校車安排

JackyTY

本帖最後由 JackyTY 於 22-8-16 01:27 編輯

有關校車，今日剛收到校車上落車final schedule，我哋屋苑距離學校最近距離，但放學就篇排最後一站落車。第一站同我哋一站相差40分鐘，全程車共1小時20分鐘。依家要遊完比我哋屋企距離更遠嘅地區先返到。
睇返以往校車資料，我哋屋苑係最近學校嘅一站，唔知點解忽然有咁嘅安排。唔係一定要篇係第一站，但都無估到變咗最後一站。
本來有其他offer，學校同屋企距離係其中一個選擇學校嘅重要考慮因素，但校車時間嘅安排，遠遠超越我哋估計範圍。而本身安排好嘅課外活動，如果跟校車放學，跟本全部會趕唔切。
搭校車就係想方便接送，同慳時間。本身約4千蚊一個月校車費，就係想買個方便。而家要額外安排交通同人手去提早啲接小朋友，覺得好無奈，又無其他選擇。已同校車公司反映，得出結果係我哋可以選擇withdraw school bus service。
成日諗，應唔應該同學校反映？
純呻文。

nganchi176

nerochar 發表於 22-8-20 17:51
我同意你講校車公司係唔會理會公平唔公平，佢哋自己成本效益先係關鍵。我只想回應之前對上嘅兩位，校車公 ...

呢個係校車公司俾我哋學校家長嘅答案。我唔知樓主係用邊間校車公司。消費者亦都唔需要理會係咪成本效益最關鍵，當然校車公司自己已經計咗條數。
如果自己屋企能夠安排，梗係自己接送小朋友最好。

nerochar

964000 發表於 22-8-20 14:13
本帖最後由 964000 於 22-8-20 16:03 編輯

我覺得校車公司唔會咁仔細考慮公平唔公平，佢地只係考慮甚麼 ...

我同意你講校車公司係唔會理會公平唔公平，佢哋自己成本效益先係關鍵。我只想回應之前對上嘅兩位，校車公司安排返學短途，放學變返長途，唔等同於平均各小朋友全日嘅搭車時間，亦唔代表咁處理係公平。

964000

nerochar 發表於 22-8-20 11:54
對於公平，我嘅理解有少少唔一樣，最近學校嘅應該用最短嘅時間，距離遠就用最長嘅時候。响家長選校嘅時候， ...

我覺得校車公司唔會考慮公平唔公平，佢地只係考慮甚麼路缐可以覆蓋最多站達到最大效益，但照常理住得愈近時間愈短應該是合理期望。
不過我都聽過個case仲離譜，K1小朋友下午班要坐校車回校，本來車程15min, 但校車説只可以在送上午班回家時(11:45）順便pick up 佢，然後兜渾全缐送哂上午班回家最後才送他回校（1pm),，最後只好自己送。
學校是細校下午班更少人所以更難組缐

nerochar

對於公平，我嘅理解有少少唔一樣，最近學校嘅應該用最短嘅時間，距離遠就用最長嘅時候。响家長選校嘅時候，距離會係一個好重要嘅因素，而嗰陣時校車都未落實，咁係唔會知到底要兜幾耐，家長只可以用本身屋企嘅距離作考慮。所以，最後小朋友要承受兜去其他地方而增加嘅時間，我會覺得反而係唔公平。 我自己會覺得，以距離遠近嘅順序，去編排校車路線會較公平。

mehaha

nganchi176 發表於 22-8-19 17:26
咁樣就好明顯。校巴公司係話要公平。你小朋友返學嘅時間已經短咗，如果放學都一樣係最快落車，咁對其他小 ...

delete

nganchi176

eleung123 發表於 22-8-19 18:20
回覆 nganchi176 的帖子

Yes, it's a fair deal都好容易理解

yes i think it’s pretty fair.

我小朋友都係咁，去程要一個鐘返嚟20分鐘。

eleung123

回覆 nganchi176 的帖子

Yes, it's a fair deal都好容易理解

nganchi176

JackyTY 發表於 22-8-16 11:50
去程返學係我嘅屋苑上車，之後有多一個站就直接返學校。 回程放學係第10個站，最後落車嘅一個站。
...

咁樣就好明顯。校巴公司係話要公平。你小朋友返學嘅時間已經短咗，如果放學都一樣係最快落車，咁對其他小朋友就唔公平。之前有家長問冠X，佢係咁樣答

melobi12

964000 發表於 22-8-19 10:09
就算同一間公司，都可以因每年各人住所組合不同而路線不同，啱啱收到今年schedule, 做了尾站，比之前遲12分 ...

返學做到尾站真係有中獎嘅感覺

964000

就算同一間公司，都可以因每年各人住所組合不同而路線不同，啱啱收到今年schedule, 做了尾站，比之前遲17分鐘上車，過海都半小時內到，好開心呀

nervousmichelle

melobi12 發表於 22-8-17 11:08
或者返學好開心呢。

我女都試過4歲時坐校車，尾站落車兜成個鐘有多。小朋友有得4歲，開始識同同學傾計同 ...

咁真係睇小朋友嘅情況而定。我個女之前校車都要坐成個鐘，落車時次次都話唔舒服，想作嘔。返到屋企都要抖幾耐先可以做其他事。始終，可以唔坐校車咁耐肯定係最好嘅。後來自己每日地鐵接送，囡囡就好開心，唔會唔舒服。

melobi12

JackyTY 發表於 22-8-16 16:55
無辦法啦 原來咁多家長都有類似經歷，校車公司根本唔會啋我哋，睇嚟都係要硬食，唯有安排姐姐出去接佢，或 ...

或者返學好開心呢。

我女都試過4歲時坐校車，尾站落車兜成個鐘有多。小朋友有得4歲，開始識同同學傾計同玩，有時佢又會攞隻自備嘅充氣頸枕（用手按制充氣，小朋友都handle到）出嚟瞓覺，瞓醒落車就好精神。

deco99

JackyTY 發表於 22-8-16 16:55
無辦法啦 原來咁多家長都有類似經歷，校車公司根本唔會啋我哋，睇嚟都係要硬食，唯有安排姐姐出去接佢，或 ...

得四歲坐咁耐真係慘，我揀學校真係睇埋校車，改路線好無奈

Choochootrain

nerochar 發表於 22-8-16 22:03
原來咁多家長都有類似遭遇，想知道EDB有冇限制校車車程？ 又或者可以向EDB投訴向校車公司作出監管，限制車 ...

車程長，校車污糟(垃圾，曱甴)，投訴無門，收費肉隨針板上硬食年年加，之前”放暑假”車費照收…

nerochar

原來咁多家長都有類似遭遇，想知道EDB有冇限制校車車程？ 又或者可以向EDB投訴向校車公司作出監管，限制車程時間同站嘅數目？

siufan15

回覆 JackyTY 的帖子

我小朋友上年搭開校車，今年學校轉左校巴公司，早左15-20分鐘（如果自己接送只是35mins，校車要1個鐘10分鐘），我向校車公司詢問，佢話因為改咗路線，我都好唔明，轉校車公司時明明承諾有更好服務，點知係咁！最後我選擇自己接送，我同朋友講開，佢話新校巴公司d校車原來好污糟，冇消毒🙄

JackyTY

964000 發表於 22-8-16 13:47
本帖最後由 964000 於 22-8-16 15:51 編輯

係真係好無奈，我都試過以前有間學校，因為見校車40min所以 ...

無辦法啦 原來咁多家長都有類似經歷，校車公司根本唔會啋我哋，睇嚟都係要硬食，唯有安排姐姐出去接佢，或者再作安排啦。一個四歲嘅小朋友，坐1個鐘頭20分鐘，真係有啲後悔自己選校嘅決定。

Augesttime

JackyTY 發表於 22-8-16 09:37
我都唔知應唔應該反映，小朋友日日都响佢哋車，擔心會有說話聽之類。 其他方案就係姐姐搭的士去頭站 (約10 ...

make sense 好多人都係咁做。自己早幾個站接咗再去其他活動。

不過你話一星期有四日咁樣又多啊。
但抖唔抖先去，呢d都係自己再諗諗點取捨啦。

祝早日解決，都快開學了

ckmammy

JackyTY 發表於 22-8-16 11:50
去程返學係我嘅屋苑上車，之後有多一個站就直接返學校。 回程放學係第10個站，最後落車嘅一個站。
...

你可唔可以返學嗰程坐校巴，放學姐姐接？