救恩 vs 崇真(英文部）vs 音小

shing418

大家好 小兒暫時有幸得到上面3間offer，如果唔比較學費同地點， 只考慮升中和學校課程應該點簡好， 3間都係happy school ，亦都係二線既學校，大家都相對少討論，論壇既文我都睇過一次，有以下結論，希望大家比下意見。多謝。
救恩：中西區升中對男仔無優勢，日後都要考返直資，但有匯基做backup。不過好欣賞救恩活動教學，北歐教育，主要project based，對小朋友日後成長都有幫助，不過去到高小都要谷返。歐校長都好有愛，見絕大部份用家講小朋友好開心返學，冇投訴。

崇真（英文部）：岩岩轉左莊校長，睇返莊校長背景都幾進取，應該會有心搞起崇真，英普語境好，課程應該都小谷同都活動教學，黎緊新大樓開幕可以用。升中就主要深水埗區，有基崇backup，但基崇排名唔確定上到B1未，始終冇公布DSE成績，升中排名應該冇救恩咁好？

音小：第一間收到offer，一直都好感恩，一條龍，學費包埋樂器，happy school，課程不明，不過最近個年DSE成績唔錯，用家好似都滿意。

自己暫時排名係救恩＞崇真＞音小，希望咁多位專家比下意見討論下。

mikinana

shing418 發表於 23-7-7 21:05
回覆 tikihong 的帖子

你好呀 最後我地揀左救恩呀

你好，請問你介唔介意分享你小朋友讀了救恩之後的感受？
小一有幾多班及每班多少人？

校長及老師對學生們關愛嗎？是否真正做到愉快學習？

謝謝分享！

onox

想請教下，這三個學校，唔知有無邊間對在讀學生既弟妹有入學優待政策，多謝

shing418

回覆 tikihong 的帖子

你好呀 最後我地揀左救恩呀

Nbranson

音小永遠都係第一間int.... 所有家長都當佢係練習.  

tikihong

我都好奇樓主最後揀左咩學校？

LeeCC

壓力是否有減少，是與你之前學校比較

幾年前，朋友仔由‘神校’轉去音小，成個輕鬆晒

ms_ck

AndrewHo_FB 發表於 23-1-14 19:23
小朋友由一線津小轉入音小，希望壓力少些。

但事與願違，音小的學術要求不比津小的少，甚至更多。我們入學 ...

音小很忙，但真的很好，試前老師會幫忙複習、温習！當然拎高分都要下苦功，但要合格不難，信心對孩子成長都好重要，亦令家庭和諧不少^_^

老師很有愛，耐心，温暖，無論細微地方還是日常上課都感受到愛同温度！

最後想補充一點，不明為何經常需要擔心跳船有困難…. 揀一條龍學校本就是看中升中少壓力！同樣都係進可攻，退可守的小學類型哦～況且現實就是有實力有能力的，不會有任何障礙，在音小跳得更高更遠的，真的大有人在！

Marris

jennyin424 發表於 23-1-17 13:10
回覆 Marris 的帖子

請問你小朋友讀邊間幼稚園呀?

心怡天地幼稚園 / Joyful World

jennyin424

回覆 Marris 的帖子

請問你小朋友讀邊間幼稚園呀?

AndrewHo_FB

haameehami 發表於 23-1-14 21:44
回覆 AndrewHo_FB 的帖子

請問音小係傳統/活動教學?

傳統的，坐定定上堂。

haameehami

回覆 AndrewHo_FB 的帖子

請問音小係傳統/活動教學?

AndrewHo_FB

小朋友由一線津小轉入音小，希望壓力少些。

但事與願違，音小的學術要求不比津小的少，甚至更多。我們入學至今都未停過，曾經多次思考有冇轉錯校。但想想他的中學部是band 1 ，小學部也不能太 hea。

最近期考，音小的數學科比舊學校多考3課。

全學校好似有 80+ 鋼琴(?), 基本上每個班房、禮堂都有一個。每個學生都有主修的樂器, 每學期都要考試。

在12月初已返全日，比一般的官津學校更勤力，但回家做功課時間反而減少，因為每天都有導修課。

讀音小雖然忙，但始終不用呈分試，又沒有排名次，壓力沒有以前那麼大。

firsttimemom

本人係音小用家，純分享一下:

阿囡超級喜歡返學，記得在暑假的最後一日， 我問佢 "你鍾意返學多D定放暑假多D?" , 佢諗來諗去....

佢係A仔，社交唔得、動作又慢、又大意....但老師從來沒有怨言，反而不斷想辦法去幫助佢，包括在社交上 "幫佢一把＂令同學仔接受佢，所以佢每天都自我感覺良好，我好感動。當然佢的同學仔也普遍非常善良、温柔，我覺得這和家庭背景／教育很有關。

學術上，聽聞呢幾年谷左，而我也好快發現呢間學校的學術要求其實一點也不低。我認識好幾位津校小學教師都不約而同說 "其實音小教既野深過津校"，可能呢幾年真係深左吧。但由於沒有排名次，所以沒有比較，另外如果真係考得唔好，老師也只會正面鼓勵，令小朋友感覺良好，所以大家的壓力不大，總是有個 "錯覺 " 呢度好輕鬆。

之前上ＺＯＯＭ，我有機會聽課，覺得佢Ｄ老師講課也很清晰、有趣，水平不低。

學校和老師在很多方面都非常關愛學生，也很細心。細微至落雨返學校服濕左，會請你去校務處借衫換，食午飯時間充裕，不會"食唔切" (食得快的也可以進行其他活動），請假可以安排校車送功課等等等等

宗教氣氛的確濃厚。我們不是教徒，也不打算信教，學校也沒有甚麼。

CamilleLily

重印度口音真心難明，相比下，香港人講英文算係咁 XD或者我表達得唔好,我意思係NET多少或口音正唔正宗唔係我首要選校條件。
語文老師教得學生發音準確，應用自如我就收貨了，如教到似native 口音會係bonus~

TT有考，最後無take offer，但對新校長印象好，語境好，
感覺係增值既學校，上位中，今年有新教學大樓，都吸引架！

SerenaYuen_FB

CamilleLily 發表於 23-1-8 18:10
以前讀書學普通話時，老師講其實最標準的普通話，可參考內地新聞主播（如央視等大台）。
因有嚴格規定普通 ...

Yes, 其實語言聽落去舒服好聽都好重要，唔係話要native，但要流利，好聽lo。人係好得意的，你覺得個個人講得好聽舒服就會覺得黎個人language好，講到d音都唔太準，你就唔會想聽太耐，同唔會覺得佢language勁。
個人感覺only，以前係澳洲讀書，中國人同印度人識的字量都好多，但佢地d 口音真係好難聽同搞到其他人聽唔明，所以我唔會覺得佢地英文勁，所以native d ，音準d ，聽落係真心舒服d，所以自然都會覺得佢地英文好d，你可能覺得我膚淺。

Ericci

回覆 Sing13 的帖子

係，hk852出左名仇中，應該比較少睇內地節目，國語標唔標準，絕對唔係主觀，係有大概準則，例如點解咁多人講譚仔姐姐廣東話唔標準，咁事實真係唔標準，係大部份人嘅準則，當然852大神都可以話佢地標準

CamilleLily

以前讀書學普通話時，老師講其實最標準的普通話，可參考內地新聞主播（如央視等大台）。

因有嚴格規定普通話水平測試要達某個標準，要字正腔圓。

而香港考到既普通話試如PSC，GAPSK都係講究拼音聲調準確與否來評核，所以我個人覺得無所謂口音正唔正宗，只有準唔準確。

而英文就無所謂正唔正宗，不計英國內不同地區咁仔細（如蘇格蘭聽唔慣真係黑人問號），淨係英式同美式已大不同了。

Sing13

普通話「正宗口音」，例如內地综藝節目，大家都覺得標准，聽得舒服。
其實普通話「正宗口音」不難，學校提供足夠語境，老師發音標準，浸一两年就得啦。
小學主要是中英數三科，學習語言包括聽說讀寫，分數高唔等於語言就叻，最後都是要靈活使用。（覺得自己中文叻，咁其他華人眼中是否認同？）
冇條件冇辦法，既然學習，有條件大家都想更加純正流利。正如學英文，英美老師都會比菲印受歡迎。

hkpapa852

Ericci 發表於 23-1-7 08:35
我個女tt國際部2年級，佢國語比英文好，我好多朋友不約而同都話佢國語口音好正宗，我平時好少留意，但聽朋 ...

國語口音好正宗

咩叫"正宗國語口音"?


北京口音? 上海口音?


其實只有部份香港家長, 唔知點解好強調英普口音要"正宗"


英國正宗英文口音係點? 係"倫敦口音"? "伯明翰口音"? "紐卡素口音" 還是"牛津口音"?