給內向型小朋友的家長去考小一的一點意見

超能爸爸

明天小兒入讀小一了，由上年9月開始漫長的面試終於結束。我小朋友係內向型＋口齒不伶俐，但很幸運入讀到心儀的小學。
總結來說，由上年9月到今年6月叩門，小兒總共去了13間學校面試，最後有4間私校，1間直資和1間津校offer。

面試技巧、學校數據等已經有很多資訊，我反而想以我自己的經驗，說一下怎樣可以令內向型小朋友有好一點的面試表現。

1. 相信孩子 － 你要對你小朋友信任，佢表現唔好其實只係佢唔擅長香港的面試模式，與他的學習完全無關，每個小朋友一定有佢的優點。
2. 面對現實 － 你要訓練一個內向型的小朋友變成口齒伶俐多數沒可能，反而透過適量訓練令他不至於太落後已經可以了。
3. 建立自信 － 內向型小朋友一旦失去自信面試表現會更差，所以要盡量多讚賞他鼓勵他，罵他是完全沒有幫助，還有反效果。
4. 調整策略 － 第一輪面試通常係口才了得的小朋友較有優勢，到叩門階段有些學校會有筆試，筆試對內向型小朋友較有利，所以製訂一個長遠的策略。
5. 出奇制勝 － 我個仔好鍾意魔術，我叫佢每次interview也袋定個小魔術，有機會就表現出來，希望令老師留下一點印象，結果，真係因為咁而成功得到一間私校offer。

以上經驗係好個人的，純粹分享一下，始終每位小朋友是獨一無二的。記住，小朋友唔會”唔得“的，只係“未得“。英文來講，係"not yet"唔係“cannot"。希望幫到大家，祝大家好運。

step422

謝謝你嘅意見 獲益良多

funkylife

如果小一未能入到心儀小學，可以之後p2-p5去考插班!  條條大路通羅馬。

myreallizzy

我的經驗是小學係邊間學校讀根本不重要，係邊間讀都是靠家長培伴與培養，所以不如睇輕呢個面試游戲，接受小朋友的性格特質，慢慢陪佢成長。只要家長用心，不要迷信學校名氣而迎合學校面試時間去逼迫小朋友，小朋友一定會如願成長成家長心目中滿意的人才。

Anne_Hall

pccw2017 發表於 24-2-26 17:21
咁小朋友要俾時間佢, 可能某一天會突然開竅. 最好當無這回事. 成日提呢D會俾壓力小朋友.  ...

而家都唯有慢慢等個大生性，諗通左唔好咁怕醜。我兩個都係怕醜仔，都幾難攪。

Anne_Hall

potato38 發表於 24-2-26 09:27
我小朋友都勁內向，但面試時佢會知道如怕講嘢，佢就送了學位俾隔離嗰個講得多嘢嘅人。佢平時係唔舉手答問題 ...

我都係咁教兩個仔，我細仔係劵幼，呢排幼稚園見家長，呢幾年老師評語都係成日唔敢講野好怕醜，唔敢答問題同舉手。

但細仔知道面試就要講野先有學校收，佢應該面試敢講野，聖誕節前收到兩間直資龍校offer，但就唔係神校。不過我都滿意了，知道小朋友內向都有學校收。

pccw2017

Anne_Hall 發表於 24-2-23 18:42
我仔有參加童軍、集誦班，返教會Awana，其實佢同朋輩相處好自然，同大人講野有紋有路，就係一知道係同學習 ...

咁小朋友要俾時間佢, 可能某一天會突然開竅. 最好當無這回事. 成日提呢D會俾壓力小朋友.

Anne_Hall

pccw2017 發表於 24-2-23 15:26
可以帶小朋友去參加一些固定的課外活動, 如小童軍、合唱團等. 多些機會接觸其他小朋友, 同一班小朋友個個星 ...

我仔有參加童軍、集誦班，返教會Awana，其實佢同朋輩相處好自然，同大人講野有紋有路，就係一知道係同學習有關既野就緊張同怕羞，唔知點衝破

pccw2017

Anne_Hall 發表於 24-2-13 21:57
我仔就係慢熱怕羞型，升小時考直資，用盡方法令佢無咁慢熱，但最後都得兩間二線龍校正取，一間call waitin ...

可以帶小朋友去參加一些固定的課外活動, 如小童軍、合唱團等. 多些機會接觸其他小朋友, 同一班小朋友個個星期見面會慢慢熟絡又可以學到一些技能. 到考中學時呢D課外活動都會有幫助的.

jinJJ

thanks. it is worth reading this post.

Anne_Hall

chingchub 發表於 24-2-11 17:56
建議如果小朋友係初小階段仍然保持內向慢熱口齒唔伶俐，係升高小後仍有需要盡早加強口語思維訓練，升中面試 ...

我仔就係慢熱怕羞型，升小時考直資，用盡方法令佢無咁慢熱，但最後都得兩間二線龍校正取，一間call waiting收，叩門結果反而好少少。

但佢而家初小仲係好怕醜，其實學校比好多機會小朋友表現自己，但佢性格係咁，除左等開竅都諗唔到仲有咩方法。

chingchub

建議如果小朋友係初小階段仍然保持內向慢熱口齒唔伶俐，係升高小後仍有需要盡早加強口語思維訓練，升中面試係另一個更重要既戰場

18babycome

回覆 超能爸爸 的帖子

謝分享

多多宝

Greyma 發表於 22-10-10 12:58
多謝你既分享。不過真係越 in越擔心，小朋友慢熱性格內向，好似點準備都好，都已經輸左7成，我已經有心理準 ...

慢熱內向唔緊要，只要學術OK，有問有答，一定有唔知一間一線學校收。

超能爸爸

回覆 Wonggyymm 的帖子

我小朋友係讀券幼，有些名幼會幫手訓練interview當然會幫助大啲，但自己用心幫他也可以做到的。
如果肯努力，其實結果一定唔會太差。

Wonggyymm

超能爸爸 發表於 22-8-31 15:10
明天小兒入讀小一了，由上年9月開始漫長的面試終於結束。我小朋友係內向型＋口齒不伶俐，但很幸運入讀到心 ...

請問係卷幼定名幼？係咪卷幼再難啲訓練？

超能爸爸

回覆 tcdino 的帖子

恭喜你呀。
多謝你話我知，其實幫到人我比你更開心。

tcdino

超能爸爸 發表於 22-11-24 22:59
回覆 MsMJ 的帖子

我覺得證書好像甜品，不是完全沒有作用，但又不是主菜。

多謝你一直以來的分享，很勵志和實用（即使我孩子不是文靜類型）! 我之前就是看你推介Trinity 3, 我孩子考到也覺得很有幫助，現在有幾個心儀的offer

超能爸爸

回覆 MsMJ 的帖子

我覺得證書好像甜品，不是完全沒有作用，但又不是主菜。

對於唔係個個都in的學校，佢一定係從portfolio，幼稚園學校或證書等去判斷給面試機會與否，所以用處可以去表示你有心栽培小朋友，唔係靠晒學校。

至於係咪都有得in的學校，可能看也不會看證書，主要看面試表現。

對於內向小朋友，我建議去讀Trinity，一來可以訓練他面試交談，二來證書含金量亦不錯，其實Trinity到level 3也學很多文法，對打好基礎亦有幫助。