SPK好神（秘）？

yellowsugar_WT

戴咗頭盔先，我都係以過來人用家來分享，未必啱晒（資料），但希望打破迷思。
我本身好怕WS 備戰乜乜谷，所以如果你都係唔想入WS谷但又想了解多啲，可能啱你！

SPK是男女校，但比例就好懸殊，可以係成班都無男仔，通常得幾個會放埋同一班。因為升小開始是女校，所以我覺得男仔可以有其他選擇，如果你話有妹妹想跟住讀？Sorry，未必可以話跟就跟到！

收生標準？其實同校長傾過計都知，簡單來說，咩人都有機會！我N無、我唔係教徒、我住新界西北區、我無靚工作背景⋯⋯等等等等。以上都不是收生標準！如果你報呢間學校，唔收你唔會關呢堆嘢事！
我自己覺得關⋯禮貌、有禮貌好重要，即係家長平時點教小朋友，面試時老師會見到，但佢地有佢哋一套準則，我又點會知係咩。
禮貌、整潔、有問有答、大B 是我得出來的結論。

課程偏淺，如果你好著重語境，SPK一定唔適合你，因為無NET，又無普通話堂。但俾我感覺就好著重閱讀！
一班大約3x個學生會由兩個班主任帶領每日做唔同嘅學習活動。教本由學校自製，每個教學主題完結老師都會做評估，家長一目了然！學校唔會做多，但也一定不會做少。
自學、自理、自律無得頂。老師唔會有WS提家長帶咩準備咩，全部都好傳統，唔係由小朋友傳話，就係通告或打電話通知。
同埋如果你係好鍾意show off嘅家長，我覺得都未必適合你嘅style！學校絕對唔鼓勵送呢樣送嗰樣俾老師/同學。連生日會個蛋糕都係學校安排，最簡單嘅海棉蛋糕！聖誕節卡都最好唔好買，畫就得。

升小問題，3年幼稚園表現唔代表一切，小學部會喺K3時揀小朋友，都係嗰句，收生準則我又點會知，所以老師見家長時都會鼓勵所有無論叻唔叻表現突唔突出嘅同學，都報多啲出面嘅學校做多幾手準備！唔好以為個女3年表現好，家長又合作就一定收硬！當然，每年個比例都唔一樣，waiting list都會有機會收得番！個遊戲就係咁刺激。

插班/call waiting  求位信必備！插班真係插到K3中段都仲有！魔力之大都唔係講笑。點寫/寫幾多封，我都唔知，睇番有冇人走，所以真係好心儀嘅，過時過節都寫下囉！得閒又寫下掛。同埋call waiting唔一定係安排你下晝班，但你正取想轉又未必俾喎！又係嗰句，咩準則我都真係唔知。

以前我都覺得呢間學校好神秘，好少人講，因為其實學校好樸素，雖然教得淺，但佢地識好多嘢，其實有要求嘅家長，讀邊間學校都會外補㗎啦，所以學校有冇net，上到小學全英，佢地都會應付到。

結論係，男仔可以有其他選擇，對考小學有更大幫助。

有家姐讀緊，妹妹都唔一定收。

裝備自己好緊要，考小學就知無咩競爭力。因為你唔知上唔上得番小學。

學校唔係全部乖乖女，其實好正常，唔好自動神化間學校。

簡單來說，任何人都有機會，試吓就有可能，加油！

gabejang

留意佢唔係一條龍, 係直屬

gabejang

kamchaibaby 發表於 23-4-25 15:21
回覆 yellowsugar_WT 的帖子

多謝你嘅分享。想請教吓spk好似係龍校，其實升小同中會係邊間學校？因為太多 ...

st paul's convent school (primary section) + (secondary section)

kamchaibaby

回覆 yellowsugar_WT 的帖子

多謝你嘅分享。想請教吓spk好似係龍校，其實升小同中會係邊間學校？因為太多差唔多名，想問清楚，謝謝🙏

msnake_mama

甜甜圈10835 發表於 23-4-12 11:18
回覆 ferferso 的帖子

如11月才出offer, 那可否參加"自行分配學位" ?

私校不受限制 仲可以大抽獎

ferferso

回覆 甜甜圈10835 的帖子

可以

boojiji

其實都係學校同家長夾唔夾, 大家受唔受果一套~
例如: 中文字寫得唔靚, 老師會打比你.
思考1: 嘩, 老師跟得好足呀! 咁都會打比家長討論學生情況
思考2: 咁點解老師唔係學校教, 要打黎叫我自己handle?
思考3: 寫得唔靚, 又唔係唔識寫, 有咩大不了呀?

睇下大家係looking for d咩lor!

甜甜圈10835

回覆 ferferso 的帖子

如11月才出offer, 那可否參加"自行分配學位" ?

stanyllau

yellowsugar_WT 發表於 22-5-24 02:56
戴咗頭盔先，我都係以過來人用家來分享，未必啱晒（資料），但希望打破迷思。
我本身好怕WS 備戰乜乜谷，所 ...

平時點train佢禮貌？
黎緊諗住報n班

ferferso

回覆 甜甜圈10835 的帖子

10-11月知道有冇得直升

甜甜圈10835

我想問下今年K3 是否已經收到SPC offer ? 通常每年邊個月份會出小學offer ?

bearxxr

回覆 meke 的帖子

binnie

我地挑戰失敗

findingdory

GeorgeWa 發表於 23-2-20 12:27
SPK K1 幾時出result?(emoji)(emoji)(emoji)

今日收到信

GeorgeWa

SPK K1 幾時出result?(emoji)(emoji)(emoji)

小艾美

我幾年前升小有去找單對單的升學顧員，好記得佢話年年都會有SPK學生既家長來喊住口話小學收唔返，好徬徨，因為SPK係淺到無論，如果幼稚園3年信晒學校，自己冇去準備，咁就死得，因為去考私直，好難會收。佢咁講我咁聽。
另有朋友教過SPK，但而家已冇教了。只係話校長好監控式，佢做了一年忍不住走了。

Jean1769

meke 發表於 23-1-10 17:20
我地都係幼稚園插班，唔需要面見，直接收到電話通知取錄

唔駛interview就有offer?

咁憑乜決定俾唔俾offer?

Lightwriter

kitshek 發表於 23-1-10 08:47
讀SPK最緊要聽話，同預咗家長都會俾人鬧，修女最鍾意鬧啲家長唔注重小朋友嘅儀容。
...

校長同老師都好留意學生，最成日聽到係前面頭髮太長，裙太短，口罩鬆緊。家長太忙，無時間同小朋友整理檢查，學校一定會出聲提醒。至於係咪鬧，就好主觀啦。

有機會家長太緊張小朋友在校表現，以致好敏感，收到學校call 都覺得好大件事。

Lightwriter

SerenaYuen_FB 發表於 23-1-7 23:56
我反而想問知唔知小學有無net（有幾多個？），同中文係普定粵教？因為我見佢係英小，所以想知係學校 學生係 ...

小學講中文，中學講英文

meke

我地都係幼稚園插班，唔需要面見，直接收到電話通知取錄