轉校？唔轉校？

mandy_520

我都好想知點樣培育先對孩子最好。我都冇諗過小朋友會喺資優。係被學校老師一次次投訴，由當初以為喺ADHD，搵精神科醫生CHECK咗唔係。跟住又話似資優。叫我哋又去CHECK。最後CHECK到IQ146，詳細分數都好平均。數理邏輯偏高，言語表達需要加強。冇其他SEN問題。EP建議可以搵程度深D學校，話可以比多啲挑戰阿仔。或者照讀原校，額外搵資源。宜家讀緊津校，現時呢間學校程度感覺較淺，比較Happy，學校話會提供安排，但唔知津校嘅安排喺咪都跟教育局指引安排？（感覺學校完全冇支援，都係睇報告做嘢）9月份都升小二，就算轉校，都唔知咩學校會適合佢哋？我見好多資優小朋友最後都係津校轉去直資或者國際，其實轉呢類學校真係對佢哋發展較好？

阿仔學嘢喺較快，教佢任何嘢，講1-2次，已經明白原理，前因後果！暫時最鐘意都係玩數學，解難遊戲。學緊游水，踢波，鋼琴，每樣佢都幾鐘意！當然打機睇電視喺最愛，啱睇嘅書，講機械，科學，微生物，恐龍，歷史果類，佢都會好投入去睇，喺書本都學到知識再講返比我哋聽！就係阿仔個人太雜，好貪玩，好似咩都啱，如果真係培育，我應該點樣方向好？佢哋都係需要教導，需要學習基本知識，性格品德都要好好教育！我哋夫妻都經常陪伴周圍去玩。

暫時阿仔返學都開心，但都會感覺悶，我有同佢傾計，話如果媽咪搵間學校會多啲活動，多啲功課，會多新知識學，佢想唔想，佢都話想，我話如果搵一間全英文溝通學校喔，你會唔會嘗試挑戰呀，因為我哋始終講開中文。佢都願意！不過我個心，有時都會諗，既然佢可以讀到程度高D嘅課程，咁喺咪可以比佢試下呢。但當初揀Happy School，唔想谷佢，又唔想勿忘初衷。真係好矛盾啊！老公話可以睇定啲，睇下學校比唔比到資源先！

mandy_520

ANChan59 發表於 23-3-8 13:03
睇到你嘅描述，你們一家人都好懂得處理兒子的問題（happy problem)。

你兒子如果幾個細分都好平衡係好事 ...

多謝你意見，我哋都係順其自然由佢發展。學校而家都有適當地幫助阿仔。阿仔返學暫時都開心，有2個朋友仔玩下。重點都係想培養佢學習熱誠，待人處事嘅態度。

ANChan59

樓主可以上網搵多元智能（multiple intelligences)的參考資料，你可能比1Q更有體會。

ANChan59

mandy_520 發表於 22-7-27 09:37
我都好想知點樣培育先對孩子最好。我都冇諗過小朋友會喺資優。係被學校老師一次次投訴，由當初以為喺ADHD， ...

睇到你嘅描述，你們一家人都好懂得處理兒子的問題（happy problem)。

你兒子如果幾個細分都好平衡係好事，但我嘅忠告係 IQ係dynamic 而不是static ，即使現在資優，不等於一世都係。適度的鼓勵、刺激，引導係有需要嘅！

你哋記得無忘初衷係非常重要的事情。我們有考慮過轉校，跳級，最後乜都冇做。讓他順其自然。

當時兒子嘅反應跟小曳人兒子的反應好似，返學係開開心心同朋友玩，課外活動才是學習新知識，要自己安排及我們夫妻幫手引導及教導。

小曳人講嘅學校係兒子的母校，兒子的感觸係入中一半年，就搵到自己的position ，還有如何展現出嚟，但絕對不是一個模，有學術，有音樂，體育或者冷門知識及技能。懂得跟這批精英（不是績優精英）如何相處互動，已經不簡單。

現實上，很多life skills跟學術冇乜關係，但係人生就會不一樣，吸引不少啱咀型的朋友。

你哋繼續母忘初心，加油！

glo000

Radiomama 發表於 22-9-12 12:09
在EK 讀你有關培育資優孩子的路，明白他們在香港本地學校讀書真不易。

回覆帖主，在國際學校IB的框架下， ...

本帖最後由 glo000 於 23-3-13 10:51 編輯

你地小朋友好叻呀，我女有講學校教得慢..請問如何處理小朋友跟同學不同步？課餘有參加比數學比賽挑戰下，但平時上堂點算呢？可以分享下嗎？

babytwins01

可以介紹你醫生比我嗎

小曳人

wong0723 發表於 22-9-16 16:00
回覆 小曳人 的帖子

你個仔一人去英寄宿OR 一家人去走?

yes or no...
佢一個人飛去英國，讀屋企附近半個鐘距離嘅weekly boarding.

有d 複雜....

wong0723

回覆 小曳人 的帖子

你個仔一人去英寄宿OR 一家人去走?

小曳人

964000 發表於 22-9-13 17:40
去到可以放下名校光環，反而更找到適合的學校。

佢去到係考試年，所以好難揾學校 (私校)，問d 出名少少嘅，唔係唔覆email，就係話佢地唔會有學生考試年退學
所以，有學校收就算，主要係想佢試下寄宿生活，又可以見到屋企人
渡過呢一年適應期

964000

小曳人 發表於 22-9-12 02:44
剛暑假過咗英國喇~可能因為唔係熱門學校，唔駛追業績，選科好自由，暫時返學幾開心

去到可以放下名校光環，反而更找到適合的學校。

Radiomama

小曳人 發表於 22-9-12 02:44
剛暑假過咗英國喇~可能因為唔係熱門學校，唔駛追業績，選科好自由，暫時返學幾開心

在EK 讀你有關培育資優孩子的路，明白他們在香港本地學校讀書真不易。

回覆帖主，在國際學校IB的框架下，資優生較易生存。

小曳人

Radiomama 發表於 22-9-10 21:40
你孩子不再在香港讀書了嗎？看來個課程好有趣。

剛暑假過咗英國喇~可能因為唔係熱門學校，唔駛追業績，選科好自由，暫時返學幾開心

Radiomama

小曳人 發表於 22-9-6 19:46
多野玩唔等於有興趣，有無興趣亦要睇教嗰位點deliver

學得深係因為佢自學能力強，加上停課時間亦唔短，無 ...

你孩子不再在香港讀書了嗎？看來個課程好有趣。

小曳人

cafeva 發表於 22-9-7 09:57
你仔宜家讀緊乜野?Foundation果類? 開心就容易讀得好.

唔係呀，都係讀中四咋，呢邊好麻煩，佢未夠16歲，想跳班都唔得，高年級d老師唔教得<16
不過今年會報大學，希望有心儀學校收啦~

cafeva

小曳人 發表於 22-9-6 19:46
多野玩唔等於有興趣，有無興趣亦要睇教嗰位點deliver

學得深係因為佢自學能力強，加上停課時間亦唔短，無 ...

你仔宜家讀緊乜野?Foundation果類? 開心就容易讀得好.

小曳人

cafeva 發表於 22-9-6 11:47
又討論下照計全人教育有咁多樣野玩, GC最多叻1,2樣, 應該點都有5,6樣係識唔哂可以學架, 因為無興趣?

如果 ...

多野玩唔等於有興趣，有無興趣亦要睇教嗰位點deliver

學得深係因為佢自學能力強，加上停課時間亦唔短，無得出去 (連棋比賽都停咗兩年)，唯有自學囉~
其實我仔仲自學好多野，e.g. 法文，佢亦對國際時事有興趣，但都係可以一個人做嘅野 (i.e. 唔係學校教)

我仔現時修法文、business management, food  technology, history.  可能未有考試同功課嘅壓力，校園生活開心好多(開學3個星期喇)，起碼唔會同我講唔想返學，佢會話老師好有趣！

從少，就教小朋友：learning is fun~
可惜，同一間學校讀，兩個仔一個話開心，一個話唔開心
就算同樣係GC，每個人需要同性格都可以好唔同
IQ越高嗰d，相對上，似乎係比較無耐性對住d無趣味嘅野

小曳人

cafeva 發表於 22-9-6 11:38
好奇問下其他學校願意怎樣幫助佢地?

其實每個孩子都唔同，需要嘅野都唔同
有d真係唔駛人點幫，但亦d真係學習上，頂唔到同齡一齊學習
最簡單嘅，係為有需嘅嘅孩子安排跳班，同時有老師跟進學習進度

當年旭日兄弟家長响HKAGE 分享過，學校為跳班孩子補細仔較弱嘅英文
呢個係聽返响嘅一個例子

cafeva

小曳人 發表於 22-9-3 01:20
HKAGE d course 如果同學校一樣，就無需要佢啦~
神校玩全人教育，神人點可能頂得住呀？！
有個去咗SPCC 嘅 ...

又討論下照計全人教育有咁多樣野玩, GC最多叻1,2樣, 應該點都有5,6樣係識唔哂可以學架, 因為無興趣?

如果無好似你仔咁係出面學深D, 都要跟學校課程, 自己未學過都唔會話無野學架
有好多問題唔明.

cafeva

小曳人 發表於 22-9-1 21:18
聽朋友講，SPCC 小學嗰班一般般，唔會話過半人係GC嗰d(朋友係教師，佢小朋友讀緊小學部)

中一入嗰班+插班 ...

好奇問下其他學校願意怎樣幫助佢地?

KK215

iloveapplepie 發表於 22-8-13 11:49
學棋真係好多好處
記憶力,  邏輯, 計算, 創意解難, 情緒管理, 社交等.......
我仔仔由第一日學棋到現在年 ...

學棋是那一款棋？謝謝！