴好似彈緊新教一樣的，真係可以好frustrating。因為樂器始終係要rely on練習先見成果，唔似academic果類，老師教得生動有趣，會有興趣聽書容易記入腦。沒有effective地練習和support, 沒有進步，小朋友更加無動力學習和練習，惡性循環。就算老師幾有熱誠都好無用， 都好難break 到個cycle.。
但係呢d教琴一定會有機遇上。除非老師quali 好勁，收好貴，可以簡學生和家長。

964000

boboapril 發表於 23-4-15 21:48
我都有迷思其實教著個乖學生又肯認真學習又有d成績，老師係咪都會有滿足感。點知我朋友話得1%時間/機會有滿 ...

你這個朋友比較負面，相信不代表大部份老師，佢咁稔教學生，「浪費人生」，我都凳佢D學生慘，好的老師係會想辦法啟發學生的興趣，當然好老師唔易搵。
有時D野係相對，負能量就會吸引返負能量。

boboapril

我都有迷思其實教著個乖學生又肯認真學習又有d成績，老師係咪都會有滿足感。點知我朋友話得1%時間/機會有滿足感，絕大部份係折磨同浪費人生，有啲小朋友上堂直情唔回應、唔願郁，教到好嘅係bonus。佢都問我小朋友嘅老師係咪揀學生嚟教，事實上第－個老師係audition過先上堂，但係第二個老師（真係啟蒙同幫到手個位）又冇話要乜嘢條件先收我哋，但老師真係好錫小朋友，又無嫌我煩，老師上堂超時、好肯教同講解我知，真心每堂費用唔成正比。

stinkyrabbit111

我自己以前的鋼琴老師一樣，唔收小朋友，成人都只收7，8級以上，佢話教小朋友唔合乎成本效益，要付出更多時間和精力，應該收貴啲。不過佢教琴只是副業，有正職當然可以簡學生

LeeCC

boboapril 發表於 23-4-15 01:20
做個行厭個行好正常啫，d音樂人可能呻下，但係咪真係會轉行？－啲啲la.。又比如做飲食，又油煙又污糟，係咪 ...

有老師只係教中學生成人樂器和幼兒啟蒙音樂班，唔教小幼學生樂器，就係唔想應酬家長k3要有3級，升中前要有8級這些要求

中學生成人學生多數肯繼續學的都係因為喜歡，自己有目標的

boboapril

做個行厭個行好正常啫，d音樂人可能呻下，但係咪真係會轉行？－啲啲la.。又比如做飲食，又油煙又污糟，係咪會唔出街食、唔enjoy 美食？

音樂老師面對嘅frustration 真係唔少，常見問題係小朋友/學生唔合作、唔練習、溝通唔到，家長唔幫手唔緊要，但又要問進度，幾時考試幾時比賽。有朋友就話淨係想教成人，亦有朋友會自己進修教育有關，幫自己教學生，有啲索性搵正職、part-time 教琴，有啲揀叻仔叻女嚟教，所以睇你點面對啫。

至於演奏，點樣balance 付出與收入，又係睇你自己有冇頭腦同network, 你搵到商機，賺到咁就唔使出演咁多concerts, 令到自己emotional dead, 選擇自己喜歡嘅job. 做其他行業也－樣係咁啫。

小朋友興趣行先也是好的，父母只有提點－下唔好淨係讀音樂，甚至要求佢哋有其他將來保障收入的專業資格，條路會行得比較好。

LeeCC

stinkyrabbit111 發表於 23-4-14 14:06
學音樂除咗係學習去appreciate 一種藝術，也是一個比小朋友好好段練的機會，聽力，記憶，毅力，concentrati ...

所以我感恩小朋友暫未有打算行音樂路，至少佢將來會繼續享受音樂

stinkyrabbit111

學音樂除咗係學習去appreciate 一種藝術，也是一個比小朋友好好段練的機會，聽力，記憶，毅力，concentration etc, agree 係條苦路 ,不過需唔需要咁細考級好見人見至，不要迷失自我和忘記初衷便是了

不過我成日有一個迷思，就係如果真的喜歡音樂，就不應該讀音樂，因為往後少不免會走上音樂教育或演奏的路，我不下一次聽過多過一個音樂老師説放咗工係完全唔想聽到音樂，只想要寧靜；另一個成日演出concert的，話忙完一輪之後音樂令佢emotionally dead，我聽到都有d失落, 如果沒有選擇行呢條路會唔會更enjoy music?

LeeCC

boboapril 發表於 23-4-14 12:22
非常好，見到前人珍貴經驗，可以鼓勵自己繼續陪伴小朋友學琴。

我小朋友4歲就開始視大哥哥為偶像

幾年前聽到大哥哥完成學業回港後不再彈琴，感覺好失望，無得再睇大哥哥演奏

boboapril

LeeCC 發表於 23-4-14 09:20
個大哥哥出外留學回來，工作幾年，最近聽佢媽媽講，呢排得閒都有開返琴彈下，享受音樂
...

非常好，見到前人珍貴經驗，可以鼓勵自己繼續陪伴小朋友學琴。

LeeCC

boboapril 發表於 23-4-14 08:47
音樂路係一條苦路，唔行嘅話父母反而比較寬心。但屋企個琴掂都唔掂，仲要10年，咁真係可惜wor, 即係－個認 ...

非常同意，音樂路是一條苦路。

所以如果我小朋友話不想行這條路，我也無所謂，不會覺得可惜（但老師覺得好可惜），就如那位家長前輩所講，孩子從音樂訓練學到的東西一生受用，何況我小朋友話過音樂是他一生的朋友，將來雖然未必行音樂路，但不會放棄音樂。

LeeCC

四隻貓 發表於 23-4-14 09:09
大提琴家Trey Lee 李垂誼先生係訪問講：佢中學時唔想再拉琴，屋企人覺得好可惜，佢之後去哈佛大學讀經濟， ...

某一次比賽，睇過一個評判的介紹，本身是醫生，後來放棄做醫生，到俄羅斯深造音樂，現在從事音樂教育

LeeCC

四隻貓 發表於 23-4-14 09:09
大提琴家Trey Lee 李垂誼先生係訪問講：佢中學時唔想再拉琴，屋企人覺得好可惜，佢之後去哈佛大學讀經濟， ...

個大哥哥出外留學回來，工作幾年，最近聽佢媽媽講，呢排得閒都有開返琴彈下，享受音樂

四隻貓

LeeCC 發表於 23-4-14 06:54
所以我地呢d普通家長無得比，但那位當年因為要教女而減學生的老師話，她小朋友的成績是她每日上課陪練得出 ...

大提琴家Trey Lee 李垂誼先生係訪問講：佢中學時唔想再拉琴，屋企人覺得好可惜，佢之後去哈佛大學讀經濟，唔再掂個琴仲將個琴收埋冷宮。係華爾街工作了五年之後先發現深愛音樂，重回音樂學院學習，再次投入大提琴演奏之路。
學咗嘅嘢始終都係度，有時啲嘢好難講，可能個位孩子有一日會再彈返部三角琴。

boboapril

音樂路係一條苦路，唔行嘅話父母反而比較寬心。但屋企個琴掂都唔掂，仲要10年，咁真係可惜wor, 即係－個認識10多年嘅朋友，決定唔同佢做朋友，以後連傾計都唔會。可能當係－件兒時玩具，回憶下以前玩佢時嘅高超技巧。。止於此。

考級真係舊派或者行外嘅人先覺得有d嘢比人睇下，我覺得可以係－個階段性嘅目標，有人為升學而考琴，有學生唔知怎樣以演奏質素彈好首歌仔，老師通過考試比佢知道，有老師係要鼓舞小朋友，明明已經有7-8級水平，要小朋友以高水準考5級，所以幾多歲考幾多級完全反映唔到彈樂器嘅實力。

先天又好後天又好，最後都係睇小朋友有冇興趣同努力先可以走得更遠。

LeeCC

964000 發表於 23-4-13 14:03
先天（家長是音樂人必有音樂基因）
加後天（家長有音樂底可以自細親教加陪練）優勢
效果當然與衆不同呢

所以我地呢d普通家長無得比，但那位當年因為要教女而減學生的老師話，她小朋友的成績是她每日上課陪練得出來，論領悟力不及我小朋友當年，還說如果我小朋友都有音樂家長教，成績肯定比她女兒好，可見有先天但缺乏後天機遇也難與眾不同

但另方面，也見過有先天，也有後天優勢，媽咪也是樂器老師的，一心要傳授自己專才給孩子，但小朋友死唔肯跟媽咪學，亦拒絕學其他樂器，媽咪已經放棄，只是覺得浪費了天份，有d可惜。直至上中學因為學校要求學一種樂器，才在學校上樂器班玩玩下，亦因為咁小朋友才發現自己的天份和發掘興趣，繼續學落去，長大了仍然享受音樂，經常拿起結他自彈自唱

家長或者要反思下，小朋友學音樂是為了5歲考到5－6級去考小學，還是享受音樂，讓音樂成為他們人生的一個重要元素？

我小朋友學樂器超過10年，我也曾有過迷思，也曾聽到有人話我不夠進取，浪費孩子天份。

這10年間，認識不同老師和音樂孩子的家長前輩，大家交流培育音樂孩子心得。最令我感受深刻的一位家長，孩子14歲考完FT，再領獎學金跟名師學習，每日努力練習。但中五時決定放棄音樂，行另一條路，自此未掂過家中的三角琴，已經差不多10年。家長說，唯一令父母安慰的是，孩子在10多年的音樂路上學會堅毅，不怕辛苦和困難，還有自動自覺，這是一生受用，也是今世代年輕人難得的特質，家中三角琴見證孩子多年努力，完成它的任務，也是一個紀念，所以無人彈都不覺得可惜。