(長文) 考小的迷思

Jsjsyg

不經不覺係EK已有多年的時間， 十分慚愧，一路以來都係CD-ROM。 一直睇左多位前輩無私的分享， 令我獲益良多， 不勝感激。 呢2日係不同版面見到好多前輩無私地分享及總結自己考小的經驗， 令到我都好想試下回顧同分享一下自己的經歷。希望可以幫到大家!

回想最初， 我係一個好迷茫的家長， 身為N無， 由學習甚麼是好學校開始， 到2位小朋友入PN再到入神幼(BK 家長心目中)。 直到小學有幸入到神校 (BK 家長心目中的)，可以一讀12年， 總算免卻了升中的擔憂。 亦算係完成左一個重要的階段。

但係， 一路走來， 其實真係唔容易， 係唔同時期 (放榜/ call waiting/ 寫求位信等等) 瘋狂search 有關心儀學校的keyword (e.g. XX 某校call waiting)， 睇過所有有關心儀學校的EK帖， 不停refresh 學校個website 睇下幾時有result release /application的資料， (多年前) 鬥快F5禁所有直資私小的;小一分享會的網上申請， 等電話， 等SMS， 等夠鐘上網check result 等等等等…

多年來發現每年大家係考小期間其實都有差不多的問題， 我想就著這些問題分享自己少少的睇法。但在進一步分享之前，我想講， 因為隱私的問題， 有些地方不會具體地介紹，請見諒。另外，分享全屬個人經驗，現實中總會有例外的, believe it ornot， take it or not請自行決定。

(字體好奇怪...唔識點整..)

版主留言：代為處理字體問題

甜甜人妻

感謝分享！

教仔真係返工同做人難。

kelly_bb1212

多謝長文分享，我小朋友才剛升k1，在ek睇到大家都好努力，真係好好學習

Jsjsyg

回覆 天外之人 的帖子

謝謝!
我十分同意分數高低不代表甚麼, 學習態度更為重要!

Jsjsyg

mcs74 發表於 22-7-14 22:41
點解你話自己N毛(emoji)考左PN已經係勝利的起跑線上吧！

同埋好想問下呢d家庭係咪一定係雙親一齊努力培養 ...口

n 無 - 係指我地無宗教, 無舊生背景, 無sibling 在讀.. 基本上係無分加, 靠自己.
我覺得如果父母兩人一齊努力與否係家庭教育方針的問題.  如果2個人唔係教育上一致, 真係好難會成功.  見校長或final round 的時候, 亦會問到家長教育理念的問題.  如果只有一方有心考, 另一方 '懶懶閒', 其實一問就知..建議你可以先同先生傾下, 究竟你地想小朋友行條咩路, 將來成為一個點樣的人等等.

係呀, 有2個小朋友真係好累, 我都係過來人.  自己教太累的話, 負擔得到就搵人教, 唔好令自己太大壓力, 亦唔好同先生傷和氣.  讀名校有讀名校的好, 但唔讀名校亦有唔讀的好.   

為人父母的, 都想一切俾我地小朋友最好的.  我地只能儘自己的能力係佢地細的小侯幫佢一把, 大左就要靠佢地自己啦..

天外之人

pwhr 發表於 22-7-1 20:54
同意, 考得唔理想的家長不要灰心, 目前情況也不一定決定小朋友的水平, 想自己當初都係普通學校, 但最終公開 ...

認同. 衹要父母唔太著緊分數高低,著緊小朋友對學習興趣投入既態度,咁就已經做得最好.

天外之人

Jsjsyg 發表於 22-6-30 18:11
最後寄語大家， 小朋友每個都係獨立個體，唔可以一式一樣用同一個方法去教。 凡事無絕對， 考小無一定的for ...

寫得很不錯.
亦都附上以下其中一個家庭教小朋友的成長路介紹

https://c.m.163.com/news/a/HC6EOTRU0535Q8QK.html?spss=newsapp

mcs74

點解你話自己N毛(emoji)考左PN已經係勝利的起跑線上吧！

同埋好想問下呢d家庭係咪一定係雙親一齊努力培養孩子？

有時候我好想努力，孩子本身資質就不好又專注力差時，再加上先生也是悠悠然的樣子，讓我經常想放棄。

一個人培養兩個孩子，感覺好累好累，腳步好重。

我時常在思考一個問題，如果孩子樣樣都平庸時，作為父母應該如何是好？應該專注培養他的興趣愛好？抑或是能讀到幾多盡量讓他讀幾多，最後無悔就好？

過雲雨

多謝你詳細分享，小朋友讀書大家真係花唔少心力

Imstillalive

如我係 no 1 小學老師揀收生，只會睇小朋友臨場表現，有冇臭脾氣，反應係咪 smart，名校學校大把資源栽培，傻既老師先會信D把鬼證書，幼童咁多證書有用咩?　
自己小朋友係咪聰明自己心知，各家長咪自己揾自己笨啦

同樣地我都會睇下Ｄ名校老師係咪肥豬，最討厭Ｄ名校要小朋友體育好，教個班得把口個個坐係到肥到隻豬咁

NEWTL

多謝你那麼用心的分享！

fattypatty

多謝分享

pwhr

同意, 考得唔理想的家長不要灰心, 目前情況也不一定決定小朋友的水平, 想自己當初都係普通學校, 但最終公開試勝過超過九成神校學生, 待人處事及工作發展也不落於同期神校學生, 神校當然有其光環, 但亦不是絶對, 見到唔少父母入唔到神校呼天搶地, 其實是否真有必要? 心理如此脆弱, 又如何能作為子女日後的榜樣?

Jsjsyg

最後寄語大家， 小朋友每個都係獨立個體，唔可以一式一樣用同一個方法去教。 凡事無絕對， 考小無一定的formula， 亦好講運氣， 老師走漏眼， 小朋友臨時失場亦有可能。 切勿非君不嫁。考到好的小學亦只是一剎那的光輝， 往後仍有漫漫長路.。養兒100歲， 長憂99。

共勉之。

(全文完)


歡迎大家一齊分享發問.

Jsjsyg

(續)

2: 小朋友個人特質: 說話 + 氣質 + 自信

小朋友的說話， 氣質，自信，好大部份都係反映家教，及同屋企人的關係。有人話怕羞的小朋友係天生的， 唯有考一D唔係活動教學的學校。   無錯， 怕羞 (慢熱) 的小朋友的確係輸蝕。 但絕對唔係 ‘無得醫’。 我的小朋友都好慢熱， 細的時候怕怕羞羞。 所以我地會經常俾佢參加義工服務， 賣旗等。 亦有參加一D比賽， 開始的時候可能是超細型的比賽 (唔出名唔洗出場的 e.g.畫畫比賽)， 基本上有參加就有獎的。 拿到獎後大大讚賞小朋友的努力。 等佢大少少， 有多D自信ready to go的時候， 就開始參加朗誦比賽。一步一步來， 等佢學習面對人群， 表現自己。

小朋友的行為，係父母的一面鏡子。你想小朋友面試鬆容淡定， 父母就不要異常緊張。 成日都以小朋友成績去衡量小朋友乖唔乖 - 例如: 你考100分喎，你真係好乖! 你今日唔合格，你咁曳㗎! 你考試識唔識？咁都唔識？! 會令小朋友更加有壓力。我地家庭好正面去對待面試， 亦經常俾好多肯定同讚賞俾小朋友。 咁樣小朋友先會更有自信， 更努力去嘗試。

說話， 氣質 亦反映家庭教育。 如果你想小朋友書卷味濃， 書不離手 – 請大人先放下手機， 遠離whatsapp/ IG / Fb/ youtube/ game， 多D陪讀。 斯文有禮， 談吐得體的小朋友， 家長一定唔會粗口爛舌，  說話粗俗。

3。家庭教育

面試的時候， 有好多問題都係圍繞著生活。 如果要小朋友 ‘識’答， 如期要小朋友背誦答案 (e.g。背誦mtr 車站)， 不如身體力行， 邊體驗邊教學。 如果要小朋友答 ‘我放假同屋企人去圖書館’， 一定要真係有去。 因為小朋友唔識講大話， 老師一問就知。 我地過去的數年的weekend 就係係科學館， 圖書館， 太空館， 郊外， 等等過。  生活的知識係最難學， 因為佢係最廣泛， 最能反映家庭生活的狀況。 就算疫情之下， 每一個看似平凡的地方， 超市， 樓下公園， 家中廚房等都係一個學習的好地方。 係好花時間， 亦好花心血。 一週工作下來， 好想靜一靜， weekend 咩都唔做休息一下。 我想， 生活知識反映家庭教育。 亦D分係肯花時間/心機/用功的家長陪伴和教導小朋友應得的。

Jsjsyg

回覆 Jsjsyg 的帖子

感謝版主代為處理字體問題!

Jsjsyg

(續)

如何培育子女增加入讀神校機會?

個人認為， 入讀神校有3個重要的原素。

(為免篇幅過長， 大家瞓著， 我好片面咁寫少少)。

1: 學術 - 即中/英/數

中文

學校成日都話喜歡 愛閱讀的孩子。  考過公開試的家長都知道語文能力係好重要。 閱讀就係發展語文能力的根本。 以我2位的小朋友考過超過20間學校的經驗， 面試其中一個重要環節就係朗讀中英文文字/文章。 呢D朗讀問題， 識讀就有分， 唔識讀就無分。  

所以家庭伴讀真係好重要。 家庭伴讀真係好重要。 家庭伴讀真係好重要。 (重要事情講3次!) 我地2位都係從K1 一本一本， 每晚都堅持伴讀。   亦會買一D小朋友有興趣的書， 例如恐龍， 公主一齊讀。 亦有玩中文字咭。 中文真係唔容易， 拼又無得拼音， 真係要慢慢學， 慢慢浸。 一定要從小開始。

我地有朋友佢真係好忙， 好夜番屋企， 佢會俾小朋友出去上中文班。  我地無上過。但如果家長無時間， 有出面學習一定好過無。 不過， 自己教的好處係， 閱讀可以增進親子感情， 面試的時候問到都可以講 ‘我地一家鍾意一齊睇書’- 真係間間學校都會加分。

英文 

相對上容易太多了。 英文同中文唔同， 英文只要識Phonics 就可以讀出個字 (基本分一定攞到)。 我地幼稚園有教Phonics， 不過都係太慢了， 因為我地唔識Phonics， 教唔到佢地.所以我地早早去學。  我地英文親子閱讀的時間相對俾中文少 (中文真係好花時間)…我地買左一整套ORT， 呢套書學校都有用， 真係好有趣， 小朋友都好鐘意讀。 有時我地會扮唔識， 要小朋友讀俾我地聽， 佢地K2的時候， 基本上都讀到出黎。 佢地考學校的時候， 基本上已經自己識讀。 2位小朋友考小的時候英文完全無問題  (上年zoom in 我都有睇住佢考)。 現在2位係英文科成續都ok。

數學 

有好多人話， 考小會考到 雙位加減， 甚至考乘數/除數… 幾年前我地上BK的時候都俾呢D‘題目’嚇左一跳。 我地係各方面衡量之下， 決定自己教 (幼稚園數學我地2個大人無可能教唔到)。 方法好簡單，(亦係EK同前輩學) – 我地買一大包M&M， 由數數， 然後到加數/減數， 最後到grouping(即乘數/除數的基本理念)。識答就可以食。 哈哈， 我地屋企真係唔係成日食糖果， 所以一出M&M， 小朋友立即坐定定， 好快學識。之後學得深D， 雙位數的時候， 我地用有大粒有nuts 的M&M代表10， 細粒的代表1。 咁就唔會食到蛀牙啦.

至於其他數學， 我地參考過以前的題目， 時鐘同圖形比較多。 圖形幼稚園有教。 時鐘我地只係買左個cheap cheap $12店的時鐘教。其他logic 等， 去買本幼稚園數學補充已經好足夠。



(唔好意思,  字體又好奇怪....)

版主留言：代為處理字體問題

Jsjsyg

回覆 Azzurro 的帖子

完全同意! 係名校/神校/ 甚至任何學校都係, 成績叻都絕對不能太高調.

一來高人實在太多太多, 做top 的實在太大壓力啦!  

Jsjsyg

回覆 littlecat123 的帖子

謝謝分享.
多謝ek大家無私的分享, 過往的題目其實都可以搵到.  但marking scheme (各樣面試項目如何比分, 比重等) 我想除了insider 之外, 應該無可能有人會知.. 雖然越早有paper paper 越好, 但我覺得小朋友的自信, 溝通 (唔怕陌生人), presentation skills 同樣重要.  如果唔係, 識哂答案唔肯/ 唔敢答應該都無機會.


十分同意家庭配合同quality family time.. 希望有少少時間分享一下我對家庭教育的少少睇法.

Azzurro

同意最後幾段
係成績勁嘅學校，要成為受矚目嘅人，比較嘅最高標準一定係成績本身
其他（會籍，財富，名氣）等等不值一提

但是成績領先也不會炫耀，因為勁人太多，難保被其他人追上